Flamingo Bloom (已結業)

夏天天氣熱，行過見到飲品店，就會忍唔住飲番杯；而踏入秋冬天，天氣乾燥，其實就更加需要飲多啲水。之但係叫A姐飲水真係難過登天，但太甜嘅飲品佢又唔鍾意喎！所以呢間主打無添加嘅Flamingo Bloom，就啱晒佢喇。Flamingo Bloom其實喺中環已經有一分店，依家唔駛過海都有得飲喇，尖沙咀新店同樣以巨型紅鶴水泡同園林為題，大玩中國茶，普洱從此變得不一樣。Flamingo Bloom主打4款茶底：台灣高山油切烏龍茶、雲南胎菊普洱、福建毛尖苿莉綠茶同四川蝶蘭紅茶，再根據個人口味，加入唔同嘅水果、珍珠、玫瑰、奶蓋等等，最重要係凍熱都有！見佢新開張，同A姐買杯試試先！多果油切烏龍烏龍茶平時就飲得多，但加入咗水果原來都好match，好有層次！首先茶味香濃，夠晒解喝，而最吸引我哋嘅係有好多水果呀！有橙啦、檸檬啦、西瓜啦、蘋果啦、熱情果等等，款款都夠晒鮮甜，真係有得飲又有得食呀。茉茶雪糕雞蛋仔雪糕雞蛋仔唔係新鮮野，但呢到真係即叫即整，所以雞蛋仔夠晒脆口，同凍冰冰嘅茉茶雪糕夾埋嚟食，真係外脆內軟同外暖內凍呀！