豫園 (已搬遷) 新店位置

每人任選2-5道菜$118-$238 (另加一茶芥)碟頭完全沒有因為套餐而縮水 質素亦有保證幾個人來食足足可以叫10幾樣菜式 滿足哂三心兩意的朋友上海菜中其實我最喜歡前菜小碟 所以叫左5樣無錫脆鱔 係我至愛❗️無敵脆爆 沾滿糖醋汁勁惹味 食唔停口🤤海蜇頭調味剛剛好 蒜鹹中帶點醋香用上海蜇頭的邊位口感特別爽脆鎮江肴肉 個醋整成啫喱狀連埋肴肉一啖食好好味燻魚 先炸後沾惹味醬汁再煮 個汁偏甜左少少脆皮素鵝 夠脆但略嫌薄身咗啲 卷多幾層口感會更豐富生煎窩貼 個底煎得夠香脆 餡料亦juicy小籠包 熱辣辣上枱 做到皮薄餡靚 咬落去熱湯湧出好正蟹肉拌麵 似蟹粉多啲 蟹肉鮮味頗較出 麵條腍左少少上海炒年糕 偏油但惹味既 年糕軟糯 份量都幾多擂沙湯丸 新鮮即做微暖 湯丸皮軟糯再有流沙芝麻餡 黃豆粉好幼細豆沙鍋餅 較為失望 個脆漿整得太厚 唔夠脆咬落硬又doughy無論食物質素同環境都唔錯 咁的價錢算好抵食值得一試 假日都有架😉

呢間係米芝蓮推介之滬菜（上海菜館），位於銅鑼灣近時代廣場，樓上舖，26樓高，環境一流，職員服務好，全海景的餐館，感覺舒適，放假唔趕時間嚟嘆下最佳，試了以下幾款點心及小菜，個人口味。。評論。。除 四川擔擔麵 （大家可以不試）外，其他 糟溜鮮魚片，醉雞（靚紹興酒，非常香），小籠包，生煎包，蘿蔔絲酥餅，都非常不錯。。。大家搵下 有網站訂位，散叫柯打 50％ 折扣優惠，限 1330 或 1400 時段，平日放假，最好選 下午2點 時段，午飯人潮散走，絕對可選近窗海景位置。我當日見下午2點，近窗口位枱，客人全部走晒。

今晚同朋友黎到呢間位於v point的上海菜餐廳，餐廳唔算好大，但係裝修好一種好玫麗的感覺，而且餐廳還可以睇到維港景色！餐牌有很多不同我菜式，最後點了幾款試試！砂窩奄篤鮮($228)，我跟朋友都中意飲湯，所以點了例牌可以飲多啲！上海菜清清地既湯係唔錯的，所以便點了奄篤鮮！湯都算幾多，每人都飲到6-8小碗！湯內有白菜仔、豬肉、金華火腿、筍等，整個湯非常鮮甜，令人不禁飲多幾碗！奶油津白($108)，這裡的奶油律白跟平時出面食到的好唔同，奶油比較傑身，非常夠味，但又唔會有好漏的感覺！奶油還有點點金華火腿調味，令這個菜的鮮味即時提升！小籠包($58)，上菜時店員建議我地連埋小籠包底的紅蘿蔔一齊拎起，因為這裡的小籠包皮真係好薄，湯亦好多，好鮮甜！有機會要同屋企人黎食下，因為這裡環境和食物都好高質但價錢又唔算好貴，而且店員服務很好呢！