Doux (已結業)

今日小妹約左幾個好朋友食飯，想搵個地方傾下計，之前有朋友介紹係旺角鬧市中坐得舒服，食物又高質既西餐廳。位於旺角彌敦道726號，棟大廈全部都係餐廳，呢間餐廳就位置18樓。餐廳裝修簡約但擺設精緻，放滿不同既啤酒樽做擺設。首先叫個沙律醒下胃，見到有我最鐘意食既羽衣甘藍，仲要配上新鮮煎起既北海道帶子再配上幾款嘅果仁乾果，好適合一啲健康人士。北海道帶子甘藍沙律$128跟住就叫個小食拼盤，有芝士薯條，魚手指，炸蝦，炸雞件。全部都有濃濃既芝士鋪面。啲芝士配上熱辣辣既炸物，鐘意芝士既朋友一定要試下。小食拼盤$138跟住再叫左個黑松露雜菌貝殼粉，黑松露味好重配上忌廉汁簡直係絕配，佢個特點係用左貝殼粉，比起普通意粉長通粉特別。黑松露雜菌貝殼粉$108黎到呢間餐廳既重頭戲就係甜品同飲品，甜品佢有好多唔同既款式，賣相仲要非常特別。今次我地叫左個 Ruby Peach，佢外表係一個桃既形狀，外邊係一層軟林林嘅蛋糕，入面包住桃味既流心醬同啫喱，味道相當出色。甜品伴碟都唔馬虎，襯托得好好。Ruby Peach $98飲品方面，我地4位各叫左一杯，見到隔離枱叫左杯熱既水果茶，賣相好特別，甜度都好適中，但我更加推介我飲

今個星期是我家的紀念日，一心就想帶家人去食一下西餐。不過今次就定下了一個目標給大家，就是要找一間既既好食，而Budget 在每人 $200至$250之內的西餐廳。於是就當然在網上找一些熱門的看看，很快我就拿下主意，去這間位於旺角的 ‘DOUX’ 。我們訂了晚上7點半，去到已經有不少人在內用膳，而且聽到他們都是慶祝生日或其他紀念日的，場內非常開心。而且餐廳內裡空間非常寬敞，令人坐得很舒適。播放著最新又流行的英文歌，我和家人就開始看看今晚食什麼。💓 1.      輕煎北海道帶子甘藍沙律母親就最喜歡食羽衣甘藍沙律，一來營養值超高，可以整腸通便、抗老美肌、增強免疫力等，二來味道獨特兼且平時在家煮飯比較少食，所以母親就特別喜愛。羽衣甘藍配北海道帶子認真不錯，帶子經過微微煎香，入口即溶，不用太多咀嚼。💓 2.      小食拼盤四個人，就叫一碟小食拼盤吧。當中有: 鮮炸薯條、香炸芝士雞肉、吉烈蝦餅、芝士。特別好食的就是香炸芝士雞肉，炸得來又不會太老，食落仍然非常鮮嫩，值得一讚。我有一個小提議，如果小食拼盤不是全部炸物，效果可能會更好。💓 3.      經典漢堡漢堡的材料不花巧，用上經典的配菜及

和朋友約去旺角，於是就去左彌敦道726號搵食，朋友揀左18樓的Doux。一座下服務員立刻為我們端上水，覺得很好的是餐廳水並不是水喉水！值得一讚。我們點了一個沙律，一個小食拼盤和一個漢堡。 輕煎北海道帶子甘藍沙律:帶子沙律裏面有羽衣甘藍（聽聞營養價值很高），配上黑醋酸酸甜甜的很開胃，而且帶子新鮮厚肉仲煎得好香口，十分不錯。小食拼盤主要是炸物為主，有芝士薯條，炸蝦和炸雞和炸芝士條。小食拼盤都是即炸！熱辣辣口感極好，芝士薯條更會拉絲。經典漢堡漢堡很大！中間的2塊漢堡扒很厚，肉扒很軟鬆也很多肉，！吃起來會不乾。配料方面有芝士，煙肉，番茄等令漢堡口感更爲豐富。星空特飲顔色很夢幻！看著漸層的藍色感覺治愈。其實裏面是梳打，甜甜的很易入口。Matches甜品是火柴盒造型的橙味慕斯cake，不會太甜！甜品造型很有心思，連碟中的藍色底襯托都是畵上去的。

