Steak Bar (已結業)

Small restaurant, decent steak and friendly staff - both deep fried beef cutlet and Angus Striploin came in with thick cuts. The beef cutlets had balanced fatty and lean parts and generally tender, went well with the seaweed and sesame rice. Although the Angus Striploin was juicy, it had quite a lot of tendons inside which made it too chewy for me. Recommend medium well for the Striploin.|USDA Certified Angus Striploin (Set)安格斯西冷牛扒💰HKD258|Deep Fried Beef Cutlet (Set)吉列炸牛扒💰HKD188

永遠鐘意等熱潮過咗先去食既我，終於試咗早排大熱既吉列牛😗【吉列炸牛排 $188】咁多塊牛最好食既一塊，不過並唔算出色。外層炸粉的確保持到鬆脆，內裡肉質軟腍冇乜筋，肥膏亦冇乜。不過大家睇相就知，塊扒並唔算好新鮮，肉質顏色有啲灰。【頂級板腱牛扒 $215】【安格斯西冷牛扒 $258】嗌咗medium rare，呢兩塊扒食落真係冇乜分別，而且極多筋搞到好難切😖肉質顏色同吉列牛個個一樣，睇落都係唔多新鮮。成餐飯最滿意一定係佢地個飯同芝麻豆腐😂個飯上面有飯素，我應該可以食幾碗總結嚟講係唔抵食，主打食牛但係牛既質素好麻麻。若果貪得意既可以去食下佢地個吉列牛既，其他就不了啦😩呢個價錢，一定有更好既選擇！

放假真係要輕鬆下!!食咩最開心? 今日去呢間日本食扒專門店食安格斯西冷牛扒!!呢間裝修別樹一格， 餐廳分上下兩層，我就鐘意去上層食，一路食一路睇街景。落左單十分鐘唔使就送到好快手!五成熟既安格斯西冷牛扒，火喉啱啱好，肉汁夠JUICY，旁邊有蒜鹽同燒汁，更可以帶出牛扒既肉味!!配埋碗紫菜肉鬆白飯， 令你埋單時夠晒飽!!另外，我叫左杯凍柚子蜜!!!潤喉不錯!!店員服務稱心，見我慢慢食得咁ENJOY，店員問我使唔使加個小火爐加熱。估唔到係中環裏面， 有間性價比咁高嘅餐廳，一定要來黎食過!!!

講起蘭桂芳實係諗飲嘢，點知原來行上啲有咁多嘢食。黎到steakbar,門口裝修別樹一格， 原來餐廳分上下兩層 樓上樓下都有吧檯位置， 啱曬鍾意飲酒嘅朋友。三個人各自嗌咗三個set， 安格斯西冷牛扒，吉列炸牛扒同埋羊扒。十分鐘唔使三個餐都已經送到。 炸吉列牛扒 要等鐵板上嘅牛油溶曬先放上去， 塊肉一放上鐵板度已經jaaaa一聲， 煎香肉嗰邊就食得， 配埋每個定食鋪上滿滿嘅紫菜嘅白飯， 真係一流。 用石板煎完嘅牛扒香氣滿瀉， 外脆內林， 雖然牛味唔算太重， 但係好香口， 對比傳統煎牛扒係一個新嘅食法。安格斯西冷牛扒記得嗌五成左右， 唔好太熟， 上枱時先得啱啱好，又有肉汁， 配埋牛扒上嘅乾蒜片， 更可以帶出牛扒既肉味。羊扒份量唔算多， 煎得火喉亦都啱啱好， 唔會有羊騷味。 配埋份量足夠嘅紫菜肉鬆白飯， 絕對令你走嘅時候 有飽飽嘅滿足感。和風紫菜薯條算係有少少驚喜， 唔似麥當勞用嘅紫菜粉包， 每條薯條上面都有足夠嘅紫菜， 用嚟送啤酒一流。總括而言喺中環地段裏面， 絕對係價格合理，而性價比又高嘅餐廳。

