心夜來潮 (已結業)

是日三五知己到旺角搵食，決定食好耐冇食過既潮洲野，之前上網都幾到呢到幾多好評，所以就決定黎試試佢。醬歯拼盤 $128食潮洲野點可以唔食歯水呢，呢碟歯水都幾好味，豬耳幾爽口，其它野食都醃得幾入味，特別係豆腐好重歯水味同埋入面都幾滑。香辣魚仔炒蟶子 $252海鮮系列之炒蟶子，呢都蟶子按條計，條條都好粗好大條，用香辣魚仔炒少少微辣惹味，不過就可能入點太熟，有少少韌。 杞子紅棗蓉蒸鮑 $132雖然鮑魚仔細細仔，不過都係鮮同埋一啲都唔韌，用杞子紅棗蓉蒸蒜蓉香得黎又唔會蓋過鮑魚仔既鮮味，質素唔錯。膏蟹粥 $200呢個蟹粥其實同我想像既有點唔同，因為係我認知入面潮州粥係偏米飯既，但呢到既粥係綿既，不過個粥都有蟹甜味，所以都OK。家鄉粉絲線兜亂 $76呢個粉絲炒得好香又唔會太油，入面有蛋絲、臘腸片、叉燒等，配料既份量同粉絲各占一半，炒得好有鑊氣。  方魚炒芥蘭 $68又係一個炒得好有鑊氣既小菜，芥蘭好脆，方魚咸咸地連埋一齊食都幾正。總括黎講一班FD想啤啤佢，食下小炒，呢到都係唔錯既選擇。 

返工工作壓力真係好大架......幾個女仔放工就緊要去行下街~ 行完旺中正打算過對面食南記, 抬頭一望原來係南記上面有一間叫做心夜來潮, 咁就膽粗粗上左去試下~佢個MENU其實都幾多選擇~ 但我地始終全部都係女仔~ 所以都不能叫太多~ 加上個時已經係夜晚9點半, 所以唔想叫D 太heavy~ 第一樣係醬鹵拼盤成個拼盤total有6個item, 鹵味都重~ 唔太咸~另外叫左個蟶子~ 價錢方面唔算好平~ 但勝在都身算大隻~ 一人一隻就岩岩好~火喉方面都控制得幾好~ 味道唔會太濃都keep到海鮮味~朕有位朋友成日都話我鐘意依埋晒d cheap野~ 係呀~其實愈cheap既野, 先係愈難煮得好味既野~ 其中一種既就係饅頭~ 佢饅頭既size係mini size, 2啖就可以食完, 佢細細粒但係炸得一d都唔會過硬, 外脆內軟, 再點埋煉奶真係好好味~之後上既係家鄉粉絲線兜亂, 睇個名都知道係炒粉絲啦~ 佢有d肉粒係裡面, 食落唔會炒到一pat pat, 粉絲都係根根分明, 同埋唔會好油~女人呀, 唔想有肚腩其中一個主要解決方法就係排毒, 食菜都係一個可以幫助到女士既方法~方魚朕估計應該係咸魚~

食開既打冷舖都係地舖, 而樓上打冷舖的確比較少, 呢間仲要係24小時營業, 若非開係旺區都幾難做! 呢間新式潮州菜店, 荃灣都有分店, 食過幾唔錯, 今次再食!店內裝飾幾中國化, 大部份係二人枱, 2人上黎打冷都無問題, 又真係見多情侶或後生仔上來開餐喎打開餐牌, 食物選擇款式都OK多, 有D菜式個名都幾搞鬼, 例如炒饅頭, 家常牙籤鷄, 仲見到醬醃海鮮類, 呢D真係比較係傳統潮菜館見唔到既!肚餓啦, 先叫呢款香辣魚仔炒蟶子王, 2隻起, 呢度份量係4隻, 食落好香豉汁味, 配以洋䓤, 青紅椒, 加埋香辣魚仔, 令爽口彈牙既蟶子肉更好味, 已預先起好肉, 方便易食!見到餐牌上有呢款椒鹽剝皮魚, 香口之物, 一碟魚既份量唔少, 帶甜味既剝皮魚干, 雖則細細條但幾鮮味, 連魚骨都可以食埋落肚, 咪比佢咁多紅辣椒絲, 但食落一D都唔辣, 用黎送啤酒真係一流呀!估佢唔到打冷居然會有牛雜食, 呢款十七香牛雜鍋(細), 備上火爐熱住食, 再滾起就食得, 鍋內材料包括牛腩, 牛肚, 牛柏葉, 牛腸及蘿蔔, 每樣都切得細細件方便入味, 呢鍋牛雜用黎送飯都幾夾, 係天氣凍既日子食就就更滋味!酸