蝦棧 (已搬遷) 新店位置

小女子不喜歡光顧連鎖餐廳的其中一個原因是，這些餐廳由裝潢以至菜式和味道，都毫無新鮮感，吃過一次就沒有慾望再吃，這就是我喜歡發掘餐廳的原因。這家餐廳我留意了好一陣子，今次終於有機會光顧了！裝潢簡樸，放置了幾個大水缸養蝦，可見這裡的蝦煲是新鮮烹飪的。晚上六時多，老闆已經告知今晚預約已滿，只好坐近門口的座位，想不到平日晚上生意如此火旺，實在不容輕覷。翻開餐牌，除了蝦煲，還有各式台灣小菜，例如滷肉、臭豆腐、麻油雞等。⭐️清涼荔枝梳打（含酒精）$38只有些許酒精，有幾顆荔枝裝飾，味道清爽。⭐️薄荷柚子梳打$38口味清淡冰涼。⭐️冰鎮墨魚鬚配Wasabi$68將墨魚鬚切片，底下鋪了很多冰塊，讓墨魚鬚保持鮮味，入口爽脆，蘸芥末醬口感辛辣。⭐️一口炸豆腐$58炸豆腐的表面酥酥軟軟的，口感軟糯糯的，很好吃。美食當面，吃得太急，結果蘸了醬汁的豆腐弄了胸前一片髒，實在很狼狽呢！⭐️奶油蝦$188重頭戲來了！每隻蝦的蝦身包裹了一層油亮，隱約還飄著淡淡的香氣。光是剝蝦，隨著蝦的熱氣，那股香濃的奶油香氣就能讓我忍不住舔嘴。經過烹煮，蝦身的水分跟大小絲毫都沒有縮減。送入口，奶油均勻地沾裹在蝦身上，吃起來相當的入味，咀嚼起來每

朋友推介到呢度吃正宗台灣菜， 所以我專程去品嚐， 餐廳在太子道花園街，店舖雖然面積不算很大， 但裝修具有台灣私房菜既感覺，相當溫馨既小店。 老闆主動推介奶油蝦及臭豆腐，話係店鋪招牌菜，店員們都十分殷勤親切。蝦有8隻，蝦肉彈牙爽口，味道鮮甜。臭豆腐冇想像之中咁臭， 而豆腐索滿了麻辣汁，美味開胃。火焰牛柳就吃過，而火焰鮮魚也是第一次食，未食之前已帶來一頓觀感上的享受。魚既肉質多汁而且鮮味。炸大腸較為油膩，而且略嫌洗得不夠乾淨， 吃了一兩件已經夠了。

期待已久想試ge餐廳, 事先經openrice book o左位20:15兩位用餐準時入座, 店內並冇座滿情況但卻未能安排較入位置用餐, 店員只係話有檯會再轉檯, 心裡疑問店中間有張四人檯而並未有留座ge字句卻不能安排我o地兩位入座, 覺得呢點需要改善, 以免客人有不必要ge誤會, 加上天氣開始熱, 要客人係唔滿座之下坐最近門口ge檯未必有d令人有hard feeling呢晚總共叫o左五樣o野, 奶油蝦, 柚子汁冰菜,  醉雞卷,  一口炸豆腐同菠蘿雪芭奶油蝦 (HKD$188)- 蝦有蝦膏, 洋蔥吸盡奶油味,  唔係食蝦ge專家所以唔識評論肉質, 但係d蝦係幾大隻ge醉雞卷 (HKD$88) - 肉質偏硬 , 冇所想咁好食, 唯酒味唔夠重, "醉"ge味道唔夠出菠蘿雪芭 (HKD$68)- 清新味道, 頗甜, 份量唔多, 典型雪芭口感柚子菜冰菜 (HKD$98) - 出街比較少可以食到冰菜, 好食, 但頗貴一口炸豆腐 (HKD$58) - 香口, 豆腐彈牙, 如果係想食滑口呢隻豆腐未必係你心目中所想果種最後埋單總共$506.8, 已包加一服務費, 未知係我o地唔識欣賞? 定物價真係有

