發哥粥底海鮮火鍋 (已結業)

今晚又有朋友帶我去工廈打邊爐，呢度冷氣又夠凍地方又大。點左龍蝦餐有6款海鮮黃金蜆，海蝦，聖子皇，多寶魚，貴妃蚌和時令貝。點完之後就遞上兩碟小食青瓜木耳好爽脆酸酸辣辣和雞腳有點麻辣。燉湯又足料又鮮甜。蝦籽花膠扣鮑魚，花膠炆到好香鮑魚又爽口。聖子皇熟了依然大大隻又新鮮。多寶魚肉質嫩又肥美。貴妃蚌又大大隻又冇沙全部海鮮好。每位有半隻龍蝦，蝦肉肥美又彈牙清甜。安格斯牛肩肉油脂均匀，牛味香濃又新鮮。手工牛丸味道濃厚又有汁又彈牙，日本黑䐁肉肉質又不韌，美國肥牛又不油膩。食晒海鮮和安格斯牛肩肉都差不多飽再食d配菜已飽，最後店員幫我地加少少粥落湯底煲粥，精華全部在湯底里好甜好好味。

朋友係附近反工，話之前lunch 見到佢反工附近有間粥底火鍋好似幾好咁，上網睇都有唔少好評，就諗住約埋幾個朋友搵一晚一齊去食。約左一段時間之後，終於約左早幾日去食下。 上網睇見到只係有粥底火鍋，但黎到原來佢新加左雞煲加火鍋。不過今次都係食左粥底海鮮火鍋先，下次先試下雞煲。 咁佢就分兩個主食，一係揀肉蟹，價錢就198蚊一位，一係就揀龍蝦，咁就258一位，而且唔使加一。我地都係揀龍蝦啦，正好多。之後配料方面就揀8款。 飲品係自助形式，選擇唔係話好多，但都夠飲。 首先黎既係三文魚魚生，一人兩片，都鮮味。 跟住就黎一盤既海鮮，都有幾多料，有一人一隻龍蝦，龍蝦大大隻，多肉又有羔，仲有鮑魚、大蜆、同埋蟶子，全部都洗得好乾淨。而且唔怕驚唔熟，因為張枱有張menu會教你要淥幾耐既。 不過，服務員話今日無蝦既關係，咁就黎左兩盤蜆，但蜆係無沙，新鮮既。 之後仲有多寶魚，味道清清地，但肉質好滑。 食完海鮮之後就食其他邊爐配料，推介雞件，感覺唔係雪藏雞黎，有雞味。 打邊爐梗係唔少得牛肉啦，質素都唔錯。 另外，仲有叫左其他配料，有餐肉、海膽丸等等。 食完哂所有野之後，就落飯落去煮成粥，粥底吸哂所有鮮味，成碗粥

是日三五成群去左九龍灣食粥底火鍋好快就安排好座位混佢個醬先整個三文魚刺身頂頂肚先要左個海鮮A餐每人半隻生猛龍蝦,多寶魚,貴妃蚌,聖子皇,黃金蜆,頂級肥牛,新鮮鮑魚另外叫多8樣野包括日本黑豚肉,西班牙豬腩肉.美國肥牛,蟹粉包心丸,出前一丁,午餐肉,鮮滑雞,即炸響鈴生猛龍蝦--新鮮好味,龍蝦味濃貴妃蚌--冇沙,新鮮正呀聖子皇--都算好大隻,好好食新鮮鮑魚*--爽口彈牙正呀黃金蜆--新鮮冇沙,正蟹粉包心丸--都唔錯,咬落去必晒出黎多寶魚--新鮮好味道鮮滑雞--幾入味,好香雞味日本黑豚肉--好香豚肉味西班牙豬腩肉--肥肥地咬落更香頂級肥牛--油脂比例幾好,咬落牛香味出晒黎美國肥牛--肥肥地食落都好香牛味午餐肉-金鍋配午餐肉都幾夾味出前一丁-食火鍋點都要整個麵食下先夠正即炸響鈴--唔錯,脆脆地食完火鍋落飯做粥底,都幾好食喎

粥底海鮮火鍋@九龍灣之前喺度食過泡飯，原來夜晚轉咗做粥底海鮮火鍋～ 我哋食 $198 嗰個餐試下先，都一樣有好多正海鮮，而家仲每位有 $20 coupon 𠻹，真係勁抵食 每枱都有份三文魚刺身做前菜，哈哈～套餐已經包咗七樣海鮮同頂級肥牛，另外就再自選八款配料。啲海鮮仲係係鮑魚同貴妃蚌呢啲靚嘢，超值到暈！隻蟹唔算好大隻，但係都好好肉。蟹肉好鮮甜同滑～ 啲海蝦又真係好爽，係新鮮貨 肥牛佈滿雪花紋，好鬼肥美嫩滑！沙白隻隻都好大粒，有個專用嘅隔隔淥佢哋，好方便。貴妃蚌連個柱位都好大粒，鮑魚新鮮到仲識郁㗎，好高質素 我就嫌多寶魚多骨咗啲，不過啲魚肉係幼滑嘅～因為我哋都鍾意食牛，所以自選入面都有揀肥牛，我覺得呢款肥牛都一樣咁好食 丸同餃都係手工嘢，當然好食過現成買嗰啲啦 韭菜餃個皮好薄，啲丸勁彈牙！平時都鍾意食皮蛋粥，食粥底火鍋都要點翻皮蛋，哈哈！個蛋黃好溏下，好正 即炸魚皮好脆，就咁食或者點粥都咁好食！飲品有汽水同竹蔗茅根任飲，竹蔗茅根甜度適中，清潤下火 最尾仲會畀啲飯同粟米加落個粥底度煲翻個海鮮粥，食到勁飽～