印尼餐廳1968 (已搬遷) 新店位置

中上環除左cafe外仲有好多特色良心店可以揀，之前食過呢間印尼餐廳嘅lunch set覺得幾好，假日再訪試佢地嘅招牌菜式，餐廳嘅佈置好有異國風情，聽講係以峇里島為主題，座位闊落，而且餐廳創辦人真係黎自印尼，夠晒正宗。雖然部分店員姐姐係外地人，但啲廣東話都好好仲好健談。🍽薯仔牛肉餅薯餅一客三件，新鮮炸起，外皮非常酥脆，內餡料嘅薯蓉幼滑，配一個少少辣嘅醬汁，但唔點醬都夠味。🍽印尼炒飯呢個炒飯好有水準，粒粒佈滿油光，以秘製辣椒醬、蔥頭同蝦肉炒成，加埋蛋汁一流，沙嗲濃郁有花生香，肉質唔鞋，不過塊蝦餅就有啲淋。🍽龍蝦椰汁喇沙喇沙係米粉同油麵摻摻，配魚片同豆卜，好香椰汁味，但整體較稀同淡，亦唔夠辣，龍蝦原隻裹上粉漿炸，但炸得耐左少少以致肉質較乾，呢款麻麻地。🍽醬燒牛舌（小）牛舌好厚肉，完全唔韌，醬汁濃厚，似日式燒汁咁甜甜地，屋企人好鍾意。🍽巴東牛肉（大）呢款應該係餐廳嘅招牌菜，牛肉燜到好淋，輕輕一咬就可將肉撕開，個汁好重香料味，辣得過癮，最啱用黎送飯，推薦！🍹菠蘿沙冰用新鮮菠蘿打到杰身起泡，食到少少菠蘿肉，所以價錢都相對較貴。P.S. 食物好有水準，仲係良心店，可以encore！

如果今餐要諗一個形容詞，就係嫩滑！開頭分別嗌咗三個餸，分別係：巴東牛肉、爪哇醬燒雞、沙嗲燒魷魚，後來再追加一個海南雞飯。食印尼菜，最基本一定要叫巴東牛肉，我諗印尼人煮巴東牛肉就等於廣東人嘅炆牛腩一樣咁基本。牛肉可以話用入口鬆化嚟形容，肉質煮得完全透心，完全沒有半點韌，雖然唔完全肯定醬料用咗什麼香料的組合，但就係非常惹味，係印尼食物嘅獨有香料味道！爪哇醬燒雞醬料嘅味道，其實同巴東牛肉嘅味道有啲相似，雞肉同樣非常嫰滑，細細力就可以將雞肉撕開，燒烤過嘅雞皮，喺滿滿嘅醬料掩蓋下非常入味！到沙嗲烤魷魚，同樣非常神奇，魷魚外面已經烤到好香口，但咬落裏面完全又係好嫩滑，究竟係點樣做到嘅呢？而今次配上一啲類似豉油再加咗佐料嘅醬汁，味道鹹鮮帶甜亦非常好味，食食吓竟然喺醬油裏面食到有蝦毛乾，非常有趣，就係鹹鮮味道嘅由來！最後口痕，叫多一個海南雞飯，雞肉同樣係非常嫩滑。講真，真係嫩滑到有啲悶，好似餸與餸之間除咗醬料味道唔同之外，口感就一模一樣，所以由開頭嘅驚喜，到最後有啲悶。佢哋嘅海南雞係冇骨嘅，但最驚訝嘅地方係，連雞翼都拆埋骨，會唔會太勁！？另外就係酸瓜，醃得酸甜好平衡，好爽口！正！碗飯亦有少少驚喜，有非