上次同 FD 食過一間伏伏既派對餐廳，今次佢話帶我去食間好野補償一下 XD 呢間叫蝦棧，一入門口已經有一個好大即蝦缸，晚飯時間好多人，好在有訂台。行入去已經聞到好香既奶油蝦味 ! 我地四個人，當然係叫完互 share la ~ 上菜果然冇令我失望特別好味有幾個: 奶油蝦，醉雞，冰菜，辣酒花螺。由醉雞開始講起， 雞有雞味，嗯... 實在太行 !哈，咁我講多  D 啦:型狀佢係雞肉同雞皮分開處理，花雕和醬油的味道較得剛剛好而入味，唔會太咸或太濃作為頭盤真係好開胃下，而且肉質嫩滑，鮮!辣酒煮花螺，一上台已經一陣陣酒香味撲埋來，好多餐廳呢味好易煮到好咸，但呢度唔會，一樣食得到螺的鮮味。汁唔會太濃，但又唔會水汪汪，剛剛掛到係螺肉上 跟住呢個叫奶油蝦，我可以用終極邪惡咁毒 來形容佢。佢個汁我分唔清係芝士定係 cream ，好 creamy ，好滑，好香，好甜 !!!!食過蝦之後，最最最邪惡係 D 汁同洋蔥會令你難捨難離，我叫多左個白飯去撈汁，正到暈 ! 一定要叫 !冰菜呢個好特別，唔知幾時興起冰菜呢樣野，因為佢表面有層似冰質地，加上佢雪凍左 ! 冰鮮清甜而爽口。佢個柚子汁好 fresh ! 最後，

舖名叫「蝦棧」就梗係專門食蝦。蝦煱係台灣都其實幾popular ，但係每次去台灣都有太多美食要排住去試，所以未有機會去到品嚐一下。今年趁預祝情人節，就打破傳統唔食西餐，揀下吃台菜！奶油蝦煱，熱辣辣又香噴噴地上枱，蝦肉鮮甜，奶油味重，好歡欣😋如果不是我近期太燥，我會試胡椒蝦，我估仲正🤔等我下次再光顧先至試。出乎意外地呢個滷水炸雛鴿先至係最精彩，好野味好Juicy 🤤我自己覺得個海花螺就極普通，的確有陣陣燒烤香味，但只算平平。不過我家男人話超正🙄正係邊方面就真係見仁見智😅醉雞卷，酒味過濃，而且肉質太實，差左少少。另外，我地點左冰菜，蔥抓餅和台式烤腸。全部味道都幾好。冰菜放左一種果實一齊煮，係酸酸地，不過幾夾，好開胃😊不過提下大家，佢地出菜速度比較慢，真係要俾啲耐性去等先至可以食完餐飯。

人大左真係少左去旺角行街,近住過年想去睇下年花,行下行下就去左太子附近~見到呢間門口好特別就一於試下啦店面唔係好大但有大電視好多唔同既台灣decoration..本人就好喜歡啦佢地既特式係好多唔同味既蝦煲門口已經知,因為有好大個缸好多大頭蝦係入面架~我地點左奶油蝦黎到個時好香好香,有卡邦尼意粉個陣味洋蔥好入味我差唔多食哂叫左一碗鹵肉飯唔係好大碗但女士們一定夠飽! 係台灣STYLE唔係一般港式風格高質溏心蛋仲叫左個菜,味道正常啦,有D油但係好大碟最後介紹呢個醉雞卷! 本身我好偏愛無骨既肉所以見到已經開心哂,仲係啖啖肉同好有酒味既雞,舊舊都好大舊,見到好多枱都叫左呢個加埋上面個粒杞子一齊放入口PERFECT!野食黎得快~又新鮮又好食,但唔好睇少蝦煲個8隻蝦,真係幾飽架!

進入店鋪便見到魚缸養著新鮮的大頭蝦和魚，魚缸的水很清澈，可見店主非常用心管理食材。奶油蝦奶油味香濃，煲底有大量洋蔥吸盡奶油湯汁，非常入味大頭蝦蝦頭充滿蝦膏...wow蝦身肉質亦彈牙，與奶油配搭簡直絕配推介推介黑麻油雞香氣撲鼻的麻油味有杞子，雞肉唔會鞋味道開頭唔算太濃，但愈煲愈好味飲完雞湯個人暖笠笠，感覺好補身。魯肉飯唔好睇相好似得小小咁佢個碗好深好大碗足夠兩個人share魯肉唔算太多但我將奶油蝦啲汁同黑麻油雞湯撈飯無得輸椰子雪糕椰子味非常重，很creamy，我很喜歡貼心的匙羹，會保持著雪糕的冰凍店內環境很舒適，燈光柔和因為我六點半嚟， 可能太早唔見有人但晏少少多了很多客人入座，個個都必點蝦煲，見到其他台點火焰雪山焗鮮魚都好吸引，但已太飽 ，唯有下次

