The Steakhaus

營業中

休息中

呢間steakhouse對於成日用地鐵代步的我來說唔算好就腳， 但經過今次 用餐， 我覺得我會再來！M9和牛牛內裙配薯條及沙律首先介紹這款blue monday 推介的M9和牛牛內裙, 這部分相信在其他餐廳非常少見, 但少見並不等於不好， 牛內裙有獨特的裙邊口感， 帶點肉的爽口易咬， 同時牛肉味濃， 好介紹。 豬仔骨 可以選擇四支或者八支骨的， 結果來到真的大大件， 肉質軟淋入味帶點油脂， 雖然得兩個人但都有少少後悔唔叫八支， 配菜的小黃瓜不會過鹹，夾肉吃很清新醒胃。黑松露和帕泊瑪森起司炸薯條薯條一等一的香脆可口 ，看得出時整個薯仔切條而成。靈魂當然是提供的松露醬， 香味直接攻入口腔鼻孔， 松露fans必選。西班牙油炸鬼食完甜品更加覺得這間餐廳的全面， 這份甜品質素絕對已經可以成為一間甜品舖的生招牌， 油炸鬼做到那種香脆得來煙韌 的質感， 配搭極濃朱古力雪糕， 冷熱交融實在美味。 百利甜黑糖奶 屬於cocktail的一款， 酒味唔算濃烈， 但Bailey 夾雜黑糖和奶的香味中和出一杯軟滑順喉的甜奶酒， 喝極都唔厭！

隱藏太子一角格調西餐廳 好耐冇食過西餐 於是嚟到太子搵到一間充滿格調橙色做主題的西餐廳 環境佈置充滿一點懷舊感🫶🏾 有一種花樣年華嘅感覺 先講一講飲品百利甜黑糖奶 百利酒本身自自己喜愛 加入黑糖淡奶令到飲品變成一杯黑糖奶茶一樣，帶點百利酒嘅味道鐵觀音奶茶配咖啡凍 鐵觀音茶底 已經另外一隻夠香濃 加入咖啡凍 令到佢變成中西合璧嘅鴛鴦一樣食物陸續登場啖啖蟹膏蟹餅 完全配合到個名 切開內層啖淡蟹肉 外層炸得脆脆的好香口 好豐富滿滿蜆肉蝴蝶粉 蜆肉滿佈在蝴蝶粉之上 蜆肉飽滿 食完一隻又一隻 芝士白汁，做得好出色 食得出帶點辣味蝴蝶粉朔晒芝士白汁 非常入味👍安格斯Prime 牛骨肉眼 15安士配沙律 這頓飯嘅重頭戲 牛扒份量十足 叫咗七成熟 餐廳烹調牛扒技術做得剛剛好 啖啖肉口味好濃 亦好腍身每一餐飯一定要有甜品先至圓滿提拉米蘇 晚上相當吸引 餅層濕潤到剛好 奶油好香滑加上咖啡粉嘅香濃 配合得非常好座位舒服，裝修細緻絕對係一個食飯嘅好地方

位於太子的小店，平日晚上都有很多客人，裝修型格特別。黑毛豬鞍架 配火腿脆片及紅酒蘋果檸檬鹹蛋黃不單止擺盤吸引，口味還好獨特。蘋果片是紅酒的顏色，味道清香很濃酒味。黑毛豬成熟程度剛好，脂肪的邊緣煎簽得很朝香，配合鹹蛋黃酸酸鹹鹹，層次感豐富。鐵板油泡黑安格斯封門柳扒120z配酸種麵包有專人鐵板煎牛扒炸炸聲好治癒，份量大得驚人，5成熟嫩粉色既厚切封門柳同酸種面包最後淋上橄欖油，即刻「靚仔晒」。麵包熱辣辣脆卜卜，沾上橄欖油更邪惡，肉質好嫩滑，雖然生熟程度不高，但係完全無靭口，啖啖肉牛味濃，食肉獸之選！滿滿蜆肉蝴蝶粉蜆肉份量非常多，多過蝴蝶粉。蜆肉粒粒都飽滿鮮味，最欣賞就係芝士白汁底非常濃郁，辣辣甜甜的很惹味！香草羊架 （3支骨） 配脆薄荷葉愛吃羊的朋友，尤其是喜歡羊臊味的非常推介。看似粉紅顏色，好像生的一樣，但不是血淋淋的，冇腥味而是有微微的羊臊味，肉質鮮嫩。特別喜歡他的薄荷葉和醬，偏甜少少不會過分薄荷而搶去羊嘅味道，剛好能減少油膩感。西班牙油炸鬼在別的餐廳吃過這甜品，對比steakhaus的，steahhaus做的是更出色。油炸鬼新鮮炸起，有好濃郁嘅黑糖和玉桂味。甜而不膩，點上有一點忌廉芝士