平時食嘢，大家都會去地面，最多都係幾層高嘅商場大廈。今次朋友帶我嚟旺角彌敦道18樓，享受高空美食。DouX 在法文有「柔軟、甜蜜、 溫馨」的意思。果然冇錯，一出lift大堂就可以見到甜品Menu，造型新奇，好有特色。各種唔同嘅造型，我諗今晚無論點飽，都要留肚試一試。等食嘅時候，先視察下周圍環境先，餐廳室內燈光昏暗，營造出舒服放鬆嘅環境，餐廳四四方方，設有一個小酒吧，晚上八點半，已經坐滿食客，透過玻璃可以望到室外嘅環境，是放工後歡聚嘅好地方。煙三文魚材料十足，配有提子乾，合桃，拌勻沙律菜食，再加上黑醋，特別野味。小食拼盤，有四種材料組成，炸蝦，炸薯條，炸雞，還有炸芝士。側邊仲有沙律菜，可以清洗油膩。我覺得炸雞好入味。再嚟就係黑松露雜菌意粉，本身餐牌係蝴蝶粉，因為我哋想食意粉，所以要求改意粉。餐廳配合我哋嘅需要，好樂意為我地改食材。呢個就係萬眾期待嘅甜品啦，修飾得非常之漂亮，好有藝術性質，有啫喱曲奇碎等修飾，圍繞住主角就係水蜜桃造型嘅甜品，食落它的甜度啱啱好，而且帶出咗水蜜桃嘅香味，值得推介。

今天是個繁忙的一天，早上去元朗，中午在馬鞍山，晚餐卻選擇了最繁忙的市中心食飯。聽說整座大廈都是吃肆，中外美食林立，今晚來到18樓。一出升降機就是了，發現餐廳的細心之處，安排了一排高腳梳化櫈，方便客人排隊時不用站著。餐廳已經坐滿食客，室內燈光較為昏暗，令人十分放鬆。全落地玻璃設計與外界形成一體。我們的餐枱上已經備好了水杯並已注滿了水，務求第一時間可以解渴，非常欣賞餐廳注重每一個細節。煙三文魚沙律🥗主角當然是煙三文魚及沙律菜，再配搭提子乾，合桃，佐餌黑醋，即時開胃，增加食慾。朋友無飯不歡，西餐理所當然吃意大利飯啦。用白汁煮成，加上煎香的鵝肝，身份頓時提升，鵝肝人口即溶，甘香味醇，令口感受益良多。小吃拼盤包括炸蝦，炸雞，炸薯條和炸芝士，全部新鮮炸出，放入口時還帶來餘熱，香口惹味。可以選擇沾上沙律醬或蕃茄醬進食，更加凸顯香味。雖然已經好飽，但女人總有第二個胃出來吃甜品，皆因這里的甜品造型特別，份外吸引，乍看根本就是水蜜桃🍑，不單止外表形似，切開後發現裏面的造型都是按照水蜜桃來設計的。甜度剛好，為此晚餐帶來完美的句號。

約左朋友今晚出旺角聚會，揀左呢間DOUX晚餐,因為之前黎過食甜品，覺得環境，食物同服務都唔錯，所以決定黎試下晚餐。整間餐廳好有格調，四周擺放左d花樽，氣氛浪漫，用黎影相打卡都唔錯。Order左個三文魚沙律做前菜，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。青口香檳忌廉汁意粉嘅味道卻非常唔錯， 嬌小可愛嘅藍青口夠鮮甜，而香檳忌廉汁濃郁香口，意粉食落煙韌有口感，每條意粉都沾到醬汁。小食拼盤，有炸雞塊，芝士條，芝士薯條同炸蝦，見到已好經嘩一聲，大家都同小朋友一樣，鍾意食煎炸野呢個係Deluxe House burger，burger嘅麵包鬆軟，外層烤到脆脆地，帶有陣陣嘅牛油香。而和牛漢堡入口充滿肉汁，一咬落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士，口感豐富起黎之餘，味道嘅層次亦有所提升，美味無窮。此外佢有個秘製嘅醬汁，甜甜地，有洋蔥味，好好食。仲有炸薯條，係幼身薯條，感覺冇咁漏。呢個薯條食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度。呢度係4杯野飲，包括Coconut lavender lemona

Girls night 💓💓💓與姊妹們食生日飯 環境好舒服 景觀都好靚不過背景音樂太大聲太嘈 傾計有d 辛苦😂😂😂食物方面 質素非常唔錯👍🏻👍🏻牛扒好好味😍雖然係貴左d 但係share 食都值得既！蝴蝶粉 份量唔係好多 味道不過不失小食拼盤 好好味 👍🏻但係食物選擇方面就較少意粉/飯都係得一兩個 甜品同飲品今次冇order 甜品都有d 貴 加上又食得太飽 食唔落haaaa下次會想試下甜品畫😍😍😍不過要儲定錢先