去台灣釣蝦是近幾年到台北必做的事，上年香港也有釣蝦場，想不到香港開了一家專吃大頭蝦的台灣精品菜，如果釣蝦驚一隻都釣唔到的話，黎呢到有經驗多年的師傅為你這店的重點是蝦鍋，這裡有10款有辣有唔辣，食唔辣的話，店員介紹奶油蝦，隨即店員從蝦缸裡取出大頭蝦，每鍋份量是300gms, 所以數量及size是每鍋不同，其後取出的大頭蝦在廚房清洗重點菜未煮好就先點一些前菜生燒海花螺，上檯時一陣聞到花螺的香氣，每一粒都算大粒，由於是生燒，所以花螺殼會好熱，花螺螺肉煙韌，保留原汁原味，只要用手一拉螺肉便走出來，沾上海鮮醬，令味道提升每檯檯面已放上小垃圾桶，把海鮮殼掉下去醉雞卷一客八件，多人享用沒有問題，圓碌碌一卷帶雞皮，酒味濃郁，酒味浸入雞肉內，而面層雞肉亦好爽，每一件雞卷之間有粒一杞子相隔樹子冰菜，冰菜不是太多地方有售，之前吃過的都是當沙律菜吃，但現在把冰菜炒熱吃，又是另一翻風味，冰菜依然好爽脆，充滿水份重點奶油蝦，當晚一鍋6隻大頭蝦，香噴噴，用了大量洋蔥煮成，呈半生熟口感，奶油蝦汁較為杰身，沾在蝦殼上，夾起後一口把多餘的奶油汁吸走將蝦頭及蝦身分開，可見蝦頭有滿滿的橙黃色蝦膏，更可以把整隻蝦肉可拉出，蝦肉

太子---一個常聽的地方，對於我認知來說就僅僅限於花園街。聽不到在太子不同的小卷內竟然餐廳，酒吧，商店開到琳琅滿目。同樣位於花園街的一小角，有一間以食材為名的小店《蝦棧》!!!!!原來是一間台式料理餐廳主打蝦料理。在門外有大大張招牌料理的美圖，熱愛台灣的我想了一想好像真的沒有食過台式蝦煲，冬天到了，係時候煲一煲了！餐廳內大約只有8-10張枱，座位不多，但好有住家的感覺！色調好溫馨，而且位置夠闊，好有飯堂的感覺而且講到明係台式料理，餐廳內一定有關於台灣的擺設，例如台灣地圖，但呢幅地圖好特別--上面竟然有日文哦哦，原來重有台灣每個地方既古名，我就真係未聽過啦！睇黎可以問問台灣既朋友仔先講返重點，未入門就已經被這蝦缸深深的吸引住了滿滿的大頭蝦，藍藍的冷色調格外漂亮。而且十分大隻&新鮮餐具十分簡潔，好符合餐廳比人既感覺～～------------------------------點餐時間！！！------------------------------十分可惜的一點係我坐的位置完全看不到是日推介，所以與餐牌外的菜式無緣了黑麻油雞($168)麻油雞--一道十分地道的台灣料理，在台灣在家中也會經

