影片
更多
2021-06-04
3628 瀏覽
位於荔枝角工廠區的工廈活化項目 D2 Place 在2013年底開幕後，經過不斷演變、市場策略方針調整，近一兩年越來越成功，甚至成為人氣熱點，成功在（曾幾何時的）工廠區匯聚人氣，可算奇葩。與觀塘區工廠大廈的簡單租戶組合轉型、荃灣南豐紗廠（推動紡織創新產業）及中染大廈（商場8咪半）的活化路線並不相同，D2 Place 主力潮流服飾、創意市集及多國美食；原本同旺角的潮流商場沒有太大分別，但近一兩年引入室內競技遊樂場地、親子遊樂園及多間非集團式獨立小餐廳，正正是這些新租戶令商場突破樽頸，人氣高企，每逢週末人流𣈱旺。今日食晏時段去到，好多餐廳已經有八九成入座率，再唔決定就冇得食，隨心揀了「Up a notch homemade pasta & pizza」。根據字典，”up a notch” 係諺語，意思係 “an increase in value, intensity, importance, quality or the like of something, action or activity to some degree”。換句話說，佢哋嘅 homemade pasta & pizz
今日食晏時段去到，好多餐廳已經有八九成入座率，再唔決定就冇得食，隨心揀了「Up a notch homemade pasta & pizza」。根據字典，”up a notch” 係諺語，意思係 “an increase in value, intensity, importance, quality or the like of something, action or activity to some degree”。換句話說，佢哋嘅 homemade pasta & pizza 一定有返咁上下質素。
商場始終由工廈活化改造，並非重建；受制於原有建築限制，樓底較矮、亦沒有玻璃幕牆。定位係小餐廳，沒有太特色的室內設計；但仍然努力地、別具心思地加了幾幅塗鴉作品。
細心留意一下，就會發現太空人漫步的塗鴉內，隱藏了餐廳舖位號碼在太空衣上。至於另一幅性感美女的塗鴉內，左邊胸口紋了 “Prince William”，右手拿著的塗鴉噴漆罐同樣有餐廳的舖位號碼；到底誰是 “Prince William”？
餐廳去年年底才開業，最出名係手工意粉及薄餅，每日新鮮手製。雖然不似得其他高級意大利餐廳，將製作過程以開放式廚房形式公開讓客人觀賞；但廚房班底由一班逾10年嘅資深經驗廚師及調酒師組成，當中大廚更先後喺香港多間知名餐廳工作，包括曾於米芝蓮三星餐廳學藝。食物質素應該有保證，最重要價錢夠親民！
只可惜是日午餐沒有手工意大利麵，今日又唔想食pizza，兩款餐廳最出名的美食都冇揀到。退而求其次，其中一個午餐揀了意大利飯。等候廚房炮製菜式期間，留意到原來三隻白色餐碟的圖案都不同，好有歐洲小鎮非常流行的家庭餐廳感覺！
是日餐湯係薯仔蓉粟米湯。有薯仔黏口，亦有粟米香甜，但就欠缺了忌廉的香滑。
安格斯牛肉漢堡（$148）大大個，同美式餐廳的靚漢堡包賣相差不多，真係要搵不同之處，面前這個漢堡包沒有特色醬汁，取而代之是一大塊半溶化芝士。
安格斯牛肉漢堡
$148
30 瀏覽
0 讚好
0 留言
安格斯牛肉漢堡
$148
16 瀏覽
0 讚好
0 留言
漢堡包咬落去熱辣辣，表面的麵包皮亦焗得香脆。七成熟的漢堡牛肉味道濃郁、肉汁豐盛；略嫌脂肪唔夠多，令到漢堡牛肉表面太乾偏硬。除了漢堡牛肉、生菜、蕃茄片及半溶化芝士之外，餡料最頂層還加了一塊炸煙肉，只是煙肉實在炸得太乾太硬，只餘下香脆口感，欠缺煙肉的肉汁及油脂，失去了煙肉引人垂涎的美味元素。
一向不太懂得欣賞西餐的煎魚柳，除了個別高級餐廳之外，也總覺得只是一般。但實在太耐冇食過，今日興之所至，又好想食意大利飯，從是日午餐中揀了唯一選擇香煎海鱸魚意大利飯（$168）。橙紅色的飯粒口感煙韌有嚼勁，有點點海鮮鮮甜及帶有蕃茄微酸；用海鮮湯底煮意大利飯，很配合煎海鱸魚。只可惜一如所料，煎海鱸魚肉質雖然嫰滑、魚皮亦煎得夠香脆；但稍欠調味，重點係魚味只是一般。
香煎海鱸魚意大利飯
$168
12 瀏覽
0 讚好
0 留言
出品質素不錯，但始終有遺憾沒有試過自詡最出名的手工意大利麵及pizza，下次再來一定要試試。
張貼
