十三少酸菜魚 (已結業)

🐈：未行奧海城都已經搵定埃華街嗰邊有咩食🤤，個邊其實都幾多選擇，今次就揀咗呢間。其實好方便，經商場一條天橋直行就到！要食好嘢就冇得懶🥳。———————————————🌟川式口水雞 $𝟽𝟾推介‼️我地揀左中辣，個汁好惹味特別💕，我覺得佢應該落左豆瓣醬。整體唔同平時食開一味得辣同鹹既口水雞，佢係會再有啲麻香味，而且隻辣會再慢慢滲出黎，搞到好快就食哂啲雞同飯🤣。雞既份量算多，雞新鮮多肉又滑，值得一試👍🏻！𓂀推介度：9/10_🌟蒜泥青瓜 $𝟸𝟾齋睇賣相以為味道會又淡又寡，但原來都幾入味，又唔會好鹹，粒粒生蒜既味好出🥰。𓂀推介度：7/10_🌟椒麻皮蛋 $𝟹𝟾粒粒都好晶凝通透啊😍😍，唔係黑蚊蚊既皮蛋，食落都特別開心。蛋黃特別滑，個汁都好惹味，汁底係偏甜，加埋上面既辣椒同皮蛋本身獨特嘅味道，好有層次感👍🏻。𓂀推介度：8/10

作為酸菜魚既愛好者，當然會係香港試唔同家既酸菜魚啦，今次俾我同朋友搵到一間新開又好好味既酸菜魚。呢間主打食酸菜魚，所以除左酸菜魚之外，其他菜式並不多，我地共4個人，叫左勁量版既十三少酸菜魚，普通版就for一至二人食的，另叫左一碟口水雞、鮮魚湯浸時蔬同紅糖糍粑😋酸菜魚（勁量版）$298一上菜超大盆，非常香，急不及待先飲啖湯，哇，果然好飲，味道不會過酸又唔會嗆辣，魚肉很新鮮不會過散，啖啖肉無骨，也沒任何腥味，墊料有些菇，菇都好入味！川式口水雞（$68）口水雞不會過油膩，有香香的芝麻味，雞肉都夠凍，個汁辣辣地送飯一流！鮮魚湯浸時蔬（$48）食左咁多肉都想食番d菜中和下，原來呢個菜都有驚喜，個人喜歡浸時蔬多過炒時蔬，怕太油膩，呢個用埋魚湯去浸，令蔬菜變得更加好味，上面都有菇同蒜粒👍🏻紅糖糍粑（$38）呢個真係必食，當作一個甜品，喜歡糍粑煙煙韌韌的感覺，熱食會更加好味，玩埋唔會好甜既紅糖，perfect match!總括嚟講，呢間酸魚菜我會再翻桌，難得搵到間好岩口味既酸菜魚，到晚餐時間都滿座，唯一缺點就係唔太就腳，搭巴士會近點，下次再帶朋友去食。

已經好一段時間唔敢北上搵食，最懷念嘅就係酸菜魚，要喺香港搵到可以媲美太二嘅酸菜魚真係唔容易，朋友屋企附近開咗間新店，知我鍾意食酸菜魚，誠邀我一齊去食。餐廳只有一張簡單嘅menu，選擇唔多，除咗招牌酸菜魚，仲有口水雞同浸翡翠苗，小食方面亦只有椒麻皮蛋同涼拌土豆絲。點完菜侍應為我哋送上小食，一問之下原來係粟米乾，食落味道有啲似爆谷，但口感似花生，幾香口。汽水十蚊罐，價錢尚算合理。怕只食酸菜魚份量會唔夠，浸翡翠苗同口水雞之間我哋揀咗口水雞，非常有驚喜！份量幾多之餘味道又香又辣，加上大量白芝麻，好香口！雞肉質感嫩滑，皮薄而且皮肉之間脂肪少，連皮食都唔會好心虛。酸菜魚份量都幾多，足夠兩個人食，味道同太二好相似。湯底香濃，既酸又麻且辣。酸菜又香又爽，淨食酸菜都別有一番滋味。魚肉切得夠薄，夾起唔容易散，入口又嫩又滑，充分吸收湯底嘅味道，令人欲罷不能！好開心搵到呢間酸菜魚，食物選擇雖然唔多，但貴在精，而且價錢公道，以後嘴饞嘅時候又多一個選擇。