HeSheEat (白布街) (已結業)

聽聞這間餐廳以甜品聞名 很久以前試過一次 那時候沒有試甜品 感覺味道一般 今天決定再給它一次機會 看看是否只是偶爾失準意粉味道很淡 完全嚐不出墨魚味 完全沒想到它會是推介菜式 雞翼平平無奇 味道偏淡 不太嚐到蜜糖味 又不可以說是難吃 只可以說是另一失敗之作鬆餅總算為整頓晚餐挽回了一點分數 鬆餅乾蛋味香濃 搭配着蜜糖和焦糖醬一起吃 味道不錯 但沒有太大驚喜 感覺它好像比不上我在日本品嚐到的鬆餅的那種很鬆軟的質感 總結來說 以一間甜品店的角度來說 它的水準還算不錯 但以一間曾經獲獎的甜品店來說 它的甜品實在沒有太大驚喜 也有可能是其他甜品 例如窩夫心太軟等會更出色吧

週末要在旺角街頭找一間可以由lunch食到下午茶的餐廳， 找了找發覺he she eat的 在網上的評分非常高, 就決定在這裏和朋友 消磨一個週末的下午, 看看食物是否如網上所言。-照燒雞扒配意式蕃茄紅飯68雞扒煎香口，配合日式照燒汁，讓照燒汁的味滲入雞扒，雞扒外皮微酥帶有燒烤的香氣，配搭香甜的照燒汁，材料簡單， 配上微酸的蕃茄飯卻美味無窮。-he she eat漢堡 ( 三重芝士大啡菇薯條沙律配黑松露蛋黃醬) 128麵包有稍稍烤過的麵包，呈溫熱微酥，不會硬實實，牛肉漢堡煎至五分熟，肉汁多，配上 厚肉的大啡菇 ，再夾上生菜及蕃茄， 混和黑松露蛋黃醬 ， 美味無比 ， 最要值得一讚是， 不惜工本蓋上幾款芝士 ，很好吃。 另外還有大量的薯條即叫即炸， 用心製作。 沙律菜同樣很新鮮， 有效中和薯條的肥膩-岩鹽焦糖厚焗鬆餅 ( 岩鹽焗焦糖牛油雲呢拿雪糕) 62這裏的招牌甜品當然不能錯過， 鬆餅質感厚實，但其實是很鬆軟的， 即使不點任何醬， 也能吃到其蛋香濃郁， 配上岩鹽醬， 整件鬆餅的層次更上一層樓。 再加埋雲呢拿雪糕， 鬆餅的溫熱， 來一趟冰火二重奏，prefect-士多啤梨藍莓窩夫這份甜品

琴晚同朋友第一次去HeSheEat 旺角店, 好驚喜的一餐，值得再去！本身以爲無得BOOK 位，諗住去到要等好耐，點知大約十分鐘就有得入去喇。我地入座果時夜晚七點半左右，店員話限時90分鐘.入到餐廳覺得裝修都算modern，雖然唔算好新净，但環境都不過不失啦。我地一行五個人即刻點餐，打開MENU 都見到好多甜品好吸引！但我地都忍住口，叫左主餐先~ 總共叫左三個主餐，兩份小食~食物好快送到黎，賣相樣樣都好唔錯，相當有驚喜~講真，黎之前其實無咩大期望，諗住試下新餐廳~ 但食左幾個主菜同小食都覺得好有水準，份量適中！最後當然要叫甜品啦，超級推介焗鬆餅！好好好好味=)我地食左2個鐘，店員先提示我地夠時！今次晚餐都算好滿意噢~

呢日同男友又去左行信和~行完要食晚餐了,,睇openrice發現原來旺角都有間HeSheEat!之前喺銅鑼灣食過一次,覺得好好食呀!就去食佢可能今日係平日,雖然入面都多人,但未多人到要排隊,都仲有位, 唔洗等呢間店原來有兩間樓嫁!喺樓梯望落樓下, 好靚~好! 睇完menu,我地決定叫返上次食過, 覺得好正嘅春雞黑松露意大利飯($128),同蟹肉蕃茄牛油果沙律($95)。然後再叫左海鮮意大利飯($140),是日精選餐湯($52),甜品就叫左拖肥果仁心太軟($62),岩鹽焦糖厚焗鬆餅($62)。是日精選餐湯($52)係個野菌湯來~再配一個餐包~嘩!真係唔係講笑,個湯超級大!!!仲大過平時去快餐店食麥皮餐碗麥皮抵飲呀!個湯好香菇味外,仲有陣陣蒜香~好飲!個餐包我唔知係咩包來呀!幾有咬口, 有油醋點, 都幾好食!蟹肉蕃茄牛油果沙律($95)呢個係上次喺銅鑼灣食過覺得好好味嘅!個圓形呢, 係主角, 有4層,最底係好smooth好滑嘅牛油果,然後中間最最厚個層, 係蟹肉!係滿滿嘅蟹肉!!然後上面仲有好fresh嘅蕃茄粒粒,最上仲有d魚子醬!放上塊麵包上面一齊食, 真係冇得頂!d菜都好新鮮, 配黑醋

