泰嘟嘟

營業中

休息中

朋友知我鍾意食泰國菜於是帶我黎泰嘟嘟🥳佢話之前已經食過2次覺得食物水準依然好味又抵食,所以我充滿期待去食晚飯!好彩朋友醒目預先book位,因為真係長期爆滿,去到7:30已經有好多人排喺門口!溫馨提示記得先Book位🙆‍♀️環境雖然不大,但設計方面好有泰國風情!竟然卡位係泰國出名嘅篤篤車😍好得意呀!可惜裏面實在太多人,唔好意思影相請大家見諒😩泰式生蝦⭐️賣相已經好吸引😍生蝦鮮甜肉質爽口加埋酸辣汁同青草汁有兩種口味,兩種一樣好味好開胃!香蔥蒜蓉包⭐️朋友極度推介👍蒜蓉味道好濃郁而且炸到金黃酥脆令人食到停五到口😋小食拼盤⭐️有豬肉串燒,雞肉串燒,雞翼,蝦餅,春卷👍覺得最出色係蝦餅同串燒.肉質嫩滑多汁烤得好有水準好惹味😋蝦餅炸得外脆內軟口感彈牙好好味!蟹肉炒粉絲⭐️味道不錯👍調味啱啱好不會太鹹,粉絲抄到煙煙韌韌加埋蟹肉一齊食口感好豐富而且配菜好多,己$68呢個價錢我覺得好抵食!泰式奶茶⭐️奶味香濃也不會過甜味道不錯!椰青⭐️味道清甜無比好解暑,好適合喺夏天飲消暑良品!

今日是星期四晚上，一間小店門外大排長龍，沒有提前訂位的話都要排隊，一定要試一試。 店面不算大，但好多泰式風情既裝飾，連隔版上都有不少的圖畫，十分特別。首先來一杯，泰式奶茶。泰式奶茶，試試泰式風味先，$26蚊，街上的手搖都唔只E個價，十分抵飲，而且好味道。小食拼盤（細）$108這個小食拼盤，其實好令人驚喜既，每一個炸物既味道層次都唔同，而且雖然是細份，但其實一點都唔細，兩位食，每人都食到好多。分別有雞翼、炸春卷、蝦餅、串燒。所有都係新鮮炸起的，蝦餅裡面每口都係蝦肉，十分彈牙，而出面既炸粉份量岩岩好，唔會太多太油，炸既時間岩岩好。炸春卷，泰式春卷裡面既係咖哩粉絲，令春卷本身就有好香既味道，粉絲又唔會太多，外脆內軟。串燒，豬雞各一串，有醬汁，除了醬汁既香，本身都燒得好好，有一種香口，燒烤風味。鮮蝦扎肉米紙卷$58米紙卷其實都唔係每間泰國餐都有，薄薄一層皮包住裡面係米粉，蘿蔔仲有鮮蝦扎肉，清新得黎，沾上醬汁之後又會有另一種風味，而且好足料，每一件都包到漲一漲，好唔錯。豬頸肉通菜煲$78平日炒通菜食得多，今次加埋豬頸肉落去一齊炒，超惹味，香口。加上馬拉盞，真係令人回味無窮，而且味道十分十分好。豬

平時食泰國菜通常都係去九龍城，貪佢成個小泰國咁夠晒集中，不過今日就去到大角咀尋找另一間富有特色嘅泰國餐廳，名叫泰嘟嘟。呢度店名叫泰嘟嘟，其實當你睇埋佢嘅英文名Thai Tuk Tuk之後，就知道原來佢其實係講緊我哋去泰國通街都見到嘅「篤篤」，所以店內嘅裝修都帶有好似泰國篤篤車咁嘅設計，玩味十足！食物方面其實都係一般泰國餐廳唔難食到嘅菜式，不過就加多咗點點心思，所以賣相就同一般嘅泰國菜有啲分別。女店員好友善又有禮貌，仲介紹咗幾款私心推介俾我哋，我哋就一於跟佢搵食！首先就係呢個泰式生海蝦刺身，佢嘅賣相真係攞滿分，每隻生蝦都獨立用shooter杯送上，分別用上紅色同綠色嘅泰式辣汁，成杯cocktail咁，食嘅時候可以將生蝦放進杯內滿滿嘅辣汁沐浴一番，因為係獨立嘅辣汁，所以再點汁都冇問題，絕對乾淨衛生。生蝦非常爽口彈牙，鮮味十足，真係會食上癮！小食拼盤有蝦餅、春卷、雞翼、串燒豬、雞各一串，我一向鍾情於蝦餅，所以都有啲要求，依度嘅蝦餅夠彈牙亦都大大件，另外串燒都唔錯，點埋沙嗲好好味，其餘嘅雞翼同春卷就不算好驚艷，但仍屬於正常水平。炭燒豬頸肉又係另一傑作，未試過食豬頸肉係用個小火爐㷫住咁上枱，可以

