岩石牛扒屋 (已結業)

虹橋有好多美食小店 今次試下呢間西日餐廳 主打扒餐 小店牆身掛畫頗有特色 我地叫左兩個Dinner Set頭盤有玉子燒 帶子刺身同凍蝦🥚🦐玉子燒香甜 凍蝦就不過不失 沙律菜清爽 配麻醬 帶子令我好驚喜 厚身 新鮮鮮甜 好好食😋.是日餐湯係忌廉薯仔湯🥔 飽肚creamy 但略嫌打得唔夠細膩.岩石美國殼飼牛柳$188🐂🥩店員話煎到三成熟 附上鐵板 可以按自己喜好黎燒 又玩得又食得😁 牛柳唔韌 有牛味.岩石日本黑豚肉眼扒$208🐖🥩好厚身 香口 肉質鮮嫩多汁 扒餐有薯菜 味道不錯 伴碟有青口 略嫌size有點少 但青口下面既蜜糖芥末醬好好食🤩 用黎點肉一流 如果多d芥末醬就好啦🙈.跟餐有水果茶 飲落似荔枝味 有百香果粒粒同芒果肉 甜甜地 幾好飲.食扒有番一定質素都無乜可能平 小店要支持下 另外要讚既係店員服務態度好好 好nice 下次可以試下羊架😋

屯門有出名嘅凍肉舖，今日入完貨同個friend响附近搵吓有咩好嘢食...見到個名就覺得好堅...硬😆就入去試吓啦🙌🏼餐廳裝修雅地方又骨子，氣氛同燈光都配合得幾好，感覺好舒服💓我哋咗兩個set dinner🍴 🥗頭盤好豐富👍🏽有帶子大蝦玉子燒😋新鮮又鮮味！🥩岩石日本黑豚肉眼扒：厚切㗎！豬扒肉嫩多汁🍯香煎真係冇得輸，香口到不得了😋🥩岩石安格斯西冷牛扒：我鍾意食西冷因為比牛柳肉質有咬口！牛味會濃郁啲！相比肉眼仲冇咁多脂肪添😬啱晒我！上菜五成熟左右，會跟埋熱石上，想再熟啲同熱啲都任君選擇🥳有得揀先至係老闆咁話喎😜😜

紅橋一帶好多小店 今次同朋友嚟到呢間小店 食近期大熱既石燒牛 餐廳裝潢走西式酒吧路線 燈光昏暗幾有feel晚市套餐 包餐湯 前菜 主菜 水果茶 雪糕▪️是日餐湯羅宋湯 好重黑胡椒味 洋蒽煮得軟冧入味▪️和風玉子燒玉子燒幾有驚喜 入口軟熟濕潤 香甜幾重蛋香 中間無氣孔 唔會好似平時個啲咁厚實 ▪️帶子刺身沙律帶子刺身鮮甜 沙律菜新鮮無苦澀味 旁邊仲有我最鍾意嘅芝麻醬可以點▪️美式凍蝦估唔到凍蝦都會有調味 帶點鹹味 爽口鮮甜▪️岩石雪花牛肩甲 $238雪花牛肩甲上枱時 外層經微微煎香 旁邊有塊石 板 可以自行將牛肩甲放係石板上燒 燒至自己喜愛嘅生熟程度 牛肩甲入口重牛味 富油花帶咬口 幾juicy▪️岩石日本黑豚肉眼扒 $208黑豚肉眼扒厚身重油脂香 入口唔柴唔韌 有肥膏既位置都幾juicy 同牛肩甲一樣 旁邊都有唔少配菜 個人幾鍾意個薯角 炸得幾脆之餘 內𥚃實在軟冧 調味好足 幾啱重口味嘅我 青豆翠玉瓜爽口 日本番薯仔香甜軟冧▪️水果茶水果茶好香荔枝味 帶淡淡百香果香 甜度適中 飲到最後仲可以食埋入面既西瓜最後仲有士多啤梨雪糕泡芙外皮雖然唔算好脆 但係作為結尾都幾滿足