從小到大都很喜歡吃蝦，但年紀壞大體質越差，漸漸對蝦敏感，每次吃也只能淺嚐，否則皮膚受罪。但既然弟弟難得蝦有興趣，可以讓我無後顧之憂地解一解蝦癮，便與他來這裡一試特式蝦煲!主打台灣特式的蝦煲，用上新鮮大蝦，一進店舖便可看到一大池缸養著活潑的蝦，已令人十分期待! 除了蝦煲，亦提供不少台式食物供選擇，小食，蔬菜，主食，甜品都有，絕不單調! 我亦點了數款小食試一試。先來的是小食拼盤，有雲耳，枝豆和滷蛋($58)。因自己較愛吃豆類，故想認真地試一試其味道。枝豆要試咬開外殼，豆的質地較實在和硬身，感覺用來送酒還不錯，但這樣吃原來不合自己口味。雲耳有麻油香，有辣勁，口感爽脆；滷蛋的蛋黃柔軟，味道不錯。再來是醉雞卷 ($88)，一上桌已傳來濃郁的酒香。果然，吃下去酒香豐富，雞肉味濃，肉被捲至口感扎實，味道是不錯，但我與弟弟還是偏愛滑嫰口感的醉雞，如喜愛實在口感的，這會是不錯的選擇!台式香腸($88)是弟弟至愛，怎會不叫呢? 最特別的是除了較常見的紅腸外，還有加上墨魚的香腸。兩者甜度十足，充滿油香，外脆內軟，而墨魚腸也很有驚喜，墨魚味突出，又不失台灣腸的風味，推介!然後是主打奶油蝦 ($188)，熱力和

行去揾呢間專營台式蝦煲的餐廳都易，沿住花園街一路行到尾就係了。就在旺角差館後面，周圍仲有好多唔同食市tim｡menu有好多唔同選擇，但重點係蝦，此小店用的是大頭蝦， 有不同的煮法任君選擇。香煎墨魚黑白卷煎得好靚好香脆，白色用新鮮墨魚，黑色是加上墨魚墨魚膠汁。同樣係香脆而內裡彈牙鮮味，同樣係腐皮卷，卻帶有2 種享受。主廚重點招牌當然係蝦。睇個樣已經滿分，味道爆燈。仲有好多蝦膏，有點邪惡。卻令人垂涎三尺。 仲有黑麻油雞煲 , 新鮮嫩滑嘅雞浸喺麻油雞湯度。 鮮味十足，重用鑄鐵煲上檯冬天食真係暖笠笠，仲對女人好補添！餐廳正中間房住寫得好靚又好有特色嘅廚師推介! 諗唔到食乜嘢㗎可以睇下個餐牌今晚食乜餸呀。這兩鍋 招牌菜式 就是今晚的重頭戲， 足料足心機。門口有兩個大魚缸，通常海鮮酒家都係擺咗大條嘅海鮮魚，而呢度就擺滿了大大隻又生猛的大頭蝦。臨走補影店面先~~唔講唔知呢個咁有特色好似不銹鋼紅酒冰桶 再加個透明膠袋。睇落似高級酒吧用品，但原來係一個畀你裝骨嘅垃圾桶。細心!

天氣凍凍地本來唔想出街，朋友極力推薦吓話好想試香港首間大頭蝦鍋店🦐🦐🦐，最近已經聽過另外一個朋友講呢間餐廳，一於去試吓啦，餐廳位於太子花園街，警察局後一條街一d都唔難搵！我地兩個人點咗餐廳推介招牌奶油蝦🦐（聽落去好邪惡但食落去一d都唔流，奶油味超香濃，味道剛剛好，如果多d洋蔥就好因為太好食）香煎黑白墨魚卷🐙（外脆內墨魚超彈牙）👍🏻滷水炸乳鴿🐦（連骨都吸收咗好香嘅鹵水味）小丁香油麥菜黑麻油雞🐔（店員話黑麻油係由台灣入口，叫我地記得飲埋d湯，驅寒保暖😂)真係好細心知我地凍👍🏻👍🏻用心制作👏🏻👏🏻👏🏻加油💪🏻💪🏻💪🏻

