影片
更多
2014-02-28
5770 瀏覽
繼早前拎住啲COCO嘅蛋糕上到老友家中小敘，我出蛋糕佢出啡，輕鬆閒聊咗一個下午。由於老友話上次打奶泡出咗啲問題，沖嘅咖啡未如理想，所以，再接再厲，兼且晌佢屋企附近嘅85℃買嚟麵包及蛋糕，又再一齊嘆嘆下午茶 。嚟自台灣嘅85℃，唔經唔覺都晌香港、九龍開咗好幾間分店，整體嚟講好評多過劣評，據講用料高質、配搭創意，故此，相信質素都有一定水平 ！老友一共買咗3款麵包，都喺佢個人心水之一，「專燈」買嚟等我試試，認真有心！有心！ 芝士小墨魚包 $5成舊炭咁嘅色水，喺加入咗墨魚汁做包，內裡有少少芝士，包面下咗蒜蓉，整體喺芝士味少，蒜味強 ，包身帶點煙韌，唔算好好食，個人只會評為唔錯。 雲彩芋頭包 $8.5 依個芋頭包倒覺得有心思，首先面層喺加咗香芋嘅酥皮，做成「雲彩」花紋，不過個包嘅香芋味主要喺嚟自中間嘅芋蓉，又軟熟，又粉香 ，而且，芋蓉中再包咗一細舊麻薯，口感認真多變 。況且，個麵包本身做得鬆軟，亦應記一功，值得一試嘅款式 。 藍莓布丁包 $5.5至於個藍莓布丁包睇就似喺幾靚，不過，入口就知喺普普通通，麵面喺一抹吉士，一抹藍莓醬，相間成趣，吉士味有蛋香，反而嫌藍莓醬偏甜。麵包
老友一共買咗3款麵包，都喺佢個人心水之一，「專燈」買嚟等我試試，認真有心！有心！
芝士小墨魚包 $5成舊炭咁嘅色水，喺加入咗墨魚汁做包，內裡有少少芝士，包面下咗蒜蓉，整體喺芝士味少，蒜味強 ，包身帶點煙韌，唔算好好食，個人只會評為唔錯。
雲彩芋頭包 $8.5 依個芋頭包倒覺得有心思，首先面層喺加咗香芋嘅酥皮，做成「雲彩」花紋，不過個包嘅香芋味主要喺嚟自中間嘅芋蓉，又軟熟，又粉香 ，而且，芋蓉中再包咗一細舊麻薯，口感認真多變 。況且，個麵包本身做得鬆軟，亦應記一功，值得一試嘅款式 。
藍莓布丁包 $5.5至於個藍莓布丁包睇就似喺幾靚，不過，入口就知喺普普通通，麵面喺一抹吉士，一抹藍莓醬，相間成趣，吉士味有蛋香，反而嫌藍莓醬偏甜。麵包嘅質感就如港式雞尾包咁，之但喺，五個幾銀錢就有一孖兩條藍莓布丁麵包，你仲想點？！
蛋糕方便，只喺順手拈來1款，話怕買得太多，驚食滯我喎，哈哈！大可放心，小弟掛名「山區」人，體力勞動多，郁動得多，自然都食得多。
巴馬臣芝士蛋糕 $19 老友話佢依個芝士蛋糕做得十分唔錯，有水準，都只喺賣$19。外形無咩花巧，消化餅底夠薄，又唔會太鬆散，而芝士部份好軟身，芝士味頗為香濃，啖啖芝味，啖啖濃郁 ，都真喺無介紹錯。
其實晌台灣旅行都有幫襯過85℃，都幾鍾意佢啲「拿鐵」，香港店仲未有機會去試，真喺要搵日幫襯吓先！
張貼