尋晚突然好想食泰國菜，於是去咗呢間餐廳食。有幾張卡位都係嘟嘟車咁嘅樣，不過因為我只係得兩個人，所以就坐普通位。佢呢度嘅二人餐都幾抵食，只係$238就可以喺大約十幾樣野入面揀三樣野食。我哋揀咗一個小食拼盤、泰式風味明爐烏頭同埋招牌焗黃咖喱麵包軟殼蟹。小食拼盤有四件蝦餅、四件春卷、兩隻雞翼同埋兩串串燒。蝦餅唔錯，炸粉唔厚，口感彈牙，幾有蝦味。春卷幾脆，餡料飽滿，幾好。串燒有雞有豬，但啲肉可以再滑啲。可以自己點沙爹醬。雞翼啲肉都算滑，但冇乜調味，味道略嫌單調。泰式風味明爐烏頭呢個幾好食，湯底酸酸地辣辣地，有香茅味。烏頭好大條，兩個人share嘅話未必食得曬。個爐個火熄左之後可以叫佢再點火。同埋有一大碗湯比我地隨時加湯。湯底入面仲有粉絲、菜同埋菇。呢啲配料好正，特別係粉絲，索曬個湯啲味，好食。招牌焗黃咖喱麵包軟殼蟹呢個一定要趁熱食，唔好放太耐。因為麵包嘅皮本身幾脆，但如果放耐左會變淋，就冇咁好食。入面仲有少少炒滑蛋。黃咖哩唔辣，甜甜地，但都有啲重味，食多左可能會好口渴。可能呢到嘅其他咖哩會好食啲。另外如果軟殼蟹份量多啲就好。軟殼蟹份量比較少，同埋有啲細隻。不過值得一讚嘅係呢到每樣野食嘅份量都幾

位於大角咀近奧運站既一條橫街，見到街口放左易拉架宣傳呢間新店泰國野，就黎試下食。如果唔係咁岩行開呢到，呢間舖頭雖然唔算遠但都唔容易搵。相對於佢身處既隱閉角落，入到去既環境絕對有驚喜！！如果你有去過泰國或者東南亞地區，呢間舖頭既座位都係以篤篤(tuktuk, 即當地平價客車) 為設計概念，可以係舒適既冷氣環境「搭」tuktuk, 真係一個全新體驗！至於裝修格局上，充足既空間加上霓虹光管砌成的字眼，令人真係可以放慢腳步，享受美食。跟住就要講下食物，炎炎夏日即刻叫左個椰青黎飲，可能你覺得椰青都無咩好講，但諗起自己飲過街邊變味又唔凍既椰青。。。呢到既椰青份量好足，冰凍又清爽，絕對推薦！！同幾個friend一齊黎食，叫左小食拼盤，芒果軟殼蟹米紙卷，海鮮喇沙米粉，馬拉盞炒通菜，明爐烏頭，同椰青海鮮焗飯。小食拼盤首推蝦餅同雞翼，蝦餅非常足料彈牙，煎香後既肉汁係我食咁多蝦餅之中最多最好味！食喇沙就一定要睇湯底係點，呢到既湯底濃得黎有一種獨特香料味，同湯入面一樣食材非常配合，就係芽菜！！我朋友叫住我唔係我差d飲完成碗湯！最後推薦椰青海鮮焗飯，面頭有厚厚椰漿，遞出黎既樣吸引到我未影相就已經食左haha!