TeaWood Deluxe (已結業)

早兩日同男朋友去左尖沙咀搵野食，經過果陣見到原來係茶木既Deluxe版，好奇而且又未諗到有咩特別想食，決定入去試下。一入去就俾佢個裝修吸引住，成間餐廳係一隻巨型既陀飛輪，而且連餐牌都經過特別設計，甚有格調。我地嗌左個威士忌乾炒三杯雞($118)：上菜果陣店員會點火翻炒，單骨雞翼炒後更加入味，值得一讚。台式鰻魚栥飯團（$168）：由於好耐都未食過栥飯，決定order一個試試，鰻魚好好食，而粢飯入面有台式肉燥、蝦米同花生，質感煙煙韌韌。蒜茸辣椒烏魚子醬義大利麵（$188）：烏魚子係台灣名產之一，加埋香蒜、辣椒同意大利麵一齊煮，比想像中出色好多。呢度嘅飲品杯杯都好搶眼，吉祥‪01:23（$75）：清甜解渴，雖然係cocktail但冇乜酒味濃烈，檸檬啫喱好清新，岩哂用黎解三杯雞既辣。維也納的春天（$65）：一杯彩虹色既mocktail，好靚！味道就有少少似細個食既彩虹雪條。

2019年6月13日 星期四今日要上完公司安排嘅工作坊之後先可以放工，如果就約埋女朋友同同事一齊係尖沙咀食飯。原本都冇諗到食咩好，但行過K11見到有茶木，咁岩又冇咩人排隊，女朋友就話想食入到去先發現除咗裝修同原本既茶木好唔同之外，連餐牌裏面嘅食物都完全唔同。呢到食既係台式fusion菜，感覺高級好多。我哋拿拿臨揀左野食就繼續欣賞呢到既裝修先黎既係慢煮牛肋骨台式手作面，牛肋骨係另外上既，已經切好咗一舊舊，一夾起就食得，好方便。牛肋骨肉質好腍，而且好入味。至於手作面有啲似刀削麵咁夠晒彈牙，仲掛到濃濃既湯汁跟住有燒鰻魚西班牙肉燥意大利飯，鰻魚都算大塊，四個人分嚟食都夠，夠厚身同充滿油脂，滲晒落去啲飯到。平時台灣菜係食肉燥飯，但今次就做個fusion，用西班牙豬肉整成肉燥再配合意大利燉飯，估唔到又出奇地配合跟住上嚟嘅菜好有驚喜，係威士忌干炒三杯雞，店員拎菜上嚟嘅時候會親自倒上燒左既威士忌係三杯雞上面，呢個時候三杯雞會着晒火，有一陣陣嘅威士忌味漂出嚟，視覺同嗅覺都好滿足。味道方面完全食唔到酒味，有少少辣而野味，如果有白飯一齊食就更加好然後係加拿大豬鞍排，仲配有蘋果蓉同蓮霧。豬扒好厚身而且煮得啱啱

今次同朋友點菜點得比較豐富，下面幾個比較有代表性，值得大家一試。·威士忌干炒三杯雞——「三杯雞」屬於贛菜系，源於中國江西，相傳同文天祥有關；後傳入台灣，成為台菜代表性菜品。茶木出品嘅三杯雞所用到嘅酒係whisky，口味比以往食過嘅三杯雞更為濃烈，但並唔會搶走雞本身嘅味道，反而令肉香味更濃、甜中帶鹹、鹹中帶鮮、口感柔韌。.燒加拿大帶骨豬胺扒——超厚切上等豬胺搭配蘋果醬獨特嘅芬芳，唔單止完全食唔出豬膻味，而且入口醇香繞口不絕。·燒鰻魚西班牙橡果豬肉燥蕃茄汁意大利燉飯——豬肉選取西班牙血統「貴族豬」，據說放養於橡樹林以橡木果為食。因此當味蕾感受到茄汁酸酸地嘅味道，隨即鼻腔亦感受到濃郁嘅橡木果香味。食再多都唔會覺得膩。.鐵板麵包布丁——以藍莓點綴嘅麵包布丁，倒入香草汁味道超正😌不過唔鍾意太甜嘅人就sorry喇。·MTW黑糖珍珠舒芙蕾班戟——非常有質量👍奶蓋濃郁、珍珠好彈牙、Pancake軟熟。奶蓋嘅鹹反襯去pancake甜味嘅平衡。·宇宙 11:19 ——我鍾情於佢❤色彩層次分明、絢麗奪目。·時間做證 09:03 ——新鮮芒果、西柚搭配非常得當，酸酸甜甜非常可口。如果你要準備食好多肉，一定要嗌