打工仔係七月同八月特別慘, 基本上完全冇紅日,諗起鬼都有個鬼節休息一個月, 但打工仔就完全冇,心都灰埋,所以星期一就梗係約朋友出街食飯, 排解下心情入面既裝修有D似九十年代既感覺, 成個感覺唔錯, 令人幾放鬆, 幾岩傾計Blue Monday Steak-$158一坐底就比個餐牌, 睇到一個主打BLUE MONDAY既牛扒, 真係好切合到我既心情。但叫左之後, 發現D個牛扒又真係性價比好高, 牛扒牛味幾濃, 外脆內軟, 而且配菜係薯條, 唔錯無花果火腿PIZZA-$128無花果與火腿交織出迷人的甜鹹綜合,Pizza 餅底薄脆可口,料多實在,完美平衡各種口感,整體而言是一款非常美味的 Pizza 佳作。啖啖蟹膏蟹餅-$78蟹膏爽滑鮮甜,蟹餅外酥內嫩,入口即化，配料豐富多様，每一口都飽富蟹肉鮮味，極盡奢華海鮮之美。提拉米蘇-$58提拉米蘇層次豐富,餅底濕潤綿密,奶油香醇滑順,咖啡香氣迷人,甜度適中,層次感強,堪稱經典意式甜品無疑。朱古力(熱)-$38濃郁朱古力香氣撲鼻而來,入口即化的絲滑質感,溫度恰到好處,暖暖的口感格外舒適怡人,堪稱冬日最佳暖心飲品。百利甜黑糖奶-$78Baileys香醇

在這家餐廳，食品種類雖然不算多，但每一道菜品的出品都令人驚喜。廚師們挑選食材，以簡單的烹飪技巧帶出食物的味道。無論是傳統的日常菜還是創新的特色，都展現了不錯的水準。喜歡簡單小店 一定要來

今日放工同老公來了太子這間西餐廳首先來一杯Cocktail～青蘋果莫吉托$78～青蘋果味香濃，而且飲品不會太甜，口感較為清新，好像在飲青蘋果味梳打水似的。看過餐牌，這裏有不同的肉食，有數款牛扒、豬、羊等等，同埋都幾得意是揀了主角肉食，仲可以加錢點配不同的配菜或特別醬汁。我們點了一客黑毛豬豬鞍架～本身配上了火腿脆片及紅酒蘋果$128～黑毛豬豬鞍啖啖肉，豬肉味濃肉質多汁易咬，正。配上火腿脆片來吃脆卜卜的口感特別。仲有紅酒蘋果超入味，酸酸甜甜。但見到有可以自己揀選唔同食材加配，又忍不住加了幾款試一試!$15檸檬鹹蛋黃～鹹蛋黃非常美味香口，鹹蛋味香濃，大件沙沙口感，帶點點微微的檸檬清香吃起來不會過膩，把少量的鹹蛋黃加配在豬鞍上，更能令豬肉帶有另一番風味，鹹蛋黃配豬肉都相當一絕。$58奶油蒜蓉蝦，必食！蒜蓉蝦已經剝殼，吃起來十分方便的，啖啖蝦肉超爽口，彈牙大滿足。另外最欣賞這個汁醬，超級惹味奶油味香濃，而且帶點點微辣令人愛不釋手。這個汁還可以用來點豬肉吃，更為惹味。$78半隻芝士龍蝦，雖然龍蝦不是很大隻，但是芝士真的跟龍蝦是絕配，美味的芝士鋪在龍蝦肉上，經過烤焗後，芝士完全溶化，令啖啖的龍蝦包圍

<M5和牛牛內裙+蘆筍🥩 $168>我第一次食牛內裙 原來都幾好食 和牛肉質鮮嫩多汁 相對上會更加肥美🤤蘆筍都幾清爽 同和牛一齊食都幾夾❤️<黑毛豬鞍架配火腿脆片及紅酒蘋果🐖 $108>黑毛豬肉質鮮美 比我想像中更加軟熟🥹搭配火腿脆片同紅酒蘋果 口感都幾豐富😋<卡真甜薯條🍟 $38>必食‼️ 番薯條味道甜甜地 炸得都好香脆 點埋個沙律醬真係一流 好好味🥹<西班牙油炸鬼+雪糕 $58🍨> 必食‼️ 想食呢款甜品好耐㗎啦 Churros新鮮炸起 外脆內軟 外面仲裹咗好多肉桂粉同糖粉 再點埋藍莓芝士雪糕 真係好正🥰<成人水果茶🍹$78>呢款雞尾酒好啱女仔飲 真係好易入口🙂‍↕️超級多水果 真係好清爽✨

