叁不館

營業中

休息中

見到好多朋友都食過呢間，所以約埋兩個朋友一齊試吓😌餐廳裝修以舊式嘅茶檔同埋電影做主題、充滿懷舊特色嘅火鍋店，每一個角落都係打卡位🤜🏻🤛🏻仲播住經典嘅中文歌🎤勁好feel我哋揀咗今晚卜卜蜆鍋，店員哥哥話叫我哋先食咗啲蜆，再飲湯，然後會再加湯俾我哋打邊爐，蜆非常新鮮，湯底都好濃郁。頂級安格斯牛頸脊都好好食，牛味濃郁，肉質新鮮又有口感🤤新鮮炸響鈴，呢個超級好食，係即叫即炸架，超級香脆👍🏻芝士蝦丸拼芝士牛丸，蝦丸同牛丸都好彈牙，而且芝士味好香大連鮑魚，好新鮮，店員好細心，仲教我哋要淥幾耐先可以食鮮墨魚滑呢個又係好彈牙，鮮味十足我哋揀咗個雜菜拼盤，咩都有啲叫左一榨竹蔗茅根海底椰再加一支青島😮‍💨完美呀🤤佢哋有個位可以望到海架，我哋嗰日仲見到夕陽🌇添，好鬼靚，見到其他人都攞電話出嚟影相📸️

近期經常嚟天后搵食，呢間新火鍋店地點方便距離港鐵站好近、3-5分鐘路程就到。今次打個全海鮮邊爐，有鮑有魚既豪又豐富。喺麗花皇宮夜總會style嘅呢度食火鍋，不斷播住梅豔芳“將冰山劈開”、鄭秀文/郭富城/許志安“火熱動感lalala”等勁歌，門口有仿‘曾灶財’式塗鴉牆、感覺倒模8~90年代湯底：莫生氣椰椰雞Coconut and Chicken Broth大連鮑魚Abalone 蟶子Razor Clam鮮墨魚滑Cutterfish Paste白鱔片Eel Slices生根Wheat Gluten醇滑嘉士伯 Beer店員一嚟將個椰青倒入用咗椰子栗米煲嘅湯，呢個時候先飲碗湯幾清甜，然後再落雞件滾湯，啲雞幾嫩滑有肉香唔太肥。鮑魚新鮮都算幾大隻，烚一陣熱辣辣咁食入口彈牙唔過韌。蟶子質素好好爽脆鮮甜。白鱔切得較薄和細片、肉質還好。墨魚滑有啲卜卜脆蟹籽味道鮮甜、可能我哋烚耐咗啲口感札實但也彈牙。麵根嘅作用就係索晒啲雞湯嘅精華，入口煙韌有彈性* 店員會詳細介紹自家製特色醬料和烚各種食材所需的時間* 另有小食/醬油費