天丼てんや

營業中

休息中

在日本已吃過好幾次天丼, 每次都非常滿意, 除了價格便宜, 而且天婦羅都脆炸香口。天丼一直過江龍來香港都未曾試過, 今天心癮想吃天婦羅就終於決定嘗一嘗。想不到隔了這麽一段時間還有不少人排隊, 令我更加期待! 所謂期望越大失望越大, 雖然整體味道不算很差, 但有對比更有傷害。巨星天丼 $87天婦羅有黑虎蝦, 帆立貝, 魷魚, 蟹柳, 紫菜, 本菇和四季豆, 靈魂醬汁雖然甜美但只加了少許。飯是用日本米煮出來, 所以飯是煙韌有口感的, 可惜主角天婦羅並不是處於十分脆炸的狀態, 當中紫菜和本菇是稍為出色的。茶碗蒸 $19蛋十分嫩滑, 味道夠, 唯一不足𥚃面只有兩粒豌豆, 一條蟹柳和少許蟹籽, 感覺好像比坊間的餐廳還要少配料。其實並不是很差, 只是跟日本的水準有太大出入, 就算不與日本比較, “金”都比這𥚃好吃, 希望它會再有進步吧。

TenyaShop G02, G/F, Maritime Square, 33 Tsing King Road, Tsing YiThe tempura had two tiger prawns, crab meat, eggplant, pumpkin and string beans, all of which were huge. I especially liked the tiger prawns and crab meat. The tiger prawns were so thick and meaty and so tasty.Tempura is crispy and not greasy, and you don't feel hot when you eat it.The rice is Japanese rice and it comes with a nice soy sauce.

朝早十點幾黎到青衣城人流一啲都唔旺可能因為過咗返工時間 又好多舖頭都未開朋友想食天丼 但佢開十一點半 ( ´▽｀)諗住落去睇下menu先 啱食先等 Btw 天丼 = 天婦羅 + 丼飯一睇到張menu 朋友就更加堅定再餓都決定等到11:30都要食佢我估丼飯同定食嘅分別係一個係一隻碗裝晒 一個分開來擺到11:30佢冇準時開門除咗我哋仲有一個女仔喺度等緊即刻對佢期望大咗( ´▽｀)海老穴子天丼 $85 👍🏾👍🏾👍🏾天婦羅有虎蝦、茄子、菇、四季豆、蟹柳見識少 唔知咩係穴子 都懶得Google朋友話即係類似鰻魚但係啲肉都冇鰻魚咁實 又平過鰻魚總之就係炸魚柳啦( ´▽｀)好得意連紫菜都有半塊係去炸咗巨星天丼 $82 👍🏾👍🏾👍🏾天婦羅有蝦、蟹柳、菇、四季豆、紫菜同上面嘅睇落就係少咗穴子同茄子( ´▽｀)基本上天婦羅都係咁嘅味 冇咩好講其實天婦羅脆唔油膩 食落都唔覺熱氣其實真係已經好好不過可能天婦羅太多 食到尾真係好漏。。。。所以好想講下兩個飯底飯係日本米 佢本身配左個豉油好正！個豉油係甜少少嗰種壽司豉油無論配飯定配天婦羅都好好食！明太子魚餅 $28 👍🏾👍🏾👍🏾魚餅部份比想像中厚不過咁樣個口感就比