位於太子的The Steakhaus是一間有格調的西餐廳，以其精緻的裝飾和獨特的氛圍而聞名。餐廳內部設計考究，融合了包浩斯設計元素，營造出舒適而高雅的用餐環境。每一件餐具、燈飾和布置都經過精心挑選，與整體風格完美搭配。菜單以高品質的牛排為主打，搭配新鮮的配菜和精緻的醬汁，讓每位顧客都能享受到美味的饗宴。無論是慶祝特別時刻或是日常用餐，The Steakhaus都是理想之選。❤️安格斯Prime西冷8oz配烤大蒜牛排肉質鮮嫩多汁，牛肉的天然風味與烤大蒜的香氣完美融合，增添了層次感。烤大蒜的微甜與牛肉的鹹香相得益彰，讓每一口都充滿滿足感。烹調火候掌握得宜，邊位微焦內嫩，是一道簡單卻令人印象深刻的佳餚。❤️黑毛豬鞍架配火腿脆片及紅酒蘋果黑毛豬肉鮮嫩多汁，肉質彈性十足，與火腿的鹹香形成良好的對比。脆片的酥脆感增添了口感層次，而紅酒蘋果則帶來一絲微酸的清新，平衡了整道菜的味道。每一口都令人感受到食材之間的和諧，讓人回味無窮。❤️滿滿蜆肉蝴蝶粉一道充滿海鮮鮮味的意大利菜，蜆肉的份量非常多，性價比高。蝴蝶粉的形狀獨特，吸附了豐富的醬汁，口感滑順。蜆肉鮮嫩，帶有自然的海洋風味，搭配香蒜和橄欖油，增添了香氣。

於太子西道有一間隱世西餐廳，店內裝飾高雅而溫馨。暖黃燈光搭配歐式風格嘅裝飾，營造出一種浪漫而舒適嘅氛圍。由於餐廳可以飲cocktail,食完飯同朋友飲2杯chill下真係唔錯嘅選擇。是日廚師推介係M9和牛牛內裙配薯菜。牛扒烤得恰到好處，外皮微焦香脆而內裡多汁，完全保留和牛鮮嫰嘅肉質，每一啖都係味蕾極致挑逗。配上薯條及清新爽口嘅沙律菜，整餐飯飽肚又滿足。另外叫左個豬仔骨 (8支骨)配酸黃瓜。經過精心調味嘅豬仔骨，外表香脆，肉質鮮嫩多汁，味道少少甜，惹味香濃且有層次感。搭配清爽嘅酸黃瓜，解膩又開胃，更能中和肥膩感覺，多食都唔覺飽滯。仲有🍕叫左無花果火腿薄餅，亦到係今晚晚餐嘅另一亮點。薄脆嘅餅底搭配香甜嘅無花果同火腿，兩種風味交織出令人難以忘懷嘅味道，鹹甜比例調配得宜。最後當然要試下非常易入口嘅成人水果茶cocktail。由水蜜桃、菠蘿、香橙等水果，清新水果香氣同酒喺杯中匯聚，令人飲完留下深刻印象。總結黎講，喺The Steakhaus用餐非常唔錯。從環境到美食，每一個細節都處理得恰到好處。令人帶住一個輕鬆嘅心情渡過Blue Monday

係太子唔起眼既五金店旁邊有意外驚喜的扒房我都係見到人介紹，決定第2日即刻去，點知好有驚喜！烤牛排芝士三明治配綠色小沙律$68牛扒配拉給絲芝士，味道好夾，份量適中，女士岩岩好鹹蛋黃牛排配粗薯條$88熟度已預設為7成，要生d事前講，鹹蛋碎外既蒜蓉汁有驚喜！好味但我鍾意食生少少懷舊鐵板餐配蒜蓉汁牛肩胛$118牛肩肉有肉味。雖然都係預定7成但口感彈牙！美味！午市仲免收加一，會再去幫襯！晚市餐牌都好抵食，下次再介紹

