Layback Cafe & Bar (已結業)

同fd 約尖沙咀食飯，食💛我試過星期五同星期三黎，都係爆滿甘滯所以想黎食真係要bk 定位我地六個人叫左六樣野炸軟殼蟹沙律，軟殼蟹味道唔錯，口感仍然脆沙律醬溝埋d 菜味道都幾好，而且青瓜夠爽脆多人就一定點個小食拼盤雞翼好食，炸蝦都唔錯，炸蠔就好似腥左少少，但整體炸得岩岩好，唔會太燶同油黑松露意大利飯，黑松露就係面頭個度，所以自己撈埋食，味道都唔會太鹹，飯既口感岩岩好，正常水準煙三文魚正常，唔會偏鹹，意粉同隻忌廉汁都唔錯pizza menu 改左，所以唔update, 店員話改左一係鴨胸一係煙三文魚pizza 係薄底，都仲有d 脆，第二次黎食就無甘脆，pizza 味道唔會好重味，都係靠煙三文魚有番味我地仲有叫炸魚薯條無影到，炸魚夠脆，入面魚身都滑，薯條有黑松露，但唔係條條都甘脆整體依間服務同食物比起好多💛做得好好多所以都值得黎encore

星期五放工第一時間趕去同朋友聚餐好彩有book枱就算係樓上Cafe星期五都非常爆滿餐廳環境比較嘈因為都有人叫酒飲同傾偈Book嘅時候可以盡早同店家講坐室內定室外👉🏼牛油果軟殼蟹漢堡配薯條牛油果係非常健康嘅食物，再加軟殼蟹亦都非常之夾，個包中間好多汁啲沙律菜亦都好爽脆新鮮，軟殼蟹好脆好香口。👉🏼爆芝炸魚漢堡配薯條個包新鮮滾熱辣仲係保持到鬆脆，炸魚唔會太油膩亦都保持到鬆脆嘅口感，不過可惜嘅係薯條炸得唔夠熱👉🏼小食拼盤對於唔鍾意吐雞翼骨嘅女士來講簡直係福音雞翼同菠蘿好好食，酸酸甜甜好開胃，紫薯餅好足料不過有少少滯感覺，炸蝦得兩隻但係中間都好爽唔會有霉嘅感覺，芝士波好濃味，唔使點沙律醬都OK，拉到絲👉🏼牛油果咖啡係本店嘅熱推之選口感幾特別👉🏼夏日摩摩茶涼涼地飲杯熱飲慢慢傾偈幾舒服，唔會太甜亦都有檸檬味酸酸地解滯👉🏼榛子朱古力沙冰好抵飲勁大杯，同朋友掛住傾偈傾左一陣就已經溶到成枱都係Overall嚟講啲食物都唔錯亦唔算好貴希望下次可以同朋友嚟試吓其他唔同嘅晚市套餐

我今次搵到呢間黃店要讚喎！食物賣相食物質素餐廳環境服務態度4～5真係唔係易俾架首先一去到間餐廳就有賓至如歸架感覺，因為班侍應係唔會點理你，我並唔係講笑亦無任何貶意，有時候出嚟食飯無非都係想同三五知己或者伴侶好好談心，共享美饌～而我所講架唔理，係佢笨唔會時時刻刻釘住你地，有需要時就入去同佢地講～佢地都會有禮貌咁serve你架😁餐廳雖小但五臟俱全，佈置仲好有意思添～你會見到連燈豬同pepe陪食～仲有吊燈同其他飾物配搭很舒適，真的！餐廳職員個個都係後生仔女，食客同樣有質素，都係全部後生仔女（令仔令女）唔小心讚埋自己🤭目測室內有3張4人枱，1張6至8人枱仲可以選擇室外享餐，但我就無行出去望喇，應該都不俗～我哋一行4人👬🏻👫點左個risotto,、一份意粉、小食拼盤、黑糖唔知咩雞翼..跟兩份是日精選湯一個字真心覺得每一道菜師傅都係用心製作，無諗過看似小店但食物有酒店質素！重點係我地坐左兩個鐘有多，可能疫情期間，人流無咁多，我地無俾人趕，但都係full House🙏🏻🙏🏻🙏🏻🥳今次都無信錯OpenRice啦～咁多好評！絕對推介，並且都即時立刻馬上火速推介左俾fd fd fd.....好野係要同人分

