Pickabowl (D2 Place ONE)

營業中

休息中

星期五同老公去食夏威夷魚生蓋飯。你可以揀餐廳已配搭左既Poke Bowl，亦都可以自己配搭。夏威夷四重奏 有辣味三文魚+經典吞拿魚+泰式熟蝦+牛油果，配菜係彩虹，底層揀左薑黃椰菜花+半糙米飯。成碗好大兜，好足料，三文魚同吞拿魚幾新鮮，泰式熟蝦幾彈牙。彩虹係番茄、青瓜、甜椒配自家製醬油，我仲食到有菠蘿。薑黃椰菜花切到細細粒，好碎，成碗撈埋食，每啖都食到唔同既野，唔錯。D.I.Y 自選2款魚生/熟肉揀左慢煮天多利雞、西班牙蒜辣油八爪魚。即使係雞胸都唔會鞋，八爪魚亦唔會韌。配菜揀左和風，有烤南瓜、玉子燒、炸豆腐、四季豆、毛豆配自家製醬油。底層揀左薑黃椰菜花+半糙米飯。加$25升級套餐有鰹魚昆布湯、溫泉蛋、甜品。鰹魚昆布湯清清地幾好飲，溫泉蛋攞黎撈飯食，甜品係黑糖布丁。仲加左$10要水蜜桃果汁。

放假就去荔枝角嘅D2 Place行吓啦 ，夏天咁熱就想食返少少凍嘅嘢降下溫❤️就見到pickabowl😋 我見到門口已經好多人排隊 ，佢哋都有好多種唔同嘅飯做選擇♥️ 咁我同朋友兩個人就選擇左唔同嘅套餐。我點咗一個夏威夷四重奏，裏面包含咗辣味嘅三文魚，經典吞拿魚，泰式酸辣大蝦同埋牛油果😈包含嘅幾種魚生都係我嘅最愛😋👅同埋佢哋可以自選醬汁同埋邊種米飯，我揀咗要彩虹組合嘅白飯加糙米飯🤪 分量比我想像中大好多，一個女仔要自己食完都有少少困難🤏 但魚生真係好新鮮 配埋佢哋嘅醬汁食真係好好食😚👅 而我朋友就選擇左自由配搭，佢要咗一個西班牙蒜油八爪魚🐙同埋半份薑汁松板豬😏有一個山藥組合的沾烏冬😎 熱辣辣嘅豬肉配上爽口彈牙嘅八爪魚 濃濃的醬汁配上烏冬 真係說不出的100分！我哋人均$100 但食到清新可口嘅魚生飯♥️😈 真係物超所值啊

Poke bowl係我少數鍾意嘅健康食物🤣 尤其而家夏天食好正涼浸浸好開胃💦❣️夏威夷四重奏（辣味三文魚、經典吞拿魚、泰式酸辣大蝦、牛油果）$114＋黃姜椰菜花＋半糙米飯呢碗七彩顏色一睇就好開胃🥳三文魚肉質肥美 辣味幾出要注意下🤌🏼🐟牛油果就同三文魚perfect match 啦🫶🏼吞拿魚冇平時嗰陣腥鐵鏽味 平時唔食吞拿魚嘅朋友都可以食😋 泰式酸辣大蝦都好大隻鮮甜👍🏼🦐糙米飯比一般白飯硬身 黃姜椰菜花食落好似飯咁幾過癮 cut carbs之選🤘🏼❣️Red Phonenix 慢煮天多利雞 蛋黃組合 沾烏冬 $79慢煮雞胸比一般雞胸嫩滑多汁 🤓一啲都唔dry 配咗好多青瓜好清爽🥒 烏冬好煙韌彈牙 夏天食好正👌🏼❣️Red Dragon (Cold Pressed) $36好少飲呢類健康鮮榨飲品🫣 呢杯草青味唔算重🐒 主要係藍莓提子蘋果椰菜火龍果🍇🫐🍎好適合少食生果嘅朋友 🤣 飲品仲會定期更新添‼️

