飲茶 (朗豪坊) (已結業)

好耐都冇飲茶啦 🫖就嚟個即興嘅夜茶啦🤤咁岩係朗豪坊就去試試「飲茶」好多新潮得意造型嘅點心每款都想試呢😙💕睇住流奶（流沙奶黃包）$49 熱辣辣嘅奶黃包 咬一啖 即刻流出香濃嘅奶黃漿🥰滿足💕一籠八戒（叉燒包）$49 呢個點心比母親大人獨佔咁🙂💕櫻花蝦飯 $89 炒飯炒得粒粒分明 完全唔會好油 再加上🦐櫻花蝦 蟹子 口感更有層次💕炸BB乳鴿 $59 母親大人話想試吓 香脆唔油膩 肉唔太多 💕上湯菜苗 $79 湯偏淡 適合鍾意食得清清哋嘅我哋💕雞絲拉皮 $45 覺得份量有啲偏少 🤔 味道可以甜品組合唔抵食價錢其實偏高 但見佢嘅點心造型得意 抱住試一試嘅心態😊推薦指數：🌟🌟🌟

第二次到這間店食午餐，雖然食物不是特別好味，價錢亦不是特別平，但是食物嘅形態好特別，去睇吓都好開心！以下會介紹當天食了的三款食物。這個燒賣，外型跟平常食的差不多，只是顏色由黃色轉了綠色，味道方面，肉較瘦，整體無驚喜，一般。炒飯，都炒得很好，味道還可，但有小部分較鹹，可能未炒均勻，亦較油，整體味道可以，份量都足夠。這個流沙奶皇包，最具特色，味道亦好味，流沙足夠，質感亦很好，加上外型可愛，都好吸引。整體最好味是這個流沙包。如果想小朋友食得開心，或者想有啲有趣嘅食物形狀，可以到這間餐廳，但如果追求味道，就要再考慮啦！

呢度既點心，好味過外面茶樓多多聲乳鴿10分香口奶皇包10分香甜螞蟻粉絲味道好而不油侍應嘅招呼周到會叫親戚朋友一齊試吓價錢係中上收費茉莉花茶都是必叫最推介是流沙包

只可形容好慢～同好差～原先訂咗晚上7:45，7:40去到門口有個男職員，我只係講咗訂了2位，未講完佢已經轉身行咗入去，我唯有跟住行，行到一半佢指住前面話坐卡位，我都未睇到佢又轉身走咗，咁我只好隨便揾位坐，到寫好點心紙舉住手嘅時候，有兩個女職員，一個大家對望佢都轉身行開，另一個睇都唔睇直行直過，佢哋三個人行步路都好慢。每樣食物都上得好慢，落單係19:48分,20:22分先上第一樣冷盤醉雞，之後逐樣逐樣上，食完一樣就要等……下一樣，想問嘢無人理你，唯一一樣快係埋單，終於上齊食物嘅時候，唔使一分鐘就叫你埋單，呢啲咁嘅服務收加一服務費真好笑，唔會再有下次！

第一次嚟朗豪坊呢間分店，坦白講因為附近太多人，想食點心選擇唔多，所以嚟試吓。呢間分店喺food court入面，店舖是半開放式，有部份枱和旁邊good court自由位只是一板之隔，所以環境比較熱鬧嘈吵，而且有點熱，有點泰國芭提雅感覺。我哋冇訂位，星期六中午到排隊等咗15分鐘左右，被安排在店中間的位置，小朋友想吃造型麵包，之前去尖沙咀分店吃過有點掛念奶皇包。但是甫一坐下，便感到渾身的不自在，店中央的擺設品全都鋪滿厚厚的灰塵，在射燈的映照下麈粒飛揚，在吊架最盡頭還有一隻巨大奶皇包毛公仔，已經變成灰黃色，幻想塵粒細菌飄呀飄在空中，在….什麼胃口也沒有。侍應動作真的是光速，因為人手不夠吧，所以也沒催促，茶水用完也未能叫停超光速人類停下腳步加水，我們也配合一下用超光速清掉枱上的點心。點心一如以往的好可愛，造型奶皇包及豬仔包仍是小朋友的最愛。一間食肆的吸引力除了食物，環境氣氛衞生相信也很重要，或者厚厚塵埃也是一番風味，幻想在大幕黃沙旅行探討歷史思考人文哲學。

