十里洋場

營業中

休息中

是日慶祝奶奶生日阿懵安排到位於銅鑼灣利園二期的高質中菜館【十里洋場】進膳。餐廳勝在格局高尚不失禮，而職員服務亦親切有善.......環境氣氛一流！於網上先行預訂留位~~~較佳！---------------﹂我們仨點選了﹁---------------〉女兒紅醉雞 ----- 超入味的醉雞，酒味恰當，雞肉嫩滑不乾。〉酥炸鳳尾魚 ----- 嘩！嘩！嘩！我與奶奶十分喜愛這味~酸酸甜甜的~口感又鬆脆，真是開胃之最(美中不足是甜了一點)〉濃湯砂鍋雲吞雞 (半份) ----- 津白爽口，濃湯清甜，肉質還好，雲吞大大隻〉清炒萵荀絲 ----- 正常味道，沒太大感覺XD〉鐵板灌湯生煎包 ----- 又一香口美食*包皮薄+外脆多汁...配上鐵板溫熱保持合適熱度食用.......爽丫！〉碧綠圈子 ----- 正正是豬大腸+莧菜...味道口感一般...(寧選其他特色菜吧==)〉十里鮑魚荷葉飯 ----- 奶奶喜好，足料份量多...最後是需要外帶回家的xD〉炸芝麻湯丸 -----雖然外層香脆啖啖黑白芝麻香味， 阿懵嫌它皮太厚了，！--------------------------------------

每年我生日契媽請我食飯，本揀中環歷山大厦北京樓，打電話訂枱，去到無開，4月中先開，原來我打咗去鰂魚涌嗰間，怎算？其實想同佢食好些，因為限聚令，高级餐廳較難訂枱，座位少，想起此處，有得訂，拿拿淋轉過來。有新點心牌，多廣東點心選擇。女兒紅醉雞$118，同樣酒繼續醉，帶甜，雞嫩。賽螃蟹餃$57，淡味，蛋白餡欠蛋香，皮唔煙韌，腍，不晶瑩通透，白玉。韭菜煎盒子$54，香口，外層皮濃香薄軟，肉粒冬菇碎，韭菜唔夠臭。鮑魚火腿穌$57，外形似皮蛋稣，體形小巧，內裏鲍魚有幾多，自己想，配咸火腿蓉，一般。雪绵豆沙香蕉，$60，欠蛋香，反而香蕉香，豆沙唔太甜。老人家味覺巳退化，味道我認為ok,佢更覺無味。

今日睇返煙雨濛濛呢本小說，搞到心思思想食上海菜🥢上網睇到賣相好精緻好似好好食咁，就二話不說黎左呢度。餐廳裝修得好有氣派，聽講係以三十年代既大上海裝潢作為藍本👁先介紹呢度熱門前菜 — 黑松露珍珠燻糖心蛋賣相係幾好幾吸引，不過煙燻味有d重，唔係太岩我食啦😶嗜酒如命既我又點可以唔叫醉雞食呢😝酒味就夠喇，不過d雞就麻麻地滑，口感一般。相比屋企樓下間平價上海菜，有d遜色啦😶松子魚又係我既至愛🤤😍條魚比我想像中大 (2-3人份量）性價比高👍🏻👍🏻魚炸到金黃色好鬆脆，配埋酸酸甜甜嘅汁，好開胃，不知不覺已經食左兩碗飯😌餐廳食物款式好多，樣樣都想試，可惜今日得兩條友食又唔可以叫太多。下次一定組隊黎開飯喇🥢🥢🥢

在電視看見上海銀行廣告，見到餐廳好靚，我要寵幸佢，在openrice尋尋，原來在利園。從門口穿過3度omega型門框(其實係庭園式牆框)，前面暗暗燈光，彷彿走進時光隧道，隱約聽到大上海歌聲，我自然啍着周璇的夜上海，夜上海，不夜城……大廳上最吸引是一束黄色鮮花，在幽暗環境中，特出其光芒，做成對比；高雅洋式酒吧在中式餐廳，特顯往日上海風華。桌上枱布，厚厚軟軟，白白滑滑，雙手壓上去特別舒服。先來前菜酱肉鬆茭白$20，質感似露荀，酱咸味適中，加些肉鬆，吊起甜味女兒红醉雞$108，名子幾靚，想像你好酒，酒咸中帶甜，有梅味，酒香，雞皮薄爽脆，少脂肪，雞肉嫩，有雞味家常餅$56，我以為係葱油餅，三角形薄身，燶一點，空心，葱不夠滿，芝麻香，面脆，凍後皮煙靱。脆煎灌湯小籠包$60，雖瘦肉多但都滑，汁多。上星期大班獨個兒來，約3時，客人較少，清淅聽前音樂歌聲，令人醉，今次等到2點半，歌曲當然有蔡琴，婉轉低迴，磁性浪漫，我又發夢！還有，女廁獨立房，關門後，隔絕外間聲音，歌聲更立体更環迴，用JBL,正,點解得2格，多些，我咪可以吾出來！