經朋友介紹， 今日去咗尖沙咀一間樓上店， 試下新派fusion菜。店舖位置比較隱秘， 我開住google map 係尖沙咀搵咗一輪先至搵到呢棟大廈。店內有分室內和室外兩個不同的空間。 室內有冷氣而且有瓦遮頭， 而室外則是露天，但可以看到街上的風景。我和朋友點了個南瓜汁炸天婦羅蝦意大利飯， 媽咪麵沙律 ，脆炸魚柳漢堡， 炸魚薯條和小食拼盤。南瓜汁意大利飯 ，忌廉南瓜汁香濃 ，意大利飯黏度剛剛好， 天婦羅炸蝦炸出水準。媽咪麵沙律非常有新意， 食落酸酸甜甜 ，配搭香口的媽咪面試過意想不到的驚喜。小食拼盤以炸物為主 ，都很香口。脆炸魚柳漢堡， 魚柳很嫩滑 ，炸得金黃鬆脆。食物質素不錯而且環境優雅，可以一戰。

呢間尖沙咀既樓上cafe ，搵open rice 先會知🤭 一到先點左一人一杯 cocktail ，分別點左Signature cocktail「500 days of summer」荔枝味同酒味好夾，清新，推介推介仲有「caramel espresso smoothie」返工太辛苦，夜晚唔想食正餐，所以同朋友點左幾份snacks share 「四川黑糖單骨雞翼」一開始見到只係一份小食呢價錢，都覺得有啲貴，不過店員強力推介，所以就試下。雖然有好多辣椒🌶️（第一眼見到咁多辣椒，都好驚），但係實際係微辣，加埋黑糖淡淡甜，味道新奇過癮，十個推介「小食拼盤」「軟殼蟹沙律」點番份菜 balance下d熱氣小食😝最後追加多一杯，特色飲品「牛油果咖啡」🥑🥑🥑，好特別，牛油果以半smoothie狀態係咖啡拌埋一齊 ，口感都幾濃厚 餐廳出邊仲有啲露天位，chill下真係唔錯

一向都喜歡去樓上cafe既我，今日黎到位於尖沙咀既layback cafe & Bar。餐廳有分室外同室內，如果唔係食煙既話，坐室內會好D。坐低之後我地叫左一個意粉，一個All Day Breakfast，一份小食，同埋一壺果茶。蜜桃果茶: 呢度既果茶係用玻璃壺上，下面有蠟燭座熱保暖，確保你飲幾耐都仲係熱。不過D杯就細左少少，每杯兩啖就飲完，不過一壺茶都幾大，足夠兩個人飲。蜜桃果茶係紅茶加少少蜜桃味，飲落好清甜。黑松露忌廉什菌扁意粉: 黑松露忌廉醬相當Creamy，黑松露都好香濃，加埋唔同種類既什菌後口感非常豐富。意粉方面軟硬度適中，整體味度唔錯，令人一啖一啖咁食。All Day Breakfast: 全日早餐有多士，腸仔，西班牙火腿，蕃茄，蛋，茄汁豆，蘑菇，粟米同埋沙律。最值得一讚既腸仔，一D都唔油，好好味，好有口感。至於茄汁豆，真係整返熱俾你，係香港真係唔少地方凍冰冰俾你食架。沙律方面都幾新鮮，個柚子汁都幾好味。小食拼盤: 拼盤既小食有咖哩角，脆皮腸，蝦同埋海鮮卷，配上wasabi 味既沙律醬，值得一讚既係炸蝦，粉漿入口一D都唔厚。好可惜小食大部分都係炸物，真係有D唔健康，同埋一次