臨近年尾，又係公司聯歡會交換禮物嘅時間，所以同朋友由旺角行到太子，逛左個白鴿轉睇下邊啲野買得過。之後見攰就黎左呢度醫下肚。話明蝦棧，當然主打係食蝦啦所以我地點左個蝦煲及一啲麵同小食，歇一歇腳。先食係是日精選推介之一嘅油鹽水浸北寄貝。每隻都好飽滿同鮮甜，雖然無其他特別調味但正正係油鹽水浸熟先可以突顯出貝肉嘅鮮同結實。而且一滾就收火上枱，所以貝肉先無過老，食落嫩甜。滷水拼盤。雖然只有大腸／雞腳及牛展，但分量都幾多。三款都滷得好入味同香，雞腳嘅皮入口爽脆唔會因為滷得耐而鬆抛抛。大腸嘅脂肪逼走左好多，所以食落唔油膩而且內臟羶味都辟走晒，只留有滷水嘅香料甜味。滷牛展腍滑而不鞋口，筋膜Q彈加上成塊都吸滿滷水汁嘅濃香同微甜味道，十分惹味。之後就係蝦煲，因為點左滷水食物想食清淡少少所以柯打左奶油蝦。呢度嘅蝦煲全部採用大頭蝦，體積夠大之餘又夠多膏同蝦肉鮮甜。拆開蝦頭，第一時間梗係食左佢嘅蝦膏先啦，一吸入口香甜味同近似蟹黃嘅濃郁直衝味蕾，正。蝦肉爽實而清甜，雖然大頭蝦嘅肉身唔算好大但食落都啖啖肉。同埋個奶油煲嘅CREAMY味道好香，又唔會好咸食蝦時一定要點多幾點個汁，可以大大豐富蝦肉嘅味道。鍋底最後嘅洋蔥

話說本人同我老死都係一個蝦神！無論生蝦熟蝦 係蝦我哋都歡喜!呢間仲要叫蝦棧 一定有d 料到先會有咁既店名! 一於黎一試!一入到去, 見到d 蝦仲係活生生咁既, 一叫佢就會即煮, 幾唔錯wor!夠晒新鮮!食蝦最緊要新鮮!哩度嘅蝦鍋有成10款, 真係揀咗我哋成10分鐘先揀到,唔好講笑哈哈 最後我哋揀咗奶油蝦鍋  哩款特別d,平時少d 食到,真係好期待呀!!每鍋300gms, 一上台香到呢!隻隻都手掌咁大，好鮮甜又多蝦膏！食蝦膏真係有說不出嘅感動呀啊!奶油味極重, 再加上大頭蝦啖啖肉, 真係回味無窮! 得9隻真係唔夠喉囉!佢D 汁好食到可以送飯食! 所以我哋叫咗一個魯肉飯,哈哈真係好正。仲叫咗蒜蓉高麗菜,雖然$78碟有啲貴,但真係好鍾意食台灣嘅高麗菜,而且香港唔係度度都有得食。最後仲叫咗醉雞卷,哩款菜真係有驚喜！酒味恰到好處,無骨,皮肉分離,而且無肥膏,雞肉好嫩滑 係我食過咁多醉雞最好食嘅一間！明明間舖主打蝦,但醉雞竟然咁好食！今日真係好滿足呀!!下次一定要再嚟試下其他口味蝦鍋！

朋友介紹太子開左間台式蝦煲，好似都幾出名，就book左呢間黎試下喇。位置係旺角警處附近，行5分鐘左右就到，都算幾易搵。因為book左枱所以唔洗等位，不過再夜小小都見多人，都要等多一陣先比有位，因為舖面唔太大，唔算多枱，所以最好都係book定唔洗等咁耐。我地4個人叫左2款蝦煲同埋幾款台式小食。蝦煲揀左奶油蝦同埋咸蛋黃蝦。奶油蝦係台式風味，煲底放左洋蔥，洋蔥同蝦吸晒奶油香味，好濃郁嘅奶油香。 而咸蛋黃蝦係港式風香，放左3隻咸蛋黃落去壓碎起沙，再留番小小粒，食落去好香，好野味之餘仲好有咬口。記得食蝦要食晒殻d汁，剝完殻再點煲入面嘅汁，所有精華都要食晒佢😋一煲有6隻蝦，老闆親自係店入面個魚缸到拎佢地試黎，即叫即整，保證新鮮。小食方面叫左台式香腸，佢有傳統個種紅色台灣腸之外，仲有中間黑色個款，老闆話係墨汁腸，中間亦有墨魚肉粒，配埋蒜頭食真係好好味。另外叫左個麻辣臭豆腐，佢冇香港d 臭豆腐咁臭，不過都有淡淡臭味，食落去麻辣味重，除左豆腐仲有腐竹同埋豬紅，全部都吸左麻辣湯，咬落去湯出番黎，正👍🏻食台灣野點少得魯肉飯，除左魯肉飯仲有一個魯肉鮮蝦湯米粉，係用左台灣新竹米粉，再加左魯肉碎，湯用左鮮蝦湯，成