家香 (已結業)

用 eatigo 訂位 6:30 有半價超級抵食，以下價格為原價臘味肉餅流心蛋 ❤️ ($48)“Scotch egg with chinese preservered sausage”中西合璧嘅炸蛋 😋 呢啲外國前菜平日要到高級餐廳先有機會見到(?) 但我覺得呢個以中菜菜式融合炸蛋做法而成嘅菜式唔單只創意加分，味道都好香口。臘腸炸至脆口，鹹鹹香香咁，非常入味。中間嘅流心蛋熟嘅程度固然係岩岩好，睇吓個靚靚蛋黃就知溫泉蛋香菇撈麵 ❤️ ($98)“Onsen egg, shittake mushroom, Vermicelli”其實原先唔想食飯見到餐牌上麵食選擇唔多，冇睇清楚就嗌咗呢個「暗藏粉絲」嘅撈麵 😂 ，好在都好食嘅～亦都好彩有半價，否則$98蚊食碟粉絲真係唔太值。粉絲煮得好淋身漿口，但我諗我都係鍾意食有彈性嘅粉絲多啲非中秋時段好掛住奶黃月餅可以點？就係去食呢個👇奶皇流心心太軟 ❤️ ($38)“kasa style molten duck york custard cake”有半價嚟講心太軟咁嘅價錢係咪抵到爛呢 😋 食落無論係表皮同內餡都幾似食緊奶黃月餅。😉 流心餡好明顯😍 亦都非常濃

豬小姐今次尼到充滿懷舊玩味嘅「家香」！為啲咩呢？就係為左奶皇流心心太軟同千層西多啦食譜創新大膽 感覺玩味十足 一直都想試試 今次終於有機會了！就睇下傳統定新派可以勝出尼個回合 得到我嘅歡心「家香」嘅環境非常old school 似將我帶到七八十年代 橫樑上更有不少具珍藏價值嘅古董玩意 而且保存得極好 佩服佩服！ 念舊情常在 環境方面心思十足 我like爆！今晚試左兩款甜品奶皇流心心太軟蛋糕呈漂亮嘅金黃色 結實帶微韌 香氣四溢 非常吸引切開後 香滑奶黃漿流心溢出 更令人唾液直流！奶黃順滑 甜度適中 帶咸蛋黃香 加入旁邊的oreo碎拌食 更顯滋味此乃令人驚喜嘅甜點 有著創新中西合壁嘅概念千層西多士不太討好嘅深咖啡色(應該是榛子醬吧) 而且感覺未食先甜嘅佢令豬小姐打了個突但我並不是齋睇外表咁膚淺嘅人 要睇內涵嘅榛子醬 花生醬 牛油加糖漿 我稱為邪惡四人組！ 有八層之多嘅薄麵包脆炸至軟熟溫飽 層與層之間梅花間竹地塗滿榛子醬和花生醬 更有香口度up的花生碎粒在內牛油和糖漿係西多士嘅soul mate 令西多士更邪更惡更香更濃可恨的是 當多食時 質地會變乾 有點涸喉及甜膩還是少食會多些滋味 食半份