Flamingo Bloom (已結業)

食到好飽但係仲想飲杯野，又飲唔落咖啡，見到附近有間賣茶嘅，就去左試下。見到佢主要賣黑茶、紅茶、綠茶同烏龍，全部都好中國feel。但係又會加唔同嘅水果或者鮮奶/奶蓋，中西fusion。聽個名就覺得有D怪，睇D圖都覺得OK嘅。不過我都係冇勇氣試太mix嘅茶，而且想消滯，所以揀左多果油切烏龍。一款水果嘅油切烏龍二十幾蚊，加多幾款水果變三十幾蚊，都幾貴下。不過佢唔係榨汁，係有原片水果放落去浸佢D味出黎，所以都ok嘅。一揭開個蓋，真係見到唔同水果，有蘋果、檸檬、西瓜等。飲一啖，覺得佢D茶幾好，好香烏龍味，但又唔會太澀太苦，加埋水果嘅香味，酸酸地甜甜地，幫助消化，唔會越飲越飽。飲到一半之後，D水果味越黎越凸出，雖然全部水果加埋一齊唔知點形容個味，咪就係水果味囉哈。飲哂D茶之後，我真係有食埋D水果，唔好嘥，不過D水果味已經出哂黎，所以好似食緊冇味嘅水果咁Anyway, 新派嘅（中X西式）水果茶係值得一試嘅！

夏天天氣熱，行過見到飲品店，就會忍唔住飲番杯；而踏入秋冬天，天氣乾燥，其實就更加需要飲多啲水。之但係叫A姐飲水真係難過登天，但太甜嘅飲品佢又唔鍾意喎！所以呢間主打無添加嘅Flamingo Bloom，就啱晒佢喇。Flamingo Bloom其實喺中環已經有一分店，依家唔駛過海都有得飲喇，尖沙咀新店同樣以巨型紅鶴水泡同園林為題，大玩中國茶，普洱從此變得不一樣。Flamingo Bloom主打4款茶底：台灣高山油切烏龍茶、雲南胎菊普洱、福建毛尖苿莉綠茶同四川蝶蘭紅茶，再根據個人口味，加入唔同嘅水果、珍珠、玫瑰、奶蓋等等，最重要係凍熱都有！見佢新開張，同A姐買杯試試先！多果油切烏龍烏龍茶平時就飲得多，但加入咗水果原來都好match，好有層次！首先茶味香濃，夠晒解喝，而最吸引我哋嘅係有好多水果呀！有橙啦、檸檬啦、西瓜啦、蘋果啦、熱情果等等，款款都夠晒鮮甜，真係有得飲又有得食呀。茉茶雪糕雞蛋仔雪糕雞蛋仔唔係新鮮野，但呢到真係即叫即整，所以雞蛋仔夠晒脆口，同凍冰冰嘅茉茶雪糕夾埋嚟食，真係外脆內軟同外暖內凍呀！