又到Happy Friday!~今晚放工出左黎荔枝角D2 Place行街食飯，唔想食d太油膩嘅野，就揀咗呢間係一樓既Pickabowl食晚餐；之前經過幾次，今次係第一次試。用餐要先到收銀處叫完野才可入坐，不可以先入去擺位，但叫完後會有店員幫你望邊度有位。今晚唔算太多人，條隊只有幾個人，我地點左以下食物：有飯食啦～Giant’s bowl 夏威夷四重奏，另加了一份中華沙律；本身個汁係”彩虹”組合，我地揀咗黃姜椰菜花+白飯；蝦個汁好泰式，三文魚又有d酸辣，酸酸味味，幾清新；好味😋焦糖火炙，可揀帶子,蝦或三文魚，我哋揀咗帶子, 配黃姜椰菜花加糙米飯，自選汁就揀咗”蛋黃”組合，蛋黃汁冇彩虹咁清新，但都好味其實飯份量都好多，男仔都會夠飽喜歡有好多瓜菜，牛油果都有成大半果👍🏻

早前去咗呢間食晚飯，有驚喜。當中食物都好新鮮，亦都係健康食物。依點最吸引我。😬除咗佢已經有set定左嘅餐外，亦都可以有你自選嘅配搭，感覺不錯。當日我試咗夏威夷四重奏，個底層我要左黃薑椰菜花 + 半糙米飯，食落感覺好特別。相信我下次都會叫返同一個底層。至於飲品方面，我叫咗杯super food，內有紅菜頭、蘋果、羽衣甘藍、藍莓同檸檬。好好味。唯一美中不足的，就係店舖較細，食飯時間好快就無位了。不過如果可以的話，都可外賣回家或返公司食都得。價錢我覺得適中，唔算太貴，因為佢係以健康食品為題。

The food here is very healthy, mainly seafood and chicken or pork, can mix with different type of salad , rice and cauliflower rice etc I pick the one come with salmon , tuna, shrimp and avocado with rainbow 🌈 salad. 1/ 2 Whole grain rice with 1/2 cauliflower rice. Everything is so tasty refreshing and healthy!! The seafood are fresh and well seasoned, everything in the bowl has been marinated and you can feel every bite with details. Loving it

我一直很喜歡食poke, 終於試到呢間成日都好多人嘅小店❤️因為想咩都試下就揀左個雜錦的❤️最貼心係有低碳之選黃薑椰菜花飯拼半糙米飯底🍚❣️是日餐單🥑夏威夷四重奏（黃薑椰菜花+半糙米飯）🥗一碗有四款配料🥰🥰煙燻油辣味三文魚煙燻味唔太出，但辣味好開胃，魚生亦好新鮮🍣配埋同樣新鮮經典醬油吞拿魚互相唔會搶左個味道🥰🥰🥰牛油果🥑有點過熟但可接受，牛油果size亦好大🙌🙌泰式熟蝦雖然用了雪藏蝦，但泰式醬汁酸酸辣辣蒜味十足，加埋雜椒青瓜蔬菜好清新🥰🥰🥰飯底低碳食完無罪感🥰🥰🥰難得半糙米飯軟熟好味🙌🙌超大量蔬菜配美式魚生🥗🍣用料新鮮份量毫不吝嗇，下次一定會再食🤤🤤

有胃民問大胃陣間食乜，大胃話食bowl，佢就大嗌「又係煲？又打邊爐？」好心你唔好將我個胃定型啦，有時我都會食得健康啲㗎呢間係少有令大胃愛上沙律嘅餐廳，喺呢度大胃會覺得菜係好好食上兩次嚟都係食set，今次嚟個車仔bowl自選，揀咗經典吞拿魚同蒜油三文魚配黃薑椰菜花半糙半飯，滋味到不得了飯底唔會嚡，刺身同醬汁完美混合，成兜飯好潤呀胃民第一次嚟食唔知食乜好，大胃就介紹佢食夏威夷四重奏，咩都有啲嘛刺身好得就一定㗎喇，蝦仁都係奇滑無比，撈烏冬連兩歲嘅小foodie都話正加$25跟餐就有湯、溫泉蛋同甜品。湯都幾大碗吓，小foodie好鍾意佢嘅昆布溫泉蛋可以揀就咁食或者撈飯食，一樣咁正今次嘅甜品係抹茶厥餅，非常煙韌，同出面買嘅好唔一樣至於嘢飲就要加錢，罐裝都有果肉蜜桃汁揀加多啲仲有鮮榨果汁飲，由頭健康到尾呢度可以斟水飲，一樣有田園嘅感覺

