飲茶 (朗豪坊) (已結業)

非常傳統嘅爸爸最鍾意就係食中菜同點心，今年爸爸節就一於同爸爸去試吓呢間以「睇住流奶」為招牌嘅精緻點心中菜館！必食嘅「睇住流奶」真係睇得又食得，用筷子篤一個細窿睇住D熱辣辣流心奶黃流出嚟超治癒！我地仲叫左名為「一籠八戒」嘅叉燒包同「鴿吞鳳梨」嘅鳳梨酥。全部都好盞鬼好IG-able，Daddy Mammy對「鴿吞鳳梨」個雀籠更係愛不惜手，每人拎住影N幅相先捨得食。美中不足嘅就係佢一籠點心得三件，叫一籠四個人唔夠分，叫兩籠又太多。前菜嘅三杯醉雞酒味香醇，雖然主角係醉雞，但我更鍾意佢嘅手帕青瓜！Total order 左三款小菜，西檸蝦球、雞硯不寧、避風塘炸三文魚腩。西檸蝦球酸酸地超好食，大大件蝦球落鑊走油後爽口彈牙！避風塘炸三文魚腩都好出色，炸得好香酥，細細粒一啖一粒好過癮！不過魚腩位難免有幾粒食到有骨，食嘅時候要小心！雞硯不寧則令人有d失望，expect有雞但只有硯，個醬味道太重，超鹹。無飯不歡嘅爸爸點少得澱粉質精選！叫左干媽蘿蔔、近墨者黑、芝士蝦伊麵。干媽蘿蔔不過不失。近墨者黑嘅墨魚汁炒飯，加咗蛋白同杞子即刻養生咗，有驚喜！芝士蝦伊麵係肥仔精選，邪惡但好好味。蝦原來係同西檸蝦球一樣，有成

上網見到點心個樣精緻可愛，即刻經openrice線上預約位置，食生日飯一入去餐廳，餐廳職員非常熱情，服務態度6個人叫左9碟點心小菜，樣樣都好吸引。其中睇住流奶，辣蟻粉絲，口水雞同椒鹽鬍鬚是值得推薦！睇住流奶，真材實料，比出面茶樓的流奶量多辣蟻粉絲，入味夠味，唔油唔膩，食完會再想繼續食椒鹽鬍鬚，炸粉少，鬍鬚肥美，多口水雞，醬汁香，雞身滑，無骨，又入味，好食到連配菜都食埋惟一比較失望的是近墨者黑，飯的軟硬度適中，色夠黑，但味道淡而無味，唔夠出眾整體，值得再黎的飲茶

數年前幫襯過上環嘅「飲茶」，因為體驗麻麻，一直都無再幫襯。最近，約咗細佬妹、老婆食團年飯，所以，打算搵啲特別嘢俾佢哋試，故此，就揀咗旺角朗豪坊嘅「飲茶」，地點較方便到大家，菜式有啲賣點，無咁傳統。餐廳雖然黐住隔離美食廣場，但唔會受影響而好嘈雜。店內空間算得上寬敞，皆因樓底較高，裝潢摩登，走年輕、型格路線。牆上趣怪嘅彩繪，以及周圍都擺放店家招牌點心嘅大毛公仔，都令到環境更添活力。此外，餐具亦喺佢哋別出心裁嘅擺設之一，碗底瓷雕咗一條小魚，襯晌湖水藍嘅餐碗內，甚有栩栩如生嘅感覺。菜式就唔多講喇，拎咗張點菜紙，掃描後貼出嚟，一眼睇晒有咩選擇，查實菜式種類都非常多選擇。順提一提，茶芥每位收$12，另設加一服務費！有過上次經驗，今次醒喇，分開點菜，唔會一次過嗌晒冷盤、點心、菜蔬、主食……等等。另外，時近過年，多咗個「豬頭」撈起，意頭價$388，可4-6位用，不過就無寫供應期去到幾時啫。沙薑蔥雞 $69（散點價）冷盤前菜有「拼盤」組合（$119），A組選2客，B組選一客（例牌份量），比散點慳咗$48。B組我哋揀個「沙薑蔥雞」，上次都有點，喺傳統嘅樣，但今次嘅做法唔同晒，喺以雞卷形式做成，就好似日式嘅

舊式茶樓換上新潮作品變做潮飲舊茶，包點好有心思，名稱有創意是花了很多心思的，可惜服務態度令我感到差少少。$49 一籠八戒是超可愛的叉燒包，看他們的樣子可愛中帶點可憐誰忍心食佢，不過他內藏的叉燒太好味我還是忍不住了！$49 睇住流奶係香滑的奶皇夾住鹹蛋黃的三兄弟，熱辣辣軟綿綿邊捨得唔食佢🤣🤣$239 黑醋汁黑鱸魚皮好脆汁香濃，炸魚一般都只食脆口，肉質都沒有要求了！$79 辣蟻粉絲略嫌不辣，但炒得非常乾身爽口，份量就太精細了擔擔麵一般，麵質都彈牙$49 皮蛋豆腐絕對超值這道廚師手工藝菜，看看刀功片片如絲般薄👍好實際的蘿蔔糕，粉多了故好有飽肚感，呢間不用 XO 醬改用干媽醬又食出另一種風味近墨者黑，好有心思命名豬扒湯麵餐具都很有趣花生老豆、吉川奶子、胭脂玫瑰、狗不理腸、紅都面埋及一籠八戒真係服左創作者咁有心思的創意呢期做緊匯豐銀行信用咭 15%，朋友們醒目喇👏