我本身是一個很喜歡飲茶的人，由其是有中菜，點心，仲要有茶飲。今晚發現了4/F朗豪坊有一間飲茶🫖的食肆，我和朋友們放工後一起去吃個晚飯，我一入到去見到鵪鶉蛋燒賣即嗌，無諗過佢依度即鵪鶉蛋係三色，有啲驚喜，另外叫了咕嚕肉，和三文魚腩煲，都好好吃，都好有水準。另外亦叫了一個蝦櫻花炒飯，都好香。環境就中式像茶樓方式，但位置總括來說都坐得幾舒服。晚上時段都較人山人海，如果想食依間，都最好預早book定位。

精緻點心🥠➀ 招牌點心 *睇住流奶*必食嘅Q版奶皇包😜 幾乎枱枱都有嗌既點心 食奶皇包必做🙌 唔知大家會唔會同我一樣都鍾意用筷子篤開先 整個air vent 透氣 慢慢食 可以減少辣嘴既機會🥵 😂 奶黃餡非常流心同軟熟🥠 同一般嘅奶黃包與別不同 ➁寶石蘭度 羽衣甘藍🥬薄片 配粒粒番石榴 味道好新鮮 爽口 配甜酸汁 好開胃🥗 賣相亦好精緻➂花膠蒸飯大大個花膠系飯面 用荷葉襯托 珍珠飯粒粒分明 完全唔漿口 乾身底 亦有花膠味道 👍總括而言 環境舒適 點心精緻好食😋 適合帶一家大細黎聚餐☺️ 老少咸宜

如圖….其實都吃左一個，佢一宗有3個包，點知夾到第二個包時，反落個底一望，開頭以為係竹葉/茶葉啦，點知竟然係曱甴腳，天呀～～～我再望一望出邊包緊點心既全部都係d麻甩佬，仲包緊我吃緊呢款，我真係當堂想嘔，永世black list!!!出上載左OpenRice 吾知會唔會睇吾清楚，果一小塊就係小強腳，仲有好多腳既毛毛叉出嚟，店員態度差都算，仲要差啲吃到小強腳，佢地既衛生好有問題！我一定會去食環署投訴 ！！！

為左朗豪坊嘅泊車優惠，見呢間外賣好抵食就買反屋企做晚餐🥣外賣盒額外要比$2@🥡寫呢篇文睇反單先發現，有樣餸（小食拼盤）無比到85折🤯以下價錢係正價🌟有色蝦餃 $39得2粒偏貴，味道正常🌟蟹籽燒賣 $39老公係想食鵪鶉蛋燒賣，但侍應入錯單😫反到屋企先留意到👀有3粒，好食過蝦餃🌟陳皮牛肉球 $29傳統酒樓味道，應該係溝左好多肥豬肉，陳皮味淡🌟小食拼盤 $119揀左七彩茄子🍆皮蛋豆腐同沙薑雞茄子保留到好靚嘅紫色，微酸醬汁好開胃。沙薑雞偏重味，幫你去左骨卷成雞卷，啱哂懶人食皮蛋豆腐好失望，雖然豆腐切到好薄排到好靚，但皮蛋碎到要用放大鏡🔍搵，🌟椒鹽鬍鬚 $89合理份量，唔厚粉，炸得幾好食🌟鳳梨咕嚕 $79呢個叮完漏左係微波爐，隔夜再叮嚟食都好味😚🌟芝士大蝦伊麵 $99蝦球走過油好大又厚肉，伊麵好多壓實左個盒，好味😋🌟水煮辣魚 $89個底有少少薯粉，不過剪到好碎，索哂辣汁🥵魚好多片，夠滑又入味，辣得過癮