兩個月多前嚟到D2 Place嘅「走肉蔬食研究所」食晏時，路經時已留意到呢一家健康餐廳「Pickabowl」，除因為門面夠醒目外，主打健康嘅夏威夷蓋飯亦喺吸引小弟望多兩眼嘅原因之一。今回就乘交收之便，約咗晌附近住嘅表姨甥女嚟呢度食飯。其實，晌門口望入去都睇晒餐廳嘅室內環境喺點，可以講喺裝修簡約，光潔明亮，而基本防疫功夫都做足。近幾日疫情好似有啲反彈，食肆有做足，心理上點都會感覺好啲。門口就有電子顯示屏餐牌，上面喺配搭好嘅指定款式，唔喺講笑，數一數，由A至S共19款，非常多元化，定價為$58-$106，「bowl」底更有多款選擇，如白飯、糙米、黃薑椰菜花……而且，仲可以追加額外食材，以及多加$25升級為套餐，多咗溫泉蛋、鰹魚昆布湯及甜品。下面個餐牌呢？就喺DIY自選，基本起錶價為$84，同樣可以追加額外食材，以及多加$25升級為套餐。此外，亦提供加配飲品優惠，如汽水（+$6）、蔬菜汁（+$12）、鮮榨果汁（+$22）。唔嗌嘢飲無問題呀，餐廳都備有淨水俾大家，供各位自由取用。其實，夏威夷蓋飯（Poke）喺啲咩嚟？餐廳內有張海報，一段淺顯嘅文字就解釋晒。簡單嚟講，就喺將魚生、蔬菜切成一小口呎

夏天又到喇，想操番個beach body，又想食番健康啲，就搵到呢間餐廳。.餐廳以健康，多樣化，色彩為主題，可自選配料，為自己挑選色彩繽紛嘅健康料理，吸睛開胃之餘，甜酸辣鹹輪住衝擊味蕾。.🔸夏威夷四重奏($106)有辣味三文魚，經典呑拿魚，泰式熟蝦，牛油果，中華沙律，菠蘿，各色既蔬菜。底: 白飯+糙米飯.🔸蒜辣八爪魚($70)有蒜味既辣八爪魚，山藥，秋葵，豆，紅莓乾，蕃茄仔。底: 黃薑椰菜花+糙米飯

生酮外吃最擔心是忍藏的醣，雖然這家餐廳不是專為酮學仔而設，但可以走飯走烏冬，可選沙律或黃薑椰菜花，實在太好了！而且材料新鮮，每吃一口都非常清新，絕對適合炎熱天氣下又一清新之選。

朋友住近荔枝角， 今日約咗佢交收順道晚飯， 走嘅時候經過D2 place 行逛， 見到有新食肆～ 聽講源自於夏威夷， 畀我感覺係魚生壽司飯改良版。顧名思義， 就係由隻碗開始， 所有食材都放在碗上。 風味有兩大選擇。日式和風類， 以吞拿魚和三文魚刺身作主打， 再選用唔同配料造出數款經典組合。 另外也有以蛋黃醬 ，泡菜，檸檬等獨特口味的组合。香草蜜糖芥末大蝦顏色好豐富， 賣相超吸引！ 配料有菠蘿，牛油果，青瓜，蟹籽， 全都是顏色豐富健康又美味的食材！ 特別係菠蘿勁鮮甜多汁， 配襯所有食物都一流。 牛油果特別軟滑。 芥末大蝦味道很鮮， 蝦肉爽滑彈牙， 而味道重點相信係佢嘅 蛋黃醬， 完全唔會太酸或太多掩蓋其他食材嘅味道 。 选了海苔飯， 有紫菜和加入麻油嘅飯特別可口美味！ 海苔饭微暖。可以吃到各種配菜的味道！小朋友竟然可以一口吃畢這個飯！加25蚊仲有得升級， 有味噌湯， 溫泉蛋和 甜品。On top 再加$6 仲有飲品， 這款水蜜桃汁仲有果蓉， 相當美味健康。 味噌湯熱辣辣。 溫泉蛋撈飯唔錯。 甜品有驚喜， 都係日本直送現成貨， 柚子布甸棉滑， 附設的紙製匙羹也非常環保！👍吃過第一款好有信心