炊豕店 (威靈頓街) (已結業)

第一次知道呢間餐廳唔係因為見到佢嘅招牌炸豬扒，而係佢嗰碗叉粒豆角蔥花炒滑蛋飯，被人稱為十大叉燒炒蛋飯之一？但打開食評個個都係讚佢嘅豬扒做得出色，冇人提滑蛋飯所以果斷轉呔 （我心底都希望有一日我再去嘅時候會捨得放棄塊豬扒，試一次佢嘅叉燒蛋🥲).秘製豬扒飯 （肉燥汁） 💲60⭐️ 4/5店家穩打穩扎招牌之作。炸豬扒大大塊，即叫即炸香脆肉質合格。肉燥大大粒有咬口，但略嫌肉燥汁有少少孤寒，幾次叫份量都唔太夠。.大阪燒豬扒飯 💲64⭐️ 4/5見唔少網友推薦，再去試埋呢款非傳統創意大阪燒豬扒。估唔到都有d驚喜，一向都鍾意食沙律醬，加埋啲甜甜嘅大阪燒汁夾豬扒又ok wor! 下次再encore。.蔥油豬扒飯 💲64⭐️ 3/5蔥油版本個人唔多啱食。呢碗相反，蔥油豪不吝嗇滿滿一堆。但呢種蔥油同我嘅期望有落差，佢好似炸/炒過整得好脆口乾身。我個人期望係個種傳統油浸軟身蔥油。撈飯計我結果都係偷左人哋啲肉燥汁先完美清碟。.涼拌大豆芽 💲22⭐️ 3/5為減少邪惡感叫左大豆芽做前菜當食一份菜。大豆芽調味ok，爽爽脆脆，轉頭已經清晒。.🔸舖頭賣點係性價比，60蚊一個飯，仲要中環/銅鑼灣區計，性價比算中高、誠意十足，對

以前食過銅鑼灣店，就覺得呢間店舖啲豬扒好抵食。今日嚟到中環店，覺得靚咗好多之餘，地方又大啲，可以坐得舒服啲。朋友叫咗最出名嘅蔥油豬扒飯，佢話豬扒同蔥油隻味本身就好夾，而難得嘅係唔會太油膩，塊豬扒好軟熟又大塊。我今次就試咗新嘅大阪燒豬扒飯，又估唔到大阪燒汁同豬扒幾襯喎，同時唔會搶咗豬扒陣味，幾有新意~ 豬扒飯真係好大份，最後我同朋友都食唔晒......我同朋友仲加咗個炸蝦，相對上無豬扒飯咁有驚喜，不過個醬都幾好味~

炊豕店由銅鑼灣起家，果陣時已經係附近上班族同大專生既恩物，因為佢地既豬扒飯抵食夾大件，係銅鑼灣既總店成日都keep住排長龍😎近呢2年積累咗咁多fans，餐廳都衝出銅記開分店，中環係第二間，最新就係九龍長沙灣💡今日黎到中環分店回味一番，裝修主打老香港味道，牆上既仿鎢絲燈泡，老舊既暖水壺，佈置既舊海報同鐵皮信箱都好有心思🏮 🥩大阪燒豬扒飯 $64原來而家新出咗呢款飯，同日式嚟個crossover，咁我梗係試一試。店員拎過黎既時候已經見到上面木魚花飄揚🤤差唔多鋪滿成塊特大炸豬扒，下面仲有擠咗蛋黃醬係豬扒上面，完美復刻大阪燒既toppings。 🐟食落味道層次分明，帶住魚香味既木魚同香脆豬扒算幾夾，但連埋飯一齊食就比較麻煩，感覺太厚實。蛋黃醬同燒汁為個飯加返d濕潤易入口，份量一如以往咁飽肚。 🍜沖繩豬軟骨撈幼麵 $64補充骨膠原最佳選擇，豬軟骨燜得非常入味，醬汁香香甜甜😋撈麵食好均勻。配料仲有蓮藕同蘿蔔，蓮藕咬落爽脆香甜，蘿蔔就普通🥕 🍮肉燥凍豆腐 $22日式麻醬豆腐上面又有木魚花，旁邊就係經典肉燥，呢個組合都幾超值😆一次過食到好多野，用埋一齊黎撈飯撈麵食都好夠。