非常傳統嘅爸爸最鍾意就係食中菜同點心，今年爸爸節就一於同爸爸去試吓呢間以「睇住流奶」為招牌嘅精緻點心中菜館！必食嘅「睇住流奶」真係睇得又食得，用筷子篤一個細窿睇住D熱辣辣流心奶黃流出嚟超治癒！我地仲叫左名為「一籠八戒」嘅叉燒包同「鴿吞鳳梨」嘅鳳梨酥。全部都好盞鬼好IG-able，Daddy Mammy對「鴿吞鳳梨」個雀籠更係愛不惜手，每人拎住影N幅相先捨得食。美中不足嘅就係佢一籠點心得三件，叫一籠四個人唔夠分，叫兩籠又太多。前菜嘅三杯醉雞酒味香醇，雖然主角係醉雞，但我更鍾意佢嘅手帕青瓜！Total order 左三款小菜，西檸蝦球、雞硯不寧、避風塘炸三文魚腩。西檸蝦球酸酸地超好食，大大件蝦球落鑊走油後爽口彈牙！避風塘炸三文魚腩都好出色，炸得好香酥，細細粒一啖一粒好過癮！不過魚腩位難免有幾粒食到有骨，食嘅時候要小心！雞硯不寧則令人有d失望，expect有雞但只有硯，個醬味道太重，超鹹。無飯不歡嘅爸爸點少得澱粉質精選！叫左干媽蘿蔔、近墨者黑、芝士蝦伊麵。干媽蘿蔔不過不失。近墨者黑嘅墨魚汁炒飯，加咗蛋白同杞子即刻養生咗，有驚喜！芝士蝦伊麵係肥仔精選，邪惡但好好味。蝦原來係同西檸蝦球一樣，有成

大約14:00成個朗豪坊間間食肆都等緊位，見呢間不需要等位就入嚟試最特別係玻璃上啲公仔好得意我哋叫咗「睇住流奶」，個飽又真係幾軟綿綿，d奶王都好適中跟住個「透明波波」都幾特別，細細粒，都算係素食，裡面有黑松露，粟米，雜菜，味道唔算特別好，就夠特別「炒蝦腸粉」呢個個醬汁就似鼓油王炒麵，味道一般，雖然細細碟但價錢就唔平仲有叫咗「蟹籽燒賣」，「醬香鳳爪」，2樣都無乜特別驚喜而呢間嘢服務就唔多好，個個都黑口黑面

今日去咗朗豪坊4/F，有好多餐餐廳選擇，但係俾呢個蛋黃流沙包吸引😛 所以去左試下佢地既點心🥳 加上係openrice book左座，好快有得坐底la 😍宜家做緊個半任食套餐 ($168) - 包括一個海鮮冬蓉羮、一個主菜、任點任叫前菜點心同埋甜品。好抵食！！🤩🤩 點心款式好多，賣相好得意😆 主食試左炸BB鴿同埋鳯梨咕嚕，份量好大，超級飽。點心就當然試左招牌既「睇住流奶」啦！咬落去就有流沙蛋黃流出黎喇！🤪

食物種類很多選擇多，味道很不錯👍🏻有辣也不辣的東西選擇有不同茶類飲料可挑選環境比較舒適坐的位置隔離也有相對的距離令食客光顧也較為安心及滿意職員有禮也會主動幫忙斟水，值得推薦

想同屋企人飲下茶，但又唔想去傳統茶樓，於是就搵咗「飲茶」呢間餐廳。「飲茶」係尖沙咀同旺角都有分店，為求就腳我哋今次去咗旺角分店，係喺朗豪坊四樓嘅food court度。餐廳主打創意點心，賣相精緻，造型可愛！點心味道屬於正常水平，價錢偏貴咗少少，以打卡為主！安格牛河幾出色，牛河炒得好夠鑊氣，調味正，香氣十足！牛肉都好彈牙同夠味！ 🧡睇住流奶（$49）🧡一籠八戒（$49）🧡透明波波（$29）🧡鴿吞鳳梨（$39）🧡安格牛河（$99）

今日落雨天又早收工，都唔想行太遠就去左飲茶。點左「睇住流奶」，小食併盤同埋蝦餃蝦餃既皮一夾起就爛咗，而奶黃包（皇牌？）都唔係太流⋯可能今日天氣影響掛⋯差燒酥又淋淋地。係一個新式飲茶體驗