一直都好想試HeSheEat今日終於俾我試到🤗餐廳有兩層 樓下隔離有機器運作緊會有啲嘈座位闊落 裝修簡潔 職員都好Nice🙋🏻‍♀🐤🍲春雞黑松露意大利飯 $128有半隻春雞大大舊 內質鮮嫩唔會太乾 外皮脆卜卜 黑松露味好香濃 Risotto軟硬適中 有咬口Creamy 唔算多飯啱啱好🍗炸雞翼配韓式辛辣醬 $52雞翼比想像中大舊 炸得好香口 外脆內嫩 好厚肉🤓 肉汁好滋味 唔油膩 雞翼皮有沾上辣椒粉好夠味韓式辣醬唔會太辣酸酸地啱啱好 整體拍得住脆香雞翼🥞岩鹽焦糖厚焗鬆餅 $62鬆餅面頭有塊半溶牛油 配有兩款醬 食落似係楓糖同焦糖 再加一球雲尼拿味雪糕🍦Pancake好軟綿線 有濃厚嘅蛋香味微熱嘅pancake配搭雪糕口感好正😋😋楓糖醬同pancake絕配 兩樣夾埋勁好食Pancake真係好好食不過有啲貴👉🏻👈🏻

呢間甜品店，其實好幾年前中學時代朋友已經帶我黎食，之後一直都冇再去過，今日黎到呢到重捨舊時光。黎到裝潢都冇咩改變，都係同以前一樣。叫個燒美國牛肉胡麻醬沙律。份量都ok。我中意佢個擺法，牛肉咁放好靚夠美感。牛肉肉質好，味道係牛香中帶點油脂，比例剛好，吾會太乾搞到好似肉乾加食草咁。配埋其他雜菜剛好，呢到仲特別，配上切到長方的白蘿蔔，本身煮得好入味，清甜多汁，食沙律都真係開到胃，吾係平凡的沙律！小食超想叫呢個炸蘑菇釀雞肉！至愛！點知…！…. 黑仔是我！最後一份都岩岩賣哂，店員同我講只有無奈接受…. 最後逼住叫炸雞翼韓式辛辣醬。呢個吾係吾好，而係普通左d囉😭同埋成日覺得雞翼好平，自己屋企食幾多都得，吾洗係出面叫又貴又少，食到就住就住。😫個雞翼我放左好耐先食，都好脆，個皮係同雞翼會分離個種，值得一讚，係入面，係超juicy! 好少有，雖然平時有d都會係juicy，但呢個真係最juicy既，d汁係直頭標出黎咁款！不過本身就冇咩味，好淡，即使個醬都好稀，吾係好稠個種韓式辛辣醬，稀d就方便倒上去一齊食，不過一齊食都吾係太重味。之後就叫虎蝦意大利飯同HeSheEat漢堡主菜，其實都多人，估吾到最快上係虎

由甜品起家的熱點HeSheEat係旺角開業多年, 一直人氣未減而且經常入選OPENRICE人氣十強。老婆好鍾意去呢度食晚餐, 除左因為呢度主菜同甜品款式選擇多之外, 食物高質而且價錢仲非常貼地, 平均每餐每人食埋甜品都唔駛$200, 所以我地逛旺角好多時都係呢度開餐。我地今日放工約埋住係附近嘅表弟直接到HeSheEat等, 雖然未到晚市繁忙時間, 不過客人都已經好多, 7點之後就開始要等位。餐廳有兩層, 座位唔太多, 感覺寬敞舒適，裝修設計富有工業風格, 幾有格調。我地3個人點左兩款小食, 意粉同意大利飯share, 加埋甜品應該好夠食。😗炸蘑菇釀雞肉配黑松露蛋黃醬 $68HeSheEat小食選擇唔算多, 以炸物為主, 好啱我同表弟嘅口味。呢款炸蘑菇釀雞肉外層香脆, 蘑菇雞肉好Juicy, 沾上黑松露蛋黃醬食, 非常惹味。😋炸雞翼韓式辛辣醬 $52雞皮炸至非常鬆脆, 雞肉仍然鮮嫩多汁, 配上酸酸辣辣嘅韓式辛辣醬, 味道清新醒胃。😊墨魚汁魷魚扁意粉 $108老婆好鍾意食墨魚汁意粉, HeSheEat嘅墨魚汁扁意粉帶有少少辣味, 蒜味比一般淡, 魷魚口感爽滑彈牙, 味道唔錯。👍黑松露大蘑菇