去完迪士尼梗係近近地去青衣城坐低食嘢～今次就食呢間朋友推介嘅店內嘅座位唔算好多 我哋都要排咗陣隊先食到全間餐廳主打嘅就係天婦羅加飯或者麵 所以其實選擇唔算話好多▪️天婦羅冷烏冬定食 $78呢個定食嘅天婦羅有 兩隻虎蝦、蟹柳 茄子 南瓜 同四季豆🍤全部都大大件 特別鍾意佢嘅虎蝦同蟹柳 虎蝦好厚肉而且好爽口 絕對唔係品質差嘅蝦 重點係佢好大舊!!!😋 蟹柳一樣係大大條 咬落去係實肉嘅 而且好鮮甜 而南瓜雖然就薄薄一片 但係好香甜😍 茄子都好爽口同清甜🫶🏻 烏冬都好煙靭彈牙 加入鰹魚汁 就係平時食開嘅味道😍但係佢個鰹魚汁偏淡 落晒全部都冇乜味 最後要加豉油▪️巨星天丼 $82天婦羅配飯～ 呢個嘅天婦羅有虎蝦 菇 魷魚 蟹柳四季豆 紫菜😍比起定食更加豐富 每一件都好大嚿同炸得好鬆脆😍 份量多到見唔到啲飯～佢哋用嘅係珍珠米 係日本嘅味道🤤✌🏻▪️和麻糬 +$16牛奶味嘅麻糬🍼 識落唔會好甜但係會食到牛奶嘅香味～加入芝麻椰絲同花生碎 更加好味😋不過口感方面有少少失望😢佢個口感食落似奶凍多啲 冇乜麻薯嗰隻煙韌同軟糯口感😢 好味指數：7.5/10抵食指數：7/10推薦指數：8/10回頭指數：7/10

呢間天婦羅飯，原來同元朗YOHO個間係一樣，有飯/麵餐選擇🖐🏻 麵類有烏冬/素麵/蕎麥麵～仲要全部$100樓下😭 質素高！宇宙的味道！🍚個人推介食飯的配搭😋珍珠米撈秘製豉油很讚，少食飯的我都食哂！🍄本菇咬菇好似肉的口感，🦑唔爽馬馬地！🍤天婦羅海老大大隻，有手掌咁長，係虎蝦！❤️‍🔥全部熱辣辣上菜，仲有麵豉湯送，大滿足！🍱 圖一：淺草海老天丼 （$78）虎蝦x3、紫菜、四季豆、茄子🍆🍱 圖二：巨星天丼（$82）虎蝦、帆立貝、本菇、紫菜、四季豆、魷魚🦑

天丼 Tenya天丼喺全日本最多分店嘅天婦羅丼飯專門店。記得以前每一次去日本旅行，都會特登去食返一餐，真係好好食😋自從2018年，天丼喺青衣開咗第一間香港分店☺️唔使去日本都食到美味天婦羅丼飯。天丼食材、飯、醬汁，全部由日本進口，開業初期仲特登請日本師傅過嚟控制品質，完美還原日本味道！——————-巨星天丼 ($82)我差唔多每一次都係叫巨星天丼🤣因為佢啲食材全部都係我最鍾意。天婦羅包括黑虎蝦、帆立貝 、魷魚 、蟹柳、紫菜、本菇 、四季豆。炸漿薄薄地一層，入口香酥，食材依然保留原有鮮味，好味😋唯一挑剔，我覺得飯量偏小，次次食到70% ，D飯就冇哂，如果可以多飯就好啦🤣$82呢個價錢我覺得都算抵食。———————而家香港都好多唔同既天婦羅丼飯專門店。以味道、價錢、環境，我依然會推介天丼。尤其是當你唔想食完個天婦羅飯，成身麻油味，你試下去葵芳新都會嗰間天婦羅飯專門店食過你就知我講咩😉天丼青衣店不設訂座/攞飛，要排隊等位。用餐要比啲耐性💁🏻‍♂️

平日夜晚差不多8點都排咗15分鐘左右 但食完好失望都唔係新鮮整好的🙍🏼‍♀️🍚巨星天丼($79) [😋4.7/10]+華味鳥雞寶🐔 2件($18)黑虎蝦 帆立貝 魷魚 蟹柳 紫菜 本菇 四季豆呢個價錢有7款餸其實幾抵食! 帆立貝size都大隻同埋juicy 蟹柳亦唔錯大大條 粉唔會過厚😌 不過天婦羅基本上都整得唔脆唔熱 其餘都唔好食 蝦好淋炸粉好厚一啲都唔鬆脆 本菇既粉又係超厚又超淋呢個咬落好油添🤢 醬汁甜甜地加分🍚上天丼($63) [😋2.6/10]+鱈魚🐟($12)黑虎蝦2隻 蟹柳 蓮藕 茄子 四季豆一樣 蝦好淋唔脆 蓮藕 茄子 四季豆 都只係蔬菜無咩特別 鱈魚ok的不過有啲薄 醬汁搭夠撈飯🤧—————————————————————😋 味道評分: 3.9/10🥳環境評分: 6.8/10🤑性價比: 7/10🤩回頭度: 3/10—————————————————————📍 天丼青衣青敬路33號青衣城地下G02號舖分店元朗元龍街9號形點一期地下G009號舖