係太子放工，想食西餐～行行吓就見到呢間扒房，好似幾有格調✨一於入去試吓🤝🏻🛎 $98 香草羊架配脆薄荷葉 呢道香草羊架真係令人驚喜💓羊肉外焦內嫩，薄荷葉既提升了羊肉嘅風味，同時有種清新感覺，正！🍖🌿🛎 $168 M9和牛牛內裙配蘆筍 原來8oz都勁大份😳第一次食和牛牛內裙～肉質都好嫩滑，牛味勁香🤩🤩🤩搭配新鮮蘆筍，好味得黎又打卡一流🥩🥬🛎 $108 水牛芝士番茄羅勒闊條麵 芝士味超濃郁，闊條麵又勁掛汁😋仲有蕃茄酸酸地，食落唔會覺得油膩！🍝🧀🛎 $78 成人水果茶 入邊有大量龍眼同埋菠蘿，酒味唔會好重，好啱女仔飲🍹🍊🛎 $38 抹茶拿鐵 🛎 $58 提拉米蘇

一望呢間嘅Menu，覺得個價錢幾抵，牛扒$98有交易而意粉都係$100頭，定價比其他西餐廳平至於食物質素，我會話一般，唔係特別好味安格斯牛扒嚟講牛味幾重，都幾腍蕃茄芝士闊條麵個sauce就有啲淡，不過可以接受薯條就中規中矩Tiramisu, Churros 呢啲Classic甜品都好難唔好食唯獨佢個matcha latte真係好難飲😅淡過水，係我呢世人飲過最難飲嘅matcha latte菜式嚟講都OK嘅，但佢哋全部都有個通病就係太細碟，食完完全唔飽😂後尾我哋每人平均都$250但係食唔飽，大食嘅人要慎選🙏🏻

今日同朋友慶祝生日，去咗一間位於太子道西的西餐廳。環境佈置好有格調，氣氛柔和。成人水果酒比起我哋飲開的水果茶，橙味重一點，因為加咗酒精所以為之成人版，酸酸甜甜，口感豐富。Blue Monday SteakM9和牛牛內裙（8oz）配薯條及沙律菜可能係星期一Special, 叫左試吓。性價比高，肉本身質素高，肉質鮮嫩，呈粉紅色，能保持肉汁。伴碟的沙律菜新鮮，薯條剛剛炸起，超讚。豬仔骨（4支骨）配酸黄瓜豬仔骨燒得岩岩好，少許焦香，豬仔骨肉質嫩滑，充滿肉汁。啖啖肉唔會得條骨，加了蜜糖和燒汁份外野味。滿滿蜆肉蝴蝶粉分量十足，蜆肉多，好鮮味，有少許辣。西班牙油炸鬼是西班牙有名的甜品，油炸鬼炸得鬆脆，唔會覺得肥膩，配上近期大熱的開心果味雪糕，好味。朱古力布朗尼配雪糕布朗尼朱古力味濃郁，同樣配上開心果雪糕，雪糕和布朗尼的味道互相中和。朱古力fans必點。

今晚喺OpenRice 即日book枱食 一入去個店員已經黑緊面 坐低碟又未收枱又未抹落單QR code menu乜都冇 叫佢俾QR code我直接掉過嚟 全部嘢都係叫先有 今晚加一你俾返我？前菜上到嚟 青瓜加麵包😅，兩碟主菜，一嚿豬一嚿牛 零配菜 女仔都唔夠食 ，塊西冷嘅鹽好似唔使錢咁 咸到係咁飲水 舊豬白烚咁款 食完主菜催咗幾次先肯上嘢飲😊而家未食甜品已經打緊劣評 甜品都催咗幾次 嘢飲都仲係仲差一杯 仲未知幾時嚟😅二人餐$600自己煮好過 食到好嬲 服務態度差到極點 有幾枱客都投訴 唔明白點解咁多好評😅

見到門口裝修幾特別，所以就入試下～裡面環境很有格調，氣氛很好，打卡一流。最鍾意就係佢嘅地磚設計！！Set lunch都有幾多選擇：芝士+沙律、牛扒、鐵板豬鞍牛／肩胛、意粉、煎三文魚、All day breakfast、French toast...仲有多款小食揀tim♡♡烤牛扒芝士三文治配綠色小沙律牛扒夠厚、芝士有拉絲食物有質素，即叫即做不過細份咗啲，有啲唔夠喉...下次可以再嚟試下其他野食可以約多幾個朋友仔叫多試下甜品