兩年前生日飯食過一次呢間野，覺得都唔錯，試左兩款甜品only近日見到FB介紹佢搞甜品放題又見到個fd的挑戰post(食左7個甜品)，鍾意食甜品的我又點可以錯過丫由於活動就來完結，我地7點左右去到就見到條長龍大約有20人。等左一個鐘有多，終於入到去喇我地應該係最後一round。極速點左個dinner combo之後就order甜品，今晚甜品先係主菜丫每人要點一個main, 我地就點左呢個二人份的意粉。驚太辣，叫佢少辣見到隔離枱的一人一個main,份量之大，都唔知點食甜品。好在我地叫左呢個，份量啱啱好牛油味好香，又多蜆喎，食到舐舐脷丫有驚喜快速食完個意粉，第一個甜品上枱本人唔鍾意食心太軟，但呢間整得幾好味。個流心有質感，唔會太稀，好似水咁。而且個拖肥sauce加上rum味的雪糕，好match丫有個小插曲。早早order左個拿破侖，但好耐都未來。咁咪追下佢囉。。。點知佢以為我地落order，就同我地講話賣曬個心即刻沉左後來過左一陣，又拎左來喎。原來我地order嗰個整緊拿破侖我覺得最重要的係佢個酥皮。呢間的酥皮未夠酥脆，但都ok的。吉士cream唔會太甜本來想食檸檬crepe的，但賣曬就叫左

上次試過銅鑼灣分店的高質西餐，這次到比較近的旺角店一試。這間店有兩層，大部份人都選擇坐上層，可從高處向下看街景。這裡的餐牌較銅鑼灣舊得多，也許是開業多年又顧客甚多的緣故。餐牌雖舊，但毫不影響食物的質素。這次友人終於從大病中痊癒，到不了銅鑼灣，就到旺角的HeSheEat吧!先選一個套餐，跟鄰座點原板海膽意粉配温泉蛋($148)。這是廚師推介，想必不會差。海膽份量足，最近我不好吃海膽，友人幾乎把整碟吃畢，只留少許給我，說海膽雖小但新鮮。聽到這句話我很滿意，總算沒有亂點食物給他。意粉刻意弄得較淡，為的是加入咸海膽。意粉帶嚼勁，加上新鮮温泉蛋攪拌，整碟變得很嫩滑。海鮮意大利飯($140)。個人比較喜歡這個飯，海鮮多，飯煮得軟稔入味，有入口即溶之感。如不吃甜品或點飲品，點這個飯會較好吃。再點青蘋果焦糖合桃蜜糖芥末醬沙律($95)，青蘋果的鮮、蜜糖的甜、帶子的爽、合桃的脆，鮮甜爽脆。以蔬菜類為主有點貴，但在味道上不錯。各種不會口感味道的材料混在一起，卻有一種清新感。炸磨菇釀雞肉($68)，最好吃的一道菜，難怪這麼多人點。炸得鬆軟，炸粉不會太厚，內裡以磨菇為主，雞肉為副。不吃其它東西也要吃這個，上桌

同男朋友係旺角睇完戲，晏就2點幾有小小肚餓，又心思思想食下甜品，就去左HeSheEat！舖位唔大，但有上層，上層座位比下層多，座位之間不會太迫，燈光柔和，坐得舒服。岩鹽焦糖厚焗鬆餅食過幾次都keep住水凖！焗得剛剛好，外脆內軟，真係好鬆軟！配焦糖＋雪糕或者牛油＋糖漿一齊食，都係咁match！每啖都感覺好幸福！唔會太甜亦唔覺膩，高汁厚底pancake！炸雞翼韓式辛辣醬點多個小食，揀左炸雞翼。個醬係酸酸辣辣，老實說沒什麼驚喜，是預期內的味道。反而雞翼本身已經醃得好夠味！唔點醬已經好食，加上炸到外面好香口，肉質仲keep住嫰滑！