日本連鎖天婦羅店Tenya想食呢間好耐。成日都見勁多人排隊，終於試到啦👽👉Menu有飯同蕎麥麵揀，咩都想試。飯桶🤚😬叫左巨星天丼🍚🍤🍄呢款丼有齊蔬菜同海鮮👉黑虎蝦、本菇、魷魚、青森縣帆立貝、蟹柳、四季豆同紫菜。即叫即製大約等左15分鐘🤤天婦羅炸得酥脆唔油膩。 炸物冇乜調味，可以食到食物本身既鮮味。靈魂係佢嘅秘製醬油☻甜甜地配珍珠米或點炸物食都好正值得讚係虎蝦好彈牙😬👍跟餐配麵鼓湯❤豐富滿足

本人喜愛日本除左鍾意佢地既風境外，更加欣賞佢地既人民對所有野既堅持💪🏻。日本人對食物要求好高，永遠都不會令人失望今日睇左場日本戲，咁睇完硬係要食返d日本野🍱，去左日本炸物人氣連鎖店～天丼餐牌同日本都大同小異，還可追加其他配料我就選左個巨星天丼($79)，而細妹就選左一個普通天丼($49)。巨星天丼內炸物有～黑虎蝦、帆立貝、魷魚、蟹柳、紫菜、本菇和四季豆。當中黑虎蝦新鮮唔在講，本菇更值得一讚天丼內炸物有～黑虎蝦、魷魚、鱚魚、茄子和四季豆。一路食一路都感覺到好有日本味道除左用料和味道外，店內的裝修都令人感覺好舒服。而且店內更有日本青森出產的米出售，4kg都只是$178，相當抵買現在還有限定～青森天丼，可惜我臨走先見到，希望有機會可試一試Aomori既米👍🏻*店內有加一服務費

難得去到青衣必定要試下朋友高度推介嘅 天丼👏🏻-我地一行5人都排左大概半個鐘隊舖頭唔大 但環境淨潔光猛我叫左79蚊巨星天丼 加12蚊要埋半熟日本蛋😋巨星天丼有 黑虎蝦 帆立貝 魷魚 蟹柳 紫菜 本菇 四季豆食物質素真係好好天婦羅雖然係炸 但完全唔會影響食材本身嘅味道每一件都好好食 好新鮮我尤其中意個帆立貝 出面嘅酥炸加帆立貝嘅口感同味道新鮮得黎好有層次👏🏻-半熟日本蛋我加埋入飯撈埋食都好出色 日本米加半熟蛋 你明啦😋再加上店舖醬汁倒上天婦羅同啲飯上面岩晒重口味嘅我哈哈 好豐富嘅味道❤️

平時經過天丼見好多人排隊就會放棄，今晚夜一夜到左青衣城，去到見無咩人排隊唔駛等，所以決定去幫襯。餐牌簡單得兩頁圖文並茂，美食選擇有限，以天婦羅為主，天婦羅整得水準不俗，論價錢和美味度，真係覺得物有所值，好抵食。巨星天丼 $79(黑虎蝦、帆立貝、魷魚、蟹柳、紫菜、本菇、四季豆)天婦羅炸漿粉唔厚而且炸得鬆脆，黑虎蝦大隻爽口彈牙，紫菜出奇地炸到脆卜卜，魷魚軟淋淋好嚼，本菇爽口仲有水份，食完唔覺油膩，好味。華味鳥天丼 $68(華味鳥雞肉、華味鳥雞肉丸、蓮藕、四季豆、溫泉日本蛋)半熟流心蛋加醬汁撈飯好好味，飯粒粒分明，雞肉雞肉丸都好夠味，蓮藕片薄脆，整體味道OK。麵豉湯 跟餐麵豉湯味濃好夠味，湯裡好多大蔥，唔錯。

