Terrace in seaside (海運大廈)

營業中

休息中

星期日難得可以同老公出街去餐廳食午餐，叫左好多野食，好滿足。送上泡菜一小碟，甜甜辣辣的。烤牛肉蛋包飯賣相吸引，雞蛋口感嫩滑，包住既唔係白飯，有啲蔬菜粒同肉粒，有沙律伴碟，好味。甜辣果仁炸雞有骨半份上碟熱辣辣，附有手套。炸雞香脆可口，甜辣醬好似係韓國食到既味道，仲有年糕同薯條，勁邪惡。傳統紫菜包飯簡簡單單就是好味道。水果忌廉三文治三文治好鬆軟，忌廉又好幼滑，士多啤梨同無花果又甜，真係好好食。士多啤梨提拉米蘇蛋糕上層忌廉，跟住一層海綿蛋糕，一層士多啤梨忌廉，底層係海綿蛋糕，有提拉米蘇濕潤既口感，加上有唔少士多啤梨，真心唔錯。飲品叫左濟洲柑橘乳酪$68同韓式朱古力泡泡$48，前者幾乎每枱都有叫，造型特別，乳酪味好出，後者朱古力味屬於大人口味。