The Steakhaus

營業中

休息中

環境氛圍有格調，近似8,90年代嘅港式西餐feel，坐得舒服。牛油果芒果蟹肉他他 ($88)好清新嘅前菜，三款食材配搭得好好。酸甜嘅芒果，配搭蟹肉咸香，底層牛油果帶出順滑口感。士拉差雞翼 ($58)永無失望嘅香口嘢，外層炸得香脆，肉質嫩滑、充滿油香。滿滿蜆肉蝴蝶粉 ($118)蜆嘅份量好澎湃，每粒肉質都好彈牙飽滿。醬汁令蜆肉更加惹味。安格斯Prime西冷 8oz 配烤大蒜 ($118)厚度適中、肉味幾濃、入面仲保留肉汁，搭埋上面蒜粒或者烤大蒜更加惹味。芝士龍蝦 (半隻, $78)芝士好惹味，不過蝦肉份量真係好少，基本上三四啖就完咗。

昨晚同frd 去太子食飯，佢話朋友食過一間西餐叫The Steakhaus 唔錯，我地就book 黎試下。入到餐廳見到full哂，職員安排我地坐上樓上，樓上得我地一枱客，感覺好似包左場咁，加上裝潢新簇配合柔和既燈光，都真係幾好feel。我地二人點左幾樣野，包括鐵板油泡安格斯牛柳、蟹膏蟹餅、士拉差雞翼、黑毛豬鞍架，同杯cocktail，真心覺得唔錯。鐵板油泡安格斯牛柳(⭐⭐⭐⭐⭐)煮法都好特別，將幾塊大大塊既牛柳放係鐵板速煎，香氣濃溢，兼具視覺同嗅覺既享受。味道方面，肉質柔軟多汁，無肉渣同筋，配以面包及蒜頭，變成色香味俱全。蟹膏蟹餅(⭐⭐⭐⭐⭐)蟹餅外脆內軟，充滿蟹肉，帶有濃郁蟹肉香味，沾上旁邊既蟹膏醬，作為小食應該很多人鍾意。士拉差雞翼(⭐⭐⭐⭐⭐)單骨雞翼外都係外脆內嫩，有少少辣都幾惹味，配士拉差醬都幾開胃。黑毛豬鞍架(⭐⭐⭐⭐⭐)塊黑毛豬好厚，食落一d 都唔鞋，仲有種獨特豬肉香味，鋪左一d 蒜頭片更香，加埋幾片蘋果做配菜，唔會覺得肥同油膩。Athenian Spritz(⭐⭐⭐⭐⭐)呢款由氣泡酒、橙、雪碧等組成既mocktail賣相幾靚，適合打卡。而味道方面幾fresh，幾開胃。~

當日同朋友想食西餐，於是揀咗呢間位於太子嘅餐廳，因為當日係 lunch 時間去食，只有提供 lunch menu，選擇比起晚市少🥺鹽蛋黃牛排配粗薯條 🥩🍟牛排上面加咗蒜頭同蛋黃碎，十分香口，但牛排係較薄身，亦都比較熟，不過以 lunch set 價錢嚟講仲包埋嘢飲，可以話係性價比十足西班牙伊比利亞黑毛豬豬鞍配燒薯仔🐷豬鞍比起牛排好食，上面同樣有加蒜頭，好香，豬鞍亦唔算太乾身，食落口仲係有肉汁🤤 但燒薯仔其實係薯角嚟🤣 份量亦比較少，但以 lunch set 價錢嚟講都算唔錯士拉差雞翼無咩士拉差味，比較似普通炸雞翼玉桂青蘋果綠茶🍏肉桂同青蘋果味好香，配埋綠茶清清地，比想像中夾