Terrace in seaside (海運大廈)

營業中

休息中

近排海港城有間經常排隊嘅韓式餐廳成為打卡熱點🔥Terrace in seaside來自韓國，本身喺當地已經係唔少旅客的打卡聖地，未到香港水平如何？今日等我哋帶大家去睇吓佢水平如何先！.分店位置好方便，位處尖沙咀海港城嘅海運大廈，食完飯可以同朋友上多兩層對住過海Selfie返幾張相📸.餐廳環境裝修，我覺得算係走小清新、簡約嘅風格，唔算話有啲咩好特色嘅地方可以拎嚟打卡，但係就會比到一種好親切舒適嘅感覺食嘢既你。.今天我同朋友兩位就食咗以下菜單🍝青醬大蝦意粉🥢傳統紫菜飯卷 🐣香脆芝士有骨半份🍍仲夏清甜菠蘿忌廉三文治🍰士多啤梨提拉米蘇蛋糕.當中既香脆芝士有骨炸雞尤為出色外面酥脆香口、裏面軟嫩滑爽，外酥里嫩，一個字正！而呢間餐廳主打嘅韓式輕食之一既忌廉三文治味道都相當唔錯.飲品方面，我哋就叫咗兩杯🍍柑橘乳酪同🍊熱情金菠蘿沙冰。呢兩杯嘢打卡都一流，但係飲落去我哋就會推薦飲菠蘿沙冰，真係超好飲！

呢間韓國過江龍最近係海港城開左分店，假日午市時段都幾多人排隊，加上門口招牌好靚，吸引唔少人打卡。柑橘乳酪選用濟洲島柑橘飲落啖啖香甜清新，見到每枱都有叫，賣相非常吸引打卡一流。濟州柑橘炸雞無骨半份份量都幾多，雞係即炸新鮮熱辣，柑橘果香清新酸甜可以中和炸雞本身的膩感，雞肉軟嫩，甜甜酸酸好開胃。燉牛肋骨蛋包飯職員會幫你切開個蛋，裏面包住茄汁炒飯，半熟蛋非常嫩滑，牛肋骨味道就有少少似牛腩。傳統紫菜包飯感覺還原韓國風味。水果忌廉三文治麵包非常鬆軟，餡料用上時令韓國水果，包括士多啤梨、無花果同柑橘，加上忌廉滑順濃郁，有驚喜！士多啤梨提拉米蘇蛋糕第一食呢個配搭，Tiramisu用透明盒子盛載賣相精美，加上士多啤梨，簡直係多重滋味。

星期日難得可以同老公出街去餐廳食午餐，叫左好多野食，好滿足。送上泡菜一小碟，甜甜辣辣的。烤牛肉蛋包飯賣相吸引，雞蛋口感嫩滑，包住既唔係白飯，有啲蔬菜粒同肉粒，有沙律伴碟，好味。甜辣果仁炸雞有骨半份上碟熱辣辣，附有手套。炸雞香脆可口，甜辣醬好似係韓國食到既味道，仲有年糕同薯條，勁邪惡。傳統紫菜包飯簡簡單單就是好味道。水果忌廉三文治三文治好鬆軟，忌廉又好幼滑，士多啤梨同無花果又甜，真係好好食。士多啤梨提拉米蘇蛋糕上層忌廉，跟住一層海綿蛋糕，一層士多啤梨忌廉，底層係海綿蛋糕，有提拉米蘇濕潤既口感，加上有唔少士多啤梨，真心唔錯。飲品叫左濟洲柑橘乳酪$68同韓式朱古力泡泡$48，前者幾乎每枱都有叫，造型特別，乳酪味好出，後者朱古力味屬於大人口味。

呢間過江龍餐廳無論環境定食物都好IGable睇得又食得 而家我呢間分店喺尖沙咀 好方便因為太耐冇去韓國去到韓式餐廳忍唔住嗌左成枱嘢🙈🙈🙈水果忌廉三文治 $62 💁🏿‍♀️中間好多忌廉好厚身夠晒口感 好食因為配埋鮮甜嘅生果 食落會有少少略甜一人一嚿啱啱好😋燉牛肋骨蛋包飯 $178 🙆🏿‍♀️出住煙咁上枱 員工會即場幫你切開個蛋包飯好不得了 中間嘅半熟蛋會令你垂涎三尺🤤除咗賣相得之外 仲要好味👍🏿蛋包飯入邊係茄汁飯 好濃味而牛肋骨一啲所唔馬虎 炆到淋一淋加好入味仲要份量好多 推！傳統紫菜包飯 $72 🙆🏿‍♀️真係好傳統 就好似喺韓國食咁 入邊好多料而且佢包得好實 小妹用叉拮住嚟食都冇散👍🏿佢入邊嘅牛肉夠濃味 又有豐富嘅口感 大推！濟州柑橘炸雞無骨半份 $108 🙆🏿‍♀️佢有超多柑橘醬 所以好重柑橘味酸酸may may咁 好特別 好好味😋仲要小妹最愛無骨炸雞💓而年糕就比較有咬口柑橘乳酪 套餐加配$25 🙆🏿‍♀️除咗造型特別 好啱打卡之外佢清新柑橘味配上滑漏乳酪令我唔覺唔覺就飲晒🙊士多啤梨提拉米蘇蛋糕 $68 💁🏿‍♀️佢入面有士多啤梨cream側邊有啲士多啤梨片而且佢用膠盒裝 賣相好好 外賣亦都好