Joyful Dessert House

營業中

休息中

呢間Joyful Dessert House好似攞過好幾年幾米芝蓮，bookmark左好耐la，今次同朋友黎開旺角，終於可以試下佢🤤入面好多甜品都好吸引，價錢略貴左啲，但係甜品質素絕對好有保證，今次去嗌左兩款甜品，兩款都好正，出到黎既時候，人龍勁長😂🙈好彩果日早去，如果唔係都唔知要排幾耐先有得食。 1️⃣綠茶心太軟伴雪糕（$72）心太軟流心效果一流🤤一切開就見到深綠色既溶漿慢慢流出，綠茶香好重🍵心太軟焗得好剛好，出面有少少脆身，唔係淋癟癟既，入面係濕潤既，而無論蛋糕體抑或係入面既綠茶漿都好重綠茶味，綠茶漿係偏結身既，味道超濃郁😍好正。另外有跟紅豆同埋雪糕。雪糕係可以自己揀口味既，揀左出面少見啲既開心果，開心果味唔會好假，仲有粒粒開心果碎，超推薦！  2️⃣士多啤梨拿破崙（$72）可以話係我食過最好食既拿破崙，好脆好脆。中間夾住一層層既忌廉，忌廉唔會太甜太耐，雲呢拿同奶香味都好夠，好享受☺️雖然好肥但係肥得好值得😚士多啤梨唔會酸，仲有一球士多啤梨雪糕。好好食啊呢間啲甜品😋 

🧑🏻‍🎓前排P仔同朋友去旺角食完飯之後想再食啲甜嘢，醒起喺黑布街有間想試好耐嘅黃店甜品舖，於是就去試下！🍨佢哋嘅甜品款式都幾多，而且全部都擺盤好靚好好食咁，幾經辛苦之揀到要食呢個士多啤梨拿破崙。🧈一上枱嘅時候P仔嘅第一個反應就係覺得真係好靚，而且都幾大份，三層嘅拿破崙夾住啲吉士醬同士多啤梨醬。一切落去個下就知佢勁酥脆，入面仲有啲空氣感好好食！🍓至於味道方面，拿破崙有幾香嘅牛油味，配埋吉士醬同士多啤梨醬嘅微甜幾唔錯！不過藍莓同士多啤梨就比較酸咗少少，如果就咁食就都幾酸，但係配埋雪糕同啲醬就嘅話就好唔錯，啱啱好中和返成件事，所以好快就可以食曬成個！🍰整體嚟講呢個甜品真係好唔錯，有機會想試埋其他嘢，全部都好靚好好食咁！

話說，呢一晚啲朋友同我去食生日飯... 幫襯左一間火鍋店，真係好難食.... 然後我啲朋友決定去搵一間好食嘅甜品店補返數！之前上網都見過一間野勁多好評，有陣時都好平都會好會中伏... 但係今次都決定去試一試啦...好好彩今次冇咩人排隊，等左10分鐘左右已經可以入座！佢限每個人都要點一樣甜品/飲品... 都無所謂嘅，咁我哋就一人點左一樣... 店員態度好好，又nice~ 最難忘嘅真係佢嘅拿破崙！我地點左士多啤梨拿破崙，佢個拿破崙整得好香、好鬆脆！我哋幾個好後悔只係點左一款拿破崙😂 其實佢嘅芒果窩夫都好好食！但係如果兩樣要比較的話，我真係鍾意拿破崙多啲～🥰好彩夜晚又來到呢度食甜品～咁我嘅生日飯先至冇咁失望❤️絕對絕對會再嚟幫襯！！！

某日, 獨個兒到 MK 買完 figure 後, 忽然心血來潮想吃西式甜品, 於是便前往黑布街去 ....我份人很公平的, 上次因為光顧了對面街的那一間, 所以今次就幫襯這間 ~循例也要看一看 menu ~做人不需過於清醒, 如浮雲一般便輕飄飄的 happy 了 ....  士多啤梨拿破崙 $58賣相精緻, 份量又夠堅, 拿破崙的酥皮十分香脆, 吉士的味道輕柔細滑, 甜度也剛好, 士多啤梨就是夠士多啤梨味, 士多啤梨醬微酸又帶甜, 真是一流! 買了玩具, 又吃到好味的甜品, 真高興 ~本篇完 ~

聽聞呢到的宇治金時紅豆芭菲幾好吃，所以來吃。宇治金時紅豆芭菲($56)，外觀好吸引，但本人不是太喜歡cream，每一層都有cream，同好多綠茶啫喱粒，中間再冇咩其他野，好似好呃人。士多啤梨拿破崙($58)有三層，好脆，但士多啤梨有D酸。比想像中冇咁好食,好失望。