香港人很有食福，又一日本餐廳進駐香港，日本人氣天婦羅連鎖餐廳「天丼」進駐青衣城，下午六時開始已經排長龍，香港天丼和日本的不同，日本是自助形式叫餐，而香港是有侍應招待的，大約等了半小時便有得吃，餐牌簡單主要食物為天丼定食、天婦羅蕎麥面定食（冷/熱）、天婦羅烏冬定食（冷/熱）。餐廳所有食品是即叫即做的，落餐大概10分鐘便有得吃，我們點了一客巨星天丼，包括有黑虎蝦x2、帆立貝、本茹、魷魚、蟹柳、紫菜、四季豆，天婦羅滿滿的盛載在飯面上，很有份量，還點了各一客天婦羅蕎麥面熱食及冷食定食，天婦羅的炸醬很薄很脆，沒有油膩感，白飯配上日本醬油（任落），怪不得開業一年仍然那麼多人排隊幫襯。

阿娘放假冇住家飯食，一個人食唔想煮，但又唔想食茶記、快餐店、車仔麵、米線... 於是，搭車去遠D搵食😆上次約朋友食飯，已經想試這間天婦羅丼飯店，但看見門外的人龍就怕怕，難得一個人，應該較易有位。星期一的晚上，六點幾到達餐廳，店內差不多滿座，而門外亦有數人等位，等了一陣，好快就有位。餐牌有兩個，一個是丼（附送麵豉湯），另一個是定食（可配白飯、蕎麥麵，素麵或烏冬），除此之外，亦可追加各式天婦羅。原本想食期間限定的「青森天丼」，但已經售罄，於是選了其中一款人氣熱賣 - 巨星天丼。巨星天丼的材料很豐富，包括虎蝦、帆立貝、魷魚、蟹柳、紫菜、本菇及四季豆。虎蝦：肉質尚可，但味道略淡帆立貝：size適中，味道不錯魷魚：淡而無味，唔翻睇餐牌，完全唔知係魷魚蟹柳：味道最好，加上啖啖肉，好味紫菜：紫菜上有一層疑似魚肉，都算脆口本菇及四季豆：炸蔬菜，蠻有驚喜，食到蔬菜的甜味白飯：珍珠米配上天婦羅醬汁，很惹美，身為專業飯桶，覺得這碗飯少了一點，如果多三分一就好（當然可以追加白飯，但我會選擇追加天婦羅😆）Ps. 餐廳冷氣充足，等待食物期間，略嫌太凍，要不斷飲茶保暖。

天丼剛開業時大排長龍，一直想試！今日難得平日，比較少人，排6,7個就到了😋店裏的茶是玄米茶，很好喝呢！Menu有很多選擇，我們從menu選了兩個店舖推介的定食，巨星天丼和天婦羅烏冬。天婦羅🍤的確做得不錯，除了經常可以吃到的蝦、茄子外，還有天婦羅豆角,紫菜,魷魚,金菇,蟹柳等。想不到紫菜也可製成天婦羅呢！我點了白湯烏冬，有點味精味道，好像出前一丁豬骨湯，不過吃完沒口乾，應該只是味到相似吧！下次試試冷烏冬😋

星期日晚都好多人！6:45排到7:30先入到！但等位都舒服，有得挨下。巨星天丼乜都有，都幾好味，但個碗略嫌細左啲，男仔未必夠食。天婦羅蕎麥麵/烏冬個湯好正，係柚子底，有心機仲有一絲絲柚子皮鋪湯面，好清新，同會消左油炸天婦羅既飽滯。所有天婦羅整體都好新鮮好味，唔會太油，又熱辣辣。但正因佢唔太油，男仔食飯食麵都真係唔多夠飽，但青衣城物價黎講，呢度算抵食，食七分飽都健康呀！另加左天婦羅雞肉（$18）同溫泉蛋（$12）。