Futago HK大阪燒肉

營業中

休息中

上次有朋友極力介紹呢間烤肉店 話呢到性價比好高 很高質 今次要同朋友慶祝生日 所以就去呢到試一試Book位個陣預訂左$198「大得驚人牛小排」點菜時要通知店員一聲已預訂 因為呢款牛先到先得 賣哂就要等下次喇 個人覺得一定要試下呢塊牛 因為佢有齊牛的四個不同部位 每一口都有不同肉質同口感 如果鍾意試牛的不同部位 呢個係必點之選❤️🐃一本壺漬牛胸膜肉-一大片的牛胸膜 有一定的厚度 肉質好煙靭 今次叫店員先釀上特調的醬汁再燒 醬汁跟牛膜膜的味道超級夾 而且燒得剛剛好 真係味道一流❤️🐃特上和牛魔鬼牛肋肉-口感係A5和牛的質素 入口即溶既口感真係食一口就溶化左個心咁😍非常好味❤️當日仲叫左豚肉同扇貝 個人覺得發揮正常 對得住價錢的質素😊餐廳位於靠近邊寧頓街 係京華中心個邊既渣甸街行過去 直行到尾就會到喇 係利園二期既後街 大家去既時候要留意返😊～P.S 餐廳唔收切餅費的❤️

同朋友慶祝生日，book位時已經預訂大得驚人牛小排 ($198) 去到直接揀汁燒。真身真係好大塊，不過好薄，所以絕對唔怕食完試唔到其他部位既牛店員話燒呢塊牛小排之前叫口號，舖頭其他店員都會同我地一齊叫，氣氛超好😂👍🏼有店員幫手燒絕對唔怕燒燶，牛小排香得黎肉質又嫩滑，油脂味好香，仲有小小入口即溶既感覺🤤果然係A5黑毛和牛水準！本身想叫一本壼漬牛胸腹肉，點知叫錯左一本壼漬牛肋條 ($168)店員喺壼內夾出兩大條牛肋條好有心機咁燒完再剪成一細舊，加上醃製過既蔥，一口一啖配埋一齊又幾好食，而蔥味無掩蓋到牛肋條既味道，唔錯朋友好少食內臟但又想試下，所以叫左個Futago內臟盛 ($138)，有大腸、小腸、牛頰肉，同埋本日之特選內臟 - 牛心頂。我係好中意食腸😋燒完既大腸小腸既都好彈牙，唔會勁腍，油脂味香，但又唔會覺得係好膩既肥膏，更加無羶味👍🏼 牛頰肉略硬，始終係牛經常活動既部位，不過肉味濃郁，有適量油脂。牛心頂喺打邊爐就食過，用黎燒都一樣好爽脆，油脂唔重。食完都係唔夠喉繼續追加厚切特上牛胸腹肉 ($148) 既肉質超腍，肉味非常濃郁，面頭加上少少wasabi 同蒜片，配埋醬汁好好食，店員燒到入

今次係第三次黎幫襯，真係會食過返尋味！點解？！😆因為除咗啲牛牛有質素，坐得舒服，仲有埋服務，勁讚呀！有一樣預咗會發生嘅一定係食完燒肉之後啲衫會有陣味，咁佢啲抽風算唔錯，走嘅時候啲味唔係太勁👍🏻講下食咗咩先😍大得驚人牛小排，睇返張相已經想再去食🤭真係大得驚人！呢個牛小排要book位嘅時候order定，啲哥哥係會有口號叫我哋一齊大聲嗌，之後就幫我哋燒，好好氣氛😆😆仲有極上和牛盛合，呢個都好推介，好有牛味又唔會油膩，仲有金箔，high class左！👍🏻👍🏻黑毛和牛肋肉，睇啲紋就知高質，好想再食🤭牛舌芯，都係好正，夠爽薄切燒汁和牛肩肉，配2個迷你玉子飯，呢個啲牛就肥左啲仲有最愛嘅水冷麵🤤🤤麵勁煙靭，加小小泡菜，未食完已經再oder多一碗🤭最後黎嘅係最濃味嘅一本壺漬牛肋條，原來有2條，即刻覺得好抵食🤭🤭埋單嘅時候送左幾杯乳酪，好fresh，好滿足嘅一餐，一定會再黎😍

