丼瀛 (已結業)

丼瀛🎏甲羅燒 ($68)好豐富嘅甲羅燒，入面鋪滿哂蟹籽、蟹膏同蟹柳，撈埋鵪鶉蛋一齊食，滑嫩得黎一啲都唔重口，味道啱啱好💕食落啖啖都係蟹膏濃郁嘅味道，鍾意食蟹嘅朋友唔好錯過🦀牛油果軟殼蟹卷 ($68)軟殼蟹卷上面鋪咗一層牛油果🥑，食落嘅口感變得creamy，配埋一粒粒嘅蟹籽同美滋醬，口感就變得更加豐富😽值得一讚係軟殼蟹真係有肉食，唔會成口都係炸粉得層殼🫶🏻丼灜特上築地壽司杯 ($268)上枱嘅時候真係嘩咗一聲，好大陣仗咁🎊壽司杯嘅料應該會定時轉下，我哋今次一共有六杯，包括係有蟹籽三文魚、油甘魚、帶子、蟹膏蟹柳、芥茉八瓜魚、海膽蔥吞拖羅蓉🍣 食材唔算係好特別，不過勝在用料唔差，特別係三文魚、蟹膏同海膽拖羅，夠哂鮮甜💕每杯嘅份量都夠兩個人分，唔會爭杯仔食，食都好滿足👍🏻山椒唐揚雞翼 ($28)28蚊就有兩隻，炸得好香脆而且雞肉保持滑嫩。但山椒嘅辛味唔算好出，當普通嘅炸雞翼黎講，算係正常發揮🍗唐揚雞軟骨 ($38)雞軟骨嘅份量好多，食落脆口得黎唔油膩，即使冇落檸檬汁都唔覺得好heavy，而且食落幾惹味🤤 脆卜卜啱哂用黎配酒，同埋過下口癮😝

事隔2年重回呢間黃店食飯，餐廳內播緊嘅音樂十分熟悉，牆身依舊貼滿客人心聲，連豬同PEPE繼續堅守崗位，十分佩服佢哋呢份堅持。但唯一唔同嘅就係喺各種社會、經濟因素影響下，餐廳人流的確比起2年前少咗好多，希望大家快啲去支持吓，珍惜吓呢間咁有心經營嘅食店，野食質素真係頗高㗎🤤✨✍🏻 /丼瀛特上築地壽司杯▪️價錢：HK$268▪️美味指數：♥♥♥♥♥呢份係餐廳嘅優惠推介，上枱十分有氣勢，啱曬打卡！唔好睇佢細細杯，其實個杯都裝到唔少野㗎，面果層係刺生，下面果層塞滿飯，好飽肚㗎～架上共有7杯，杯杯款式唔同，包括鮮甜赤蝦、肥厚三文魚腩配三文魚籽、時令魚、惹味芥辣八爪魚、蔥吞拿魚腩配海膽、2大粒帆粒貝、松葉蟹2本爪（蟹肉拆碎）配蟹膏，真係超級豐盛，相信可以滿足你味蕾👅✨✍🏻 /山椒唐揚雞翼（2件）▪️價錢：HK$28▪️美味指數：♥♥♥♥♥呢份有1件雞槌同1件雞中翼連雞翼尖，外面有一層脆皮，雞翼醃得入味，成日滿腦子炸雞嘅人必試😆✨✍🏻 /什錦天婦羅▪️價錢：HK$78▪️美味指數：♥♥♥♥♡咁嘅價錢有3隻蝦，同埋冬菇、南瓜、茄子、紫薯各1件，真係幾抵食！而且外層炸粉唔會好厚，但食落又好香脆👍🏻✨✍🏻 /吉列廣島蠔

上堂前突然口痕，上堂前就嚟食一食日本野🥳餐廳位於觀塘駿業街，附近有好多辦公室大廈同埋工廈，未入到門口已經見到滿滿嘅文書，背景仲播住 “Do you hear the people sing”嘅純音樂🙈我哋叫咗一個刺身盛同埋兩個是日推介🙈季節空運五點刺身盛 ($398)今次嘅季節限定係每朝六七點空運到港既飛機魚，半條份量都幾多，薄薄一片啱啱切好，最鼓勵嘅食法係未食其他刺身之前食，同埋千祈唔好加Wasabi！食落去真係好新鮮，不過小心放耐咗嘅話會開始有啲腥腥地😪其他刺身包括油甘魚、帆立貝、三文魚同赤蝦等，件件刺身都厚切，食落啖啖肉，超新鮮！尤其推介帆立貝同三文魚，有驚喜！仲附上唔同嘅醬料，包括一個酸酸地既日本特製汁、辣辣地嘅蘿蔔蓉等，自己覺得刺身點埋落日本汁嗰度好開胃，同埋會食到意想不到嘅新鮮度😆其實價錢唔算特別平，但係食到咁新鮮嘅刺身感覺都抵晒🤩🤩海膽熔岩 ($48)就咁睇個名未必知係咩嚟，一上菜都仲有少少迷惑，其實黑色嘅外皮係墨魚丸🦑切開後有四件，鮮甜嘅熟海膽喺魚中爆出嚟，好似座火山咁🌋食落有種微妙嘅感覺👅山椒唐揚雞翼 ($28)兩件雞翼配埋旁邊既沙律，上菜時仲脆卜卜熱辣辣，脆皮帶點山

甚小黎觀塘，今日接妹妹放工就順道食埋日本野。呢間店外觀似小店，實際面積都幾大，而且食物賣相都好吸引。首先就係刺身— 季節空運刺身盛。 首先試既係一盤刺身魚， 雖然唔知係咩魚，但擺法好華麗，魚身煙銀，有鮮味。帶子、 三文魚、 油甘魚都好厚，好新鮮，尤其是帶子，口感好綿。蝦就好多蝦膏，真係唔錯😍 唯一美中不足就係啲魚唔夠冰，可能因為係擺法嘅關係，但係口感係搭救左。另外叫左3個小食一個係 海膽熔岩，個名好得意。佢既整法有啲似炸物，炸左出面果層墨魚丸，入面有海膽， 口感特別，而我係第一次食熱嘅海膽另外叫山椒唐楊雞翼，辣辣地，似台式雞翼最後叫左炸廣島蠔，係我每次食日本野都必食！不過炸粉有啲厚。

第一次食呢間丼瀛 之前一直都係聽朋友介紹過食完既整體感覺係 平穩中有d 小驚喜啦 餐廳環境係唔錯既食物都上得快 叫完野無幾耐 就送左茶碗蒸黎 既然係送既 都唔會有太大期望 所以都係一般水準 蛋味濃郁既 唯一問題係唔夠熱 然後就係佢既主菜 丼瀛12 味佢樣樣野都唔差 元貝 鮑魚 蝦都係新鮮有鮮味佢既芥末八爪魚簡直係岀色 辣得黎都仲食到八爪魚本身既味唯一一個要批評既 係海膽！ 唔知係我地果日唔好彩定點 食落好苦 一d 都唔新鮮 然後就係最令我地覺得最驚喜既兩樣野 炸雞翼 同 海膽熔岩雞翼炸得好脆 味都調得好香口 有椒味得黎雞味都仲係到 而海膽溶岩 我地自己就估岀面果層應該係墨魚丸 佢同入面d 海膽係配搭得好好 兩者拎到既平衡都相當微妙～～總括而言 經過果頭 諗唔到食咩 不妨入去試下！