Up a Notch Homemade Pasta & Pizza (已搬遷) 新店位置

跟朋友喺D2 place 搵食，上到3樓走到盡頭， 發現了這家空間感頗重， 坐得幾舒服嘅餐廳。 佢採用歐陸風裝修嘅餐廳，而且食品價錢合理。當日我地兩個人因為唔係太肚餓，所以食咗一個set lunch 同加咗個小食雞翼， 已經好飽肚了。 set lunch 可選 salad 或餐湯， 我地揀咁甘旬湯， 幾濃味的， 還可以！呢個係set lunch 中的安格斯牛肉漢堡， 平時好少食牛嘅我今日都試咗呢個， 發現牛肉味都幾重， 仲超多肉汁；薯條就冇乜特別啦！自己好驚多汁嘅食物， 但佢只有一款雞翼haha 作為雞翼控嘅我唯有叫佢埋佢嚟食la 😅😅店員送上呢杯雙檸玄米茶果時， 真係load 唔到係自己叫果杯添！😅真係冇諗過佢會用呢啲杯， 真係專for 打卡 haha😂 我叫呢一杯係因為佢會比較健康一啲， 無糖的但只限凍飲！味道方面檸檬味先出， 後有茶味湧上！ 不過始終都係無糖， 應該唔係啱每個人嘅口味。個人來講係覺得ok 嘅！

位於荔枝角工廠區的工廈活化項目 D2 Place 在2013年底開幕後，經過不斷演變、市場策略方針調整，近一兩年越來越成功，甚至成為人氣熱點，成功在（曾幾何時的）工廠區匯聚人氣，可算奇葩。與觀塘區工廠大廈的簡單租戶組合轉型、荃灣南豐紗廠（推動紡織創新產業）及中染大廈（商場8咪半）的活化路線並不相同，D2 Place 主力潮流服飾、創意市集及多國美食；原本同旺角的潮流商場沒有太大分別，但近一兩年引入室內競技遊樂場地、親子遊樂園及多間非集團式獨立小餐廳，正正是這些新租戶令商場突破樽頸，人氣高企，每逢週末人流𣈱旺。今日食晏時段去到，好多餐廳已經有八九成入座率，再唔決定就冇得食，隨心揀了「Up a notch homemade pasta & pizza」。根據字典，”up a notch” 係諺語，意思係 “an increase in value, intensity, importance, quality or the like of something, action or activity to some degree”。換句話說，佢哋嘅 homemade pasta & pizz