過年前窩夫與蝦子餅要到中環辦點事，辦事後想起有一段時間沒有去過蘭桂坊，便上去找地方吃午飯，發現原來Steak Bar在蘭桂坊開了分店，決定吃一頓豐富的牛午餐。被安排坐在一樓窗旁的位置，對面是藝穗會，特別有氣氛。研究完餐牌，用點菜紙落單，點了兩個之前在銅鑼灣店沒有試過的套餐。窩夫點了A餐石燒薄切牛肉($178)，主角薄切牛肉以外，還有前菜、沙律和飯，十分豐富。薄切牛肉的大特寫，油脂不算很多。待牛油完全溶掉後便可以動手燒牛肉了。牛肉沒有調味，第一口試過原汁原味後，窩夫喜歡加入蒜片和燒汁來吃，其實蘸鹽來吃也不錯。蝦子餅則點了廚師推介之一的B餐安格斯西冷牛扒($258)，同樣配有前菜、沙律和飯。安格斯西冷牛扒煎成金黃色，肉汁都被鎖住，五成的生熟度控制得剛剛好。

跟得牛魔王朋友們食飯多，慢慢都開始鍾意食raw D嘅牛肉，朋友生日話想食精D，呢間餐廳主要係食牛，仲有得自己燒（睇開我D食評就知道我好沉迷DIY），無得輸！吉列炸牛扒 $188呢個set最特別之處就係有一個爐可以畀你自己燒熱D牛扒，其實師父事前已經整到五成熟，所以輕輕燒都已經可以。吉列部分好酥脆，但唔會掛油，咁就可以更專心品味牛肉，牛用上Prime grade牛頸脊，外層炸到鬆脆裡面肉汁依然鎖得住，口感方面佢係比較嫩口，點埋燒汁多一種微微咸甜味，配合得好好。安格斯西冷牛扒 $258我地叫咗五成熟，呢個熟成度好靠牛肉本身去帶味，牛扒超厚但都幾容易切，一切開就見到誘人嘅鮮紅色！牛肉紋理分明，所以厚成咁入口都好容易咀嚼，每一口都爆出肉汁，鍾意味道更豐富，可以點燒燒鹽或者燒汁，不過我覺得呢塊扒唔需要，加上上面日日即炸蒜片，牛肉就更加惹味。呢兩個餐都有跟前菜，沙律同珍珠米飯，咁食其實係超～～～飽！前菜小豆腐好滑大豆味濃郁，而個飯特別加上蔥花同飯素，需知道只要有飯素，真係幾多飯都食得落！飯煮得剛剛好，有咬口又唔會好乾，一口炸牛扒＋飯真係大滿足啊！！！ 和風紫菜薯條 $48店員推介要叫個薯條，視覺上

中環要找美味的牛扒，其實都唔太難。今次我就試了中環的Steak Bar，位置於外國記者協會附近。 我點了安格斯西冷牛扒，一上菜就已經覺得很香，這是很少地方可以做到的。牛扒一切下去，肉汁四溢，咬下去亦都幾乎沒有筋。份量亦相當十足。 每一份牛扒定食都配飯、沙律以及豆腐。這些配菜都做得唔錯，和牛扒十分配合，簡直是錦上添花。飯上面加了一些日式配料，單單食飯都感到很滿足。 最後提一提大家，這間的份量比較大，去吃飯之前記得記得記得要留肚哦。希望下次有機會試下炸牛扒，同其他野食啦！

由於大館一連幾日都有個spark event,所以去左大館幫手，咁岩經過見到呢間食牛既店鋪，作為牛魔王嘅我又點會放過呢。位於蘭桂坊附近的新開食店，其實就係原本係銅鑼灣開左而且聲明大躁既店。難得早早地大概6:30就到左，人流未算好多，我地被安排左坐樓下，但一坐落就開始多人入坐了。似乎除左食，飲酒都切合佢附近既地理位置架原本想食限量供應嘅頂級板腱牛扒，可惜已經賣晒所以我們最後點了吉列炸牛扒及安格斯西冷牛扒兩個都係套餐黎既，有飯有沙律仲有埋豆腐吉列炸牛扒需要放落去煎，你絕對可以按照自己既個人喜好煎到幾成熟肉質很嫩，而且牛味都幾重安格斯西冷牛扒我們點了5成熟，但出到黎其實比較似7成，連唔食太生既男朋友都覺得過熟了。再跟餐加了雞軟骨餃子配搭很是新穎，新鮮滾熱辣而且好脆口芝士粉薯條，好似食緊shake shake 粉咁，但好大份，兩個人食唔晒如果係鍾意食牛嘅朋友仔就千祈唔好錯過啦