太平館餐廳

營業中

休息中

困咗响屋企好耐無約朋友出街，今晚相約咗兩位朋友嚟呢間老餐廳懷念一下。今次係特登嚟食佢出名嘅菜式門口招牌以隸書題字門口旁邊有佢地個logo卡位上邊掛上一啲老地方照片干炒牛河佢唔太油係有啲驚喜嘅，而且牛肉鮮嫩，唔會乸到無晒味瑞士汁雞翼無諗過一碟有8隻雞翼，每隻都好嫩滑，亦好入味，但係唔會好鹹！幾正😋葡汁焗四蔬葡汁幾香，唔會辣，減低今晚嘅罪惡感梳乎厘巨型梳乎厘呀😱 甜度幾適中，本人不太嗜甜，唔錯！😋今晚飯腳太耐無見，加上食物又有水準，開心愉快地過咗一晚💝

再次黎銅鑼灣搵野食，今日黎呢間好耐歷史既瑞士雞翼餐廳，太平館餐廳醫肚，話哂都係出名老店，平日都要等幾張枱。我地今次唔想諗，就咁嗌左個二人餐重溫一下昔日既感覺。二人餐先黎兩個湯，龍蝦湯味道一般無乜特別。接住就係一個炒青菜其後就係燒乳鴿。我好欣賞佢燒完熱辣辣出黎既感覺。放係口邊係會辣咀，乳鴿既火候掌握得不錯，燒到皮脆肉又唔鞋，配上瑞士汁同檸汁調味。不錯不錯！干炒牛河方面，牛肉十分高質，完全無醃肉粉既味道，河粉炒得夠乾身，都唔算太油，加上幾條菜心和下口，都值得推薦！最後上埋甜品同餐茶，但呢個西米布甸就認真麻麻，預先整定加上雪得太耐，有一半係起哂沙唔食得。餐茶就不過不失，無乜茶味。不過勝在呢間話哂都係西餐廳，即使出面排哂隊都唔敢催我地走，所以環境係認真不錯！

今天和大女去一間小學的 2nd in。我們說好了是「參觀學校」，開開心心完成後就去食梳乎厘慶祝。12時30分到達餐廳，已經要排隊，排第3。等了15分鐘左右。全店大部分座位都是卡位。我點了自己喜歡的鹹牛脷。味道非常好，清淡中有肉味，有口感。好的食材，簡單處理就好。河粉炒得剛好，牛肉不多不少，味道也很好微甜少少鹹，大女自己食了一碟。雞很滑，瑞士汁非常惹味，可以食多碗飯。大女期待的梳乎厘！要食得夠快。梳乎厘源自法國的， Souffle 本來的意思是「使之澎脹」。主要材料包括蛋黃及經打勻後的蛋白，烘焗到內裡的空氣澎脹，所以凍左就會縮水。味道很清，沒想像中的甜。大女很滿足，很飽。食慾是心情，因為是慶祝，便食得開心。希望她在之後的參觀能一直保持好心情。

平時有很多人在門口等位，今晚去到門口少左很多人，唔知同今晚踢世界盃季軍戰有冇關係，晚上7:45 到，等到 8:15 就有位了，都算快！門口接待的和餐廳內服務的也很有禮貌，很親切的，抵讚！今次是第一次嚟，當然要試試他們的招牌菜喇！首先出場的是干炒牛河，賣相顏色吸引，而且是熱辣辣的，味道淡左少少，牛肉份量超多！紅燒乳鴿，肉嫩，鴿味濃郁，推薦！瑞士雞翼，可能年紀大了，覺得甜味太多，但兩個女就話超正！石班捲筒，不知這個是否招牌菜，但是今晚最好味的一個菜式，石班捲筒內有蝦，蔬菜粒，外面淋上濃濃的蕃茄汁，一流！最後就是今晚嚟哩度的最大目的，梳乎里，成個足球咁大的，上枱時真是很壯觀，咁大個都做到外脆內軟，食落口感有些像麵包，而且是有杏仁味的，個人覺得橙味彧原蛋味會好食D！結論是這裡的菜式味道也不錯，但又不是什麼貴價食材，要收這個價錢，實在好似貴左少少，試一次就夠了！