摩登堂 (荃灣廣場)

營業中

休息中

行過見到摩登堂都開左一段時間，門口擺放嘅甜品賣相吸引左我入去🤩🔅曼谷醉貓炒金邊粉🇹🇭$128估唔到份量都幾大碟，兩個人share都ok，除左有一隻大蝦係面，配料都有蛋絲、蝦仁、豆干，口感豐富，味道酸甜🔅幸福摩天輪小食拼盤🎡$188衝住打卡而叫🤣結果見到全場好多人都叫左摩天輪📸女仔見到實好開心，拼盤有咖喱角、榴槤酥球、班蘭包雞、米網蝦春卷同香茅雞中翼五款小食。蝦春卷外皮炸到脆卜卜，蘸上甜酸醬食最夾。另外讚一讚個班蘭包雞，味道調得幾好，一打開已經聞到好香，雞肉亦都好嫩🔅泰國奶茶雪山刨冰船🍧$98雪山刨冰超大份🤩一黎到同朋友都嘩左一聲，泰式奶茶味好濃，好似飲緊奶茶咁。另外配料仲有烘多士、珍珠。當日珍珠賣晒所以轉左芋圓做配料，味道都夾。食到個底茶味更出，建議食到尾多加煉奶🔅鮮芒生椰楊枝甘露🥥$42楊枝甘露滿滿西米粒，口感Q彈，整體椰香味重，芒果粒較少，比較似西米露，質感濃厚，嗌第二杯飲品仲有半價優惠

💁🏻‍♀️呢間泰國餐廳係媽朋友開嘅店 多次推薦下🤭 就趁生日🎂去 多啲人 試多啲唔同款 餐廳環境食物都非常打卡able 除咗主食好吸引🤩之外 甜品都非常吸引🤤 六大兩小 當然要叫啲老少咸宜嘅款式 餐廳推介款都非常吸晴😍 好多都想食想試🤪 ⭐️幸福摩天輪小食拼盤 $188/15pcs擺盤非常打卡able 一上枱 個個都會想轉下個摩天輪😝 五款小食 炸榴槤酥球 春卷 雞肉球 咖喱角 雞翼 全部都係大人小朋友鍾意嘅小食 我私心最鍾意係個春卷 好酥好脆好好味😋⭐️半隻手工無骨海南雞 $138+白飯 雞肉好嫩滑 啖啖肉 主力係俾小朋友食 唔會太油膩 小朋友都食到舔舔脷 ⭐️烤菠蘿虎蝦蟹肉炒飯 $138鮮菠蘿粒加蟹肉炒飯呢個配搭已經非常惹味 再有一片鮮烤菠蘿伴碟 非常滿足 有誠意👍🏻⭐️曼谷醉貓炒金邊粉 $128金邊粉炒得非常香口 金邊粉口感彈牙 加埋蛋絲蝦球一齊食 口感豐富 而且唔會好油膩 唔錯👍🏻⭐️金磚蒜蓉包 $58/4pcs超重牛油香味 每一啖口腔都充滿牛油味 雖然邪惡 但好好味😋⭐️泰國D24榴槤酥球 $48/4pcs鍾意食榴槤嘅朋友 呢個小食絕對唔可以錯過 非常脆口 咬開榴槤漿會充滿口腔 非常滿足😌