好蔡館

營業中

休息中

其中一位朋友之前已經嚟食過，今次專登帶我地嚟食好嘢第一樣係烚花甲，朋友食過話好食，咁緊係要叫啦份量有大中細揀，我地4個人揀咗中，不過花甲細細粒，我地好快就清哂，覺得可以叫大！個汁係少少酸酸地，作為第一碟好開胃第二樣係汕頭走地鮮味雞，我麻麻地食白切雞咁嘅樣嗰啲，所以評價唔到，不過啲朋友話唔錯第三樣係蜆肉撈飯，蜆肉超細粒，勁多蔥花，不過比想像好食，味道好夾，份量亦都好多第四樣係家鄉肉餅蒸膏蟹，唔錯，真係好多膏，啱哂鍾意食膏嘅朋友，肉餅都好味，不過呢碟真係貴，好似係八百蚊第五樣係娃娃菜浸汕頭魚蛋，魚蛋好好食，好有口感，唔係普通白魚蛋嗰啲仲叫咗咸檸檬鴨湯（冇影到相），見好似幾特別咁，飲落就清清地，唔重檸檬味，湯入面有幾粒鴨肉粒，都ok嘅姨姨同叔叔服務態度都正常，可能係中午去冇乜客人整體嚟講呢間都唔錯，可以再去食，今次仲係同朋友慶祝生日，姨姨會俾即棄紙碟同叉我地，好似收廿蚊？唔係好肯定不過呢間淨係收現金，埋單計埋加一都千七幾蚊，好彩咁啱我地有cash喺身，唔係都幾麻煩

認識＂好蔡館＂，因為＂好酒好蔡＂，而認識＂好酒好蔡＂，只因它名鎮四海，創辦人蔡昊 Howard 由美食家變身為大廚，以服侍金字塔尖上人群的味蕾為口號，成功創出多款令人一試難忘的菜式，口啤甚佳，2015年被財團看中，他的飯店＂好酒好蔡＂從廣州搬至香港，隨即成為國際巨星及名人富豪的熱點，據說非常＂貴＂氣，並且極難訂位，有點令我有敬而遠之的壓力！幸好，他的哥哥蔡昱 William，同樣做得一手好菜，親民地在太子開了一間好蔡館，走街坊飯店風格，主打傳統潮汕菜，一百幾十蚊有交易，同時臥虎藏龍，可商議刁鑽私房菜，包括＂好酒好蔡＂的知名菜式，可以平一點先探探＂好酒好蔡＂，不失為一個好主意。＂好蔡館＂飯店有點不好找，距離太子地鐡站一段路，駕車亦未必在附近找到咪錶位。店內既沒有顯貴裝潢，亦莫期望殷勤招待，但為了吃，可以一切不論！一般街坊飯店的裝潢，人手似乎又很足夠，員工尚算有禮。我們沒有預訂私房菜，但既來之，吃得要盡，發起人早已認識 William，於是全程授權、好的都請拿來，最後賣單每人$1050。獅頭鵝拼盤（鵝頭、鵝頸、鵝肝、鵝潤、鵝腸） 名副其實的獅頭鵝，眾所周知最貴是鵝頭，皮爽肉嫩兼有腦，腦漿