阿爺燒鵝餐室

營業中

休息中

今日去開大圍探朋友，夜晚肚餓就要搵野食。行行下見到呢間好光猛嘅燒鵝餐室，搞到我好想食，就入左去啦。坐低睇左餐牌，佢有燒味飯餐，常餐特餐，仲有一二四人餐咁，主打就係唔同款嘅燒味。我哋揀左一個常餐同一個一人餐。常餐有叉燒湯意粉，厚多士同火腿配炒蛋。成個餐都好大份，多士有兩大厚片，整到好脆，好食。火腿同炒蛋就係一貫茶餐廳水準，而叉燒份量好多，加埋意粉食到好飽。而個一人餐我哋揀左燒鵝同貴妃雞，兩樣都好大份，水準好高，唔會太肥得嚟又好好食。另外我就將個飯轉左做瀨粉，仲有一碟油菜。瀨粉配燒味真係一流，油菜都大碟，唔係求求其上枱架。最後餐飲要左兩杯凍檸茶，好耐無係餐廳見到咁大杯嘅凍飲，要小甜小冰都有做到，要俾個Good佢！埋單一人唔駛90蚊，有機會可以試下！

大圍呢度新開一間由西灣河開過嚟嘅燒味店，到底有無特別呢？⁣⁣🤔⁣⁣⁣⁣阿爺燒鵝飯⁣（$53）［好味度：7.5/10］⁣⁣⁣⁣⁣⁣⁣⁣⁣⁣⁣嚟得依間叫做「阿爺燒鵝餐室」嘅地方食飯，點可以唔嗌招牌嘅阿爺燒鵝。😂 阿爺燒鵝唔係得個名，「阿爺」其實係講緊燒鵝的製法。😯 背後故事其實係慈禧搵點整燒鵝期間，竟然喺民間搵到一位老爺爺嘅特製燒鵝，所以就取名為「阿爺燒鵝」。👴🏻 所以呢個招牌燒鵝，入口的確聞到有好香嘅煙燻味，同出面嘅好唔同。💨 而且鵝皮超薄，減低油膩感覺。😋 肉質亦都細嫩，果然高質。⁣⁣⁣👍🏻⁣⁣⁣⁣⁣叉燒炒蛋飯⁣（$50）［好味度：7/10］⁣⁣⁣⁣⁣⁣⁣⁣⁣⁣⁣叉燒有好多舊，而且厚切，份量好足夠。👌🏻 再配上炒蛋，的確係絕配。🥚 叉燒肉質比較細嫩而淋，加上甜甜地，一啲都唔硬。⁣⁣⁣😌⁣⁣⁣⁣⁣常餐⁣（$40）［好味度：7/10］⁣⁣⁣⁣⁣⁣⁣⁣⁣⁣⁣除咗有一般嘅燒味同埋燒味飯之外，呢度亦都有賣常餐。🍴 呢個就有包括叉燒湯意粉，火腿炒蛋同埋牛油多士。😍 叉燒湯意粉可以試埋佢哋嘅叉燒，唔錯。⁣⁣⁣😬⁣