疫情期間出嚟食飯的都係生死之交，哈哈！朋友話想食烤肉，我哋就隨意走走到銅鑼灣食飯。Fukago大阪燒肉店，進店前會幫你量體溫同比酒精搓手液，座位亦都有刻意隔開，希望大家食得安心又放心。厚切牛舌（$148）係第一道上嘅菜，店員會幫你烤好，加上檸檬汁。大得驚人牛小排（$188）呢個真係必點，油脂分布非常均勻，係日本鹿兒島和牛。烤出來入口即溶，牛香十足，再配以餐廳附上嘅手磨芥末，簡直係天堂級享受啊！內臟盛，原諒我僅有記憶力，從左邊起係牛氣管、大腸、唔記得、小腸。烤完無疑會縮水，但感覺唔知自己食緊乜嘢，感覺好似豬大腸咁淡淡油，個人不太喜歡。將魷魚擺埋一齊煎，如果覺得太多，可以叫半份魷魚都係幾十蚊。海膽甲羅燒係普通甲羅燒升級版，蟹膏加海膽仲有蟹子，烤完微暖放喺紫菜上面入口即溶，美中不足的是。紫菜太薄，應該用挺身小小的口感才不致於軟塌。一本壺漬牛肋條（$148）不過不失，店員誠實告知店內採用牛肉不完全來自日本，但不失質量，呢款係來自澳洲嘅牛肋條，利用韓式醬汁放喺戶內醃製一段短時間，就拎出嚟燒，感覺食咗牛小排之後，呢個都已經失色了哈哈！兩個人一共食咗1000多，但的確非常富足，生啤$78一大杯，一邊

.我要食燒肉！究竟邊度有高質嘅日式燒肉呢？上網做咗好耐research，發現唔同餐廳嘅價錢係有天淵之別，最後揀咗依間「Futago大阪燒肉」。.入到餐廳，聽到有客人同職員一齊叫口號，原來係叫咗一個要提早預留嘅「大得驚人牛小排」，冇預留嘅我哋最後都食到，真係好好彩！.大得驚人牛小排 ($178) • 落燒肉之前個職員會叫「準備 じゅんび」，之後我哋就要嗌「用意 ようい」！之後職員就會將肉放落去燒，再向我哋講解小排嘅四個部位。燒肉絕對可以被評為高質！牛味夠濃夠油香，入口無筋夠嫩滑，仲會配適當嘅醬汁，例如芥末去提升鮮味。順帶一提，我哋仲叫埋佢嘅海鮮拼盤，價錢唔貴兼且非常新鮮，比得上出面主打海鮮嘅餐廳，值得嗌埋！.最尾嚟個小總結：食物質素同服務態度都相當唔錯，係會令人食過番尋味嘅餐廳！.餐名: 大得驚人牛小排價錢: 人均$650評分: 9/10餐廳: Futago HK大阪燒肉 (銅鑼灣)地址: 銅鑼灣恩平道28號利園二期地下LG01號舖#HKFPcwb #HKFPjapanese.IG : hkfoodpoint

Futago 事隔兩月終於重開當然要去試食下。係佢地官網fb知道重開日子即時訂位。另外一題11月份新開優惠，晚市3人-4人訂位，可以送3杯drink+1前菜，或4杯drink(贈送前菜會另外有張memu6選1，唔係大memu果d呀）由於舊鋪都去食過4，5次，老婆同朋友就交比我發支板，一坐低當然即刻叫個半殺泡菜同椰菜食，另加一個贈送嘅葱絲前菜，同埋叫個牛舌同內臟盛，再加一早訂好嘅招牌牛小排，再點drink.䱷山安心坐低一路傾計一路食牛牛舌同內臟都保持到水準，反而今次牛小排肥皂位置太多，變左好少肉有d失望。之後再補個普通牛肋肉，反而普通已經有驚喜。最後，我地點點個冷麵同牛尾湯加飯作結，完成一餐豐富嘅晚餐（8:00又食又傾，攪到人地收工）。最後最後，由於餐廳沒有衛生間了，要去利園商場。而家無刷牙同瀨口水，呢方面有點失望

自從上一間分店結業之後一直期待幾時會重開，終於等到了！難得有人生日就直接訂位了。新張期內仲每人送一杯飲品或者一款前菜，所以我們三個都叫左杯酒精飲品。壽星大人同我都係牛精，所以叫左好多款唔同部位的牛。有部分牛會有專人幫忙燒，而且會問你想要幾成熟，可以個個唔同，配合大家口味。我自己最鐘意係牛胸腹同牛舌，壽星大人就鐘意牛柳同牛肋肉。另外大得驚人牛小排面積真係好大，可以一次過試到唔同的部位，不過塊牛其實好薄，冇想像中咁大滿足，但一試無妨，記得訂位時要留定。另外一本壺漬牛肋條都好特別，係壺入面有兩條牛肋條，份量十足！不過腌過的肉類同醬料都偏鹹同濃味，略為掩蓋左牛肉本身的味道，可以的話選鹽燒更能品嚐牛肉的味道。我們還要了蔬菜盤、海鮮盤同海膽玉子飯，都非常新鮮很好食。服務員的服務態度都非常好，上菜速度就因為受限於燒個爐每次燒得唔多野，所以一定會慢啲，適合慢慢食傾下計。