岩鹽焦糖厚焗鬆餅 $62 + 炸粗薯條配酸奶酪及泰式辣醬 $48 自從有一次個朋友介紹左我食佢個鬆餅之後，我每一次黎都一定會叫。1. 岩鹽焦糖厚焗鬆餅 $62 鬆餅本身整得好鬆軟，好鍾意佢嘅質感。-佢個焦糖醬係重中之重‼️甜度適中，配上鬆餅真係好好味。咁細碟醬又點夠我食晒成個鬆餅，唔夠醬可以問staff refill 。-最好味嘅食法係雪糕+ 鬆餅+焦糖醬。-如果加埋楓糖漿就會甜得濟，所以將佢放埋左一邊。-2. 炸粗薯條配酸奶酪及泰式辣醬 $48 佢嘅薯條又係必叫!! 同平時食嘅薯條有少少唔用，薯炸外層應該加左炸粉，令薯條更脆更有口感。食落好似m記扭扭薯條咁。-酸奶酪個味唔出（淡到好似冇味咁），我覺得點泰式辣醬好味d。-回頭指數：9/10-Ig: myfoodmylife4

He she eat 最近推出了超值的午市套餐。身為一名吃貨，怎能錯過這機會呢？當然要帶其他朋友一起來吃美食啊～Lunch set 包括餐湯/沙律、主菜、甜品和飲品，$68 沒有加一，比平日單點便宜得多。先來沙津。我走了醋，因為我是那種喜歡乾乾的吃蔬菜的人。（怪胎XD) 生菜很新鮮，車厘茄鮮甜多汁，為這一餐作健康清新的開始。接下來便是既邪惡又美味的主菜— 三文魚刁草檸檬忌廉扁意粉。意粉上灑滿了芝士薄片，又有柔滑的忌廉和粒粒香氣撲鼻的蘑菇。煙三文魚又厚又有嚼勁，教人食指大動。刁草檸檬令這意粉昇華，因為清爽的酸味釣出了三文魚的鹹香。凍檸檬茶比我想像中大杯，檸檬的酸、糖漿的甜和紅茶的甘為我帶來冰涼透心的享受，可以在酷熱的天氣下消暑。最後是果醬奶凍。奶凍的奶味香濃，質感滑嫰，伴著草莓果醬一起吃，真的非常可口。吃完意猶未盡，如果份量大一點就好了。女生甜品胃終究很大，奶凍滿足不了，於是我們點了其他甜品。這個岩鹽焦糖厚焗鬆餅非常厚實，上面有一大塊牛油，旁邊由左至右放著雲尼拿雪糕，糖漿和岩鹽焦糖醬。整體味道不錯，但也沒有驚喜。這個綠茶心太軟深得我心。心太軟有濃醇的綠茶味，切開便有綠茶流心湧出，甘甜中帶

上次去完銅鑼灣間分店，儲左5個印花今日又泥到旺角分店旺角呢間分店環境麻麻，招牌唔顯眼，舖頭內得幾張枱我地點左2個tea set, 一個HeSheEat漢堡同埋用印花換既岩鹽焦糖厚焗鬆餅先泥既係tea set既蕃茄羅勒煙肉壓扁意粉，太肚餓啦唔記得影相，味道ok, 可接受之後泥既係HeSheEat漢堡，賣相好得一咬落去就有肉汁，加埋d 薯條好好味之後就係炸魚薯條薯條同漢堡既一樣炸魚好滑啊食食下終於有兩個tea set既飲品又靚又好飲最後就係岩鹽焦糖厚焗鬆餅啦上次食完回味無窮

吃完飯經過，想去吃個甜品而已。* 岩鹽焦糖厚焗鬆餅（$62）每次來必點之一，岩鹽厚鬆餅非常鬆軟，熱騰騰加上冰凍雲呢拿冰淇淋、焦糖醬和糖漿，真的好好吃，一冷一熱，感覺好幸福。* 燕麥乳酪奶昔（$42）這個很有驚喜，喝下第一口是即溶燕麥片，後來才有乳酪的味道，不加Cream更好，加了有點太甜。* Oreo 奶昔（$42）相比這兩個就沒什麼驚喜了，只是普通簡單的Oreo奶昔而已，也是不加Cream更好，因為本身有點甜。

年初三晚時，去完親友家拜年食晚飯後，四個人突然之間好想食甜品，咁啱行開HeSheEat唔多人排隧，就就試吓，其實小妹第一次食，初初以為佢剩係食甜品，點知原來除咗甜品，都仲有幾多其他嘢揀！但嗰晚係想食甜，所以吃了4款甜品，大約等10分鐘左右，各款甜品已陸續上枱，係個鬆餅比較慢，要等大約25分鐘以上，但食完後，覺得係值得等的，因為整體嚟講，4款甜品都好味，唔算甜到漿曬口嗰隻，就算食完飯食，感覺都唔會話好漏，同價錢適中，唔算話貴到飛起，但唔好食嗰D！可以再番啅！同埋佢有一樣嘢好，唔限時！