跟一眾親友到朗豪坊晚飯，本屬意吃上海菜南小館，到埗後卻發現已換成了YUM CHA的旺角新店。這也不壞，新店正進行消費滿$250減$100的優惠，而且一直喜歡YUM CHA的新派風格。跟中環店、尖沙咀店相比，旺角店走的是迥然不同的路線，感覺年輕、親民得多。不走高雅格調，牆上繪上逗趣的卡通人物，用作拍照背景確是一絕。半開放式的用餐環境不免嘈吵，若然特別要求坐在內部的沙發卡座，這邊會寧靜一點，也更舒適一點。一般酒樓以點餐紙自助剔選食物，而飲茶則另附一本圖文並茂的餐牌，始終來此的食客不少是「視覺先行」的吧！對外國遊客來說點餐也更方便了，也難怪場內有不少手執旅遊書的外國遊客。卡通點心，確是擔當了中式點心推廣大使了吧！這天的親友眾多，因只有兩個小時的用餐時間，一行八人「狂風掃落葉」式的點了不少點心、小菜，幸而這家的上桌速度十分勤快，稍稍過時也沒有被催迫結帳。．睇住流奶($49)．睇住流奶，是YUM CHA的點題之作。每次戳穿包身後，奶皇便從「嘴巴」流出。這包包已把玩過一次，這次何不好好欣賞它的味道？包包薄身鬆軟，奶皇十分澎湃，香甜而不膩，依然是這家的皇牌之作。．紅都面埋($49)．以造型優勝的，咸

係朗豪坊搵食真係好多選擇~~但係夜晚食飯又想食下點心咁點算??? 大家可以去朗豪坊 4樓既【飲茶 YUM CHA】無論幾點都可以食到點心嘆到茶啦~~~入面裝潢時尚, 各個位置都有很多可愛又特別既公仔圖畫!!!加上旺角區既關係, 人流很多, 到來的客人也好多"* 食點心梗係要飲茶, 茶方面都有幾款可以選擇；今次我地就揀左玄米茶"* 先黎個小食先：干媽蘿蔔切成一粒粒既蘿蔔糕, 十分足料；再以香辣既干媽醬炒成, 惹味又過隠!!! 呢三款就係佢地既招牌點心, 賣相得意又可愛：❤ 睇住流奶 ❤ 一籠八戒 ❤ 紅都面埋 整成豬樣既【一籠八戒】其實係叉燒包黎, 的確幾貼切!!!而【睇住流奶】明正言順係流沙奶皇包, 一篤佢就已經流哂出黎；味道唔會過甜, 入面仲係熱辣辣的, 有得玩又有得食~~~新製作既【紅都面埋】就係麻辣豬肉包；用左麻辣調味而成, 味道都辣辣地架!!外型有兩隻精靈既眼仔同埋蝴蝶結, 賣相十分可愛"* 這個鳥籠裝著的叫做【鴿吞鳳梨】其實佢係鳳梨酥, 鬆化既外皮, 咬開後有甜酸度適中既鳳梨蓉；味道不錯, 加上可販既賣相, 食落特別開心!!! 呢盤【成砵辣牛】一望只係見到辣椒；感覺好似水煮牛

「飲茶」在港有多間分店，朗豪坊分店是最新的一間。雖然各分店裝潢主題有別，但其可愛點心系列必然是各分店的亮點。 一氣試盡三款特色包包，包括有一籠八戒 (叉燒包)、紅都面埋 (麻辣肉碎包) 及睇住流奶 (奶皇包)。各款包點的賣相皆有趣可愛，令人不願起箸。相反，各人相機比平日顯得更飢餓，爭相先食。就味道而言，紅都面埋明顯較富特色，肉餡以麻香為主，辣味為次，惹味得來不過火。睇住流奶最誘人的固然是爆漿漏奶的一刻，奶黃甜香起沙，熱食特別可口。 鴿吞鳳梨是另一公仔點心，鳳梨酥被製成小鴿子模樣，並以鳥籠盛載。各鴿子外層酥化，鳳梨清甜，對於一向喜愛鳳梨酥的筆者來説，當然拍手叫好。 蟹籽燒賣及雞雞春卷是相對平實的作品。沒有特別的外觀，反樸歸真重回純味道的較勁。雞雞春卷雖然炸得稍稍老火，外穿一件顏色較深沉的衣飾，但無減其脆脆享受。春卷餡料多以豬豬或蝦蝦入餚，以雞雞製作比較少見，味道不俗。 一槌定雞的做法有點似黑衣雞，餐廳選用飼齡比較小的嫩雞，經醃製後伴以菇菌以荷葉包裹，再以蛋白鹽斧外殼封密入爐烤焗。菜式送上時會於食客面前以木槌把鹽斧破開，露出香噴噴的包雞，最後灑汁即成。這種做法能有效保持