Lunch time時間，朋友介紹呢間，就黎左食。第一次食印尼野，原本真係無乜期待，因為唔知乜黎。上左菜，係好東南亞既食物。我叫左甜酸魚，因為本身好鍾意甜酸乜乜既食物。因為係散叫，所以叫左個黃薑飯。跟住一食真係不得了，個甜酸魚唔係食開中式個啲，佢甜甜地，加左啲未食過既醬料，好開胃，我平時唔食汁既，都忍唔住撈左飯食。個黃薑飯就真係好黃薑，好入味。啲味出得好均衡，出色。朋友叫左呢個巴東牛肉。可能岩岩食完甜野，一食咸，感覺無咁好味。但都係好味既。朋友配左個椰醬飯，個椰飯無想像中咁甜，我覺得比黃薑飯出色。呢一間一定再返兜。

餐廳環境佈置好有FEEL，很適合三五知己聚餐地方～開頭還以為哩間餐廳嘅食物會較FUSION口味，試過之後雖然說不上正宗，但係又冇好港式嘅感覺.喜歡東南亞風味嘅朋友一定唔會失望～

"落雨不怕，落雪也不怕，就算寒冷大風雪落下.........."，不只是星仔，也代表著香港人的意志！從前不太理會周邊發生的事情，突然一個寒風襲來的夏夜，改變了我對生命的態度。一年復一年，儘管今年分別是二十四和十六周年，那麼多年管治者對人民的要求方寸不進，香港人依舊只能用沉重的腳步來表達心裡的訴求！猶幸自己與其他堅持市民的意志，仍沒有被日漸倒退的管治磨滅得消沉下來。身子穿上膠雨衣、打著傘，不過鞋子就不保了，全濕透！在遮打花園聽過愛與和平三子的話，老公和我便離開，轉到中環 1968 用餐。1968 銅鑼灣的舊店，是當年 "Win Win" 和我為一睹店主三位俊朗的公子而去的餐廳，時隔多年，現在三位俊男想必已成家立室，榮升人夫與人父了！中環店空間感較寬闊，門口右手邊擺放了舒適的沙發座位，在柔和燈光的襯托下，真想將疲倦的身子躺下。沙發座位背後是酒吧，雖然當晚不見有食客坐著品酒，但當中仍存有不少紅、白酒與及威士忌。左手邊放置了高腳木檯和木椅，與沙發座位形成高低不同的層次感。第一道要來了亞參酸辣魚，愛其酸辣的味道夠開胃與醒神。亞參酸辣魚伴有茄子、青與黃的燈籠椒；魚塊厚身、滑溜，不過魚肉的層次感略遜

上一次吃印尼菜都不知是甚麼時候了。事實上，除泰國菜以外，我對東南亞菜都沒太大興趣，總覺得多是油膩、簡陋的「填肚食物」。人氣店吉利尼縱水準不俗也未改我的偏見，這間星級1968卻令人我對東南亞料理徹底改觀。這間米芝蓮食店原位於禮頓道，因鋪租翻3倍而搬至現址。舊店我未去過，而以我對其他印尼餐廳的印象，總覺得都是殘破老套。今天才發現其實大鄉里的是我。1968這間中環樓上鋪，裝修寬敞舒適，跟同區許多意、法餐廳氣氛無異，在場也的確有很多外籍顧客，摸摸杯底吃些小食，感覺挺不錯。星期四晚，這兒也十分旺場，要不是來的時間尚早，沒有booking的我們也未必有位。drink menu 平均約$50-60一杯酒精或非酒精，食物則約在$80-$120前後，食物份量也算慷慨的。以這地段這環境這質素的食物來說，一點都不貴。等朋友的時候先叫了飲品。我想我真的太久沒吃過印尼菜，看到「珍多冰」這名字竟就即時喚起我的童年回憶！小時候其實並不真的很喜歡，總覺得這飲品甜得太過份。今天來到1968，便決定借此特飲試試它的水準。珍多冰：測試結果非常驚喜！賣相已挺不錯了，層次分明，兩片薄荷葉在沙冰上，簡單精繳。椰奶香滑，而且甜度剛