Oslo (已結業)

之前同老公到九龍城拍拖，食tea！之後去買餸，見呢間有位就試下，難得佢肯食西餐😂我地落左order , 都等左好耐，真係好耐！不過食物上到枱熱辣辣，估佢係即叫即做，等自己心靈上安慰D😅個包唔得，好似雪左好耐，其他可以甜品有點驚喜，係一位年輕男侍應做，男仔都做到呢個效果，扺讚👍整體環境唔錯，係枱椅細張，而且是硬椅子，坐得唔舒服，價錢偏貴，冇乜餐，一杯小小既熱檸茶都$30，tea Tim 都食左 $290（有加一）但其實無乜service, 冇人理，可能tea time 時段，少人手，所以我覺得100滿分的話，呢間店值70分

Happy Friday 同朋友食生日飯，去九龍城，當然就係食泰國菜啦，飯後仲想食甜品，係九龍城打左個圈，最後揀左Oslo好似仲未好飽，一行三人就決定揀兩個窩夫黎試下。呢個朱古力層層疊嘅雪糕，朱古力味好濃，賣相好吸引，引唔住食多兩啖呢個士多啤梨雪糕，普普通通，窩夫外脆內軟，外型設計亦頗有心思不過如果士多啤梨係厚切嘅話就更加好喇食下笑下咁就過左一個鐘啦🤭🤭如果係開九龍城，又想食窩夫，呢間值得一推😬😬

位於九龍城富豪酒店附近的OSLO餐廳，舖面不大，但所售的食物卻水準很不錯，主打是西式食物，而較有名的是各種款式的丹麥酥，丹麥酥本來是麵包，而這間餐廳卻將這普通麵包柔合中及西式配料，做出與眾不同的食物，既然遠道而來，當然要一試當中美味。與朋友三人要了一個煙三文魚磨菇丹麥酥，一個二人晚餐，内有蜜糖雞翼四隻黑松露芝士焗大啡姑，意式煙鴨胸意粉，甜品是士多啤梨窩夫，再另加一客鮮果沙律及一客朱古力心太軟，三個人也差不多了。 首先丹麥酥新鲜熱辣上枱，單講賣相，已較人想大啖大啖咬落去啦，丹麥酥上鋪滿三文鱼及芝士，酥邊微燶，食落非常爽脆，加上煙三文魚略帶咸味加芝士香氣，簡直一絕。大啡菇果然夠大及淋而不硬，頗易咀嚼，加上黑松露的香味，食完猶想再來一個，再加上配菜的沙律，色香味俱全。煙鴨胸意粉，鴨胸香又淋，意粉則爽而不膩，反而鲜果沙律就較為普通。至於甜品亦有水準，朱古力心太軟的朱古力並不用甜味濃的，所以很易入口。 總括來說，如果十分滿分，我俾八分。最後一提，這裏的丹麥酥尚有多款中，西式選擇，大家有機會不防一試。

我對九龍城的印象唔深，今次只是第二次入此區 。 周圍的環境多是舊區，食肆裝修一般也以地道為主;可能幫襯的客人皆以街坊為主。正當期望不大時居然给我們找到一間特色餐廳，便毫不考慮地入內幫襯。店內面積不大，只容納十數張枱。裝修得優雅別緻盡顯其風格與別不同。而食物亦多元化，無論沙律，意粉或飯供應外，其主打是多士盒和精美甜品。經職員細心的介紹下終於我們揀選左二人套餐，當然主打美食是不能缺小的。 田園沙律 沙律菜非常新鮮 有火箭菜、車厘茄、青瓜和粟米配以沙律醬， 極之開胃。 黑松露焗芝士大蘑菇 大大隻蘑菇釀滿了黑松露，面上鋪滿了溶化的芝士;食落多汁和味道唔錯。 蒜香雞翼四隻 以蒜蓉焗製雞翼，當然是芬芳撲鼻;熱辣辣的雞肉嫩滑並不乾身。 意式醃鴨胸意粉 意粉很有咬口，混合意式醬汁特別滋味;鴨胸淋滑，味道突出。最重要的是份量勁多。 煙三文魚蘑菇 丹麥酥pizza丹麥酥原來是這餐廳新推出的產品。 酥皮外圍麵包軟熟 ，上面舖滿很多三文魚和蘑菇;再加入千島醬和芝士焗，食得滋味是唔錯的的食物值得一讚。 士多啤梨窩夫 因窩夫是卽叫卽做，所以外脆內軟;配合士多啤梨雪糕，真的甜在心頭。

今日和兩位長輩食晚飯，最初以為中餐一定合佢地胃口，誰知兩人異口同聲地表示想食有特色西餐，原來今時今日的長輩還潮過我呢！我知道九龍城一帶有間好出名食丹麥酥pizza的西餐店, 一於扮响導帶他們去一試。餐廳雖然不大但坐得幾舒服，感覺好warm。鮮果沙律🥗先來沙律清清腸胃，數款的新鮮生果夾雑著蔬菜，清新又開胃。黑松露焗芝士大蘑菇陣陣黑松露香氣撲鼻而來，切開還帶有絲絲芝士。入口勁juicy，好掂。👍煙三文魚磨菇丹麥酥pizza🍕真幸運！餐廳最近推出多款丹麥酥pizza, 選擇多了。凈賣相己好吸引。豐富的牛油夾層，層次分明，牛油味濃。外皮酥脆內𥚃柔軟。面層鋪滿了餡料，層次豐富，惹味又好味。主要來試這個人氣之選，果然沒有失望。意式煙鴨胸意粉份量好大，基本上可三，四人齊分享都足夠。意粉煮得有柔韌度，每條都沾上醬汁。鴨胸肉質軟腍有肉的脂香，不錯🍝士多啤梨窩夫原來長輩們好食甜品，真的要滿足一下佢地。窩夫質感鬆軟有蛋香。士多啤梨醬汁不會過多，甜而不膩。有雪糕的配搭，正！❤️