座銀

營業中

休息中

回訪多次的白雞湯拉麵。第一次吃的時候是在日本大阪。當時只是想找一家在飯店附近又開到好晚的店，想不到吃完第一次後， 念念不忘。之後座銀在香港開店，偶爾我也會去吃，我覺得香港跟大阪的味道沒有大的分別。 ❈ 白雞湯拉麵 HK$148每一次都會叫白雞湯拉麵！濃濃白滑的雞湯底，微微蛋香軟硬度適中的拉麵，低溫真空慢煮的雞胸肉和豚肉，再加上鮮炸牛蒡。這個組合簡直無敵，超好食。每次都會喝完湯底。 個人覺得湯拉麵比沾麵更出色，可能沾麵的湯底比較快涼。 服務方面，佢地都好體貼，見到你食完會幫你換熱茶。另外，有次前面有位孕婦客人點了湯拉麵，侍應主動問客人雞肉需不需要再煮熟一點，好體貼。 本人極力推薦白雞湯拉麵。❈ 座銀炸雞 HK$58炸雞即叫即炸，皮脆肉嫩🍗，非常惹味！必點！

冇介紹錯喎，濃到圍繞口腔久久不散嘅雞白湯香，加埋世一雞叉燒，怒食🔥・・・・・・・・・・・・・・・・・・・・🍜 雞白湯拉麵 HK$148 👍・味道：雞湯底極濃雞香味，每一啖都係雞精華，濃而不膩🫡一舊慢煮雞同一舊雞叉燒，慢煮雞正常出色發揮。舊pink pink雞叉好重雞味好嫩滑但冇羶味，impressive🤩炸牛蒡好香口0苦味，有紅洋蔥香味添😚・口感：拉麵掛湯，雞肉嫩滑。炸牛蒡未浸湯就脆，浸咗就一咬即開，唔會韌🫶湯底濃到有些微杰身，入口會留喺口腔一陣，癲🤘！🍜 海鮮雞拉麵 HK$148・味道：湯底係極重海蝦味，濃而不苦👍。之前食過啲蝦湯會濃到苦，呢到冇～食拉麵最怕嘅口渴呢到飲晒都冇hehe・口感：同上，yum yum！🍗 座銀炸雞 HK$58・味道：唔重味，主要食返雞件本來嘅香味。・口感：炸皮薄，亦貼住舊肉，冇皮肉分離嘅情況。雞係濕潤但未去到juicy，不過成舊雞咬每一個粒都可以keep住外脆內嫩，外乾內濕呢個境界都幾勁XD・・・・・・・・・・・・・・・・・・・・🤰性價比：高～🤰9衝度：9衝～🤰結論：肚波舉起大拇指，唔鍾意拉麵嘅肚波表示：好食欸👍・・・・・・・・・・・・・・・・・・・・環境

中環分店食過好多次, 時常都聽到其他人講跑馬地總店更好, 路過幾次都冇食到, 終於有機會比較下座銀炸雞 - 每次都必叫, 香脆嫩滑juicy, 呢家仲多咗檸檬鹽可以蘸, 唔洗整污濁手加檸檬汁, 加咗檸檬鹽味道提升又冇咁油膩雞白湯拉麵 - 將雞湯打到泡沫, 雞骨香濃綿滑, 每次都心大心細唔知揀拉麵定沾麵好, 當日天氣凍就揀拉麵, 夠熱對拉麵真係好重要, 食完暖笠笠雞沾麵 - 比拉麵更濃郁, 不過喜歡炸牛蒡嘅朋友可能要加點先滿足棵木煙熏糖芯蛋 - 每人半隻過到口癮, 夠煙熏味值得加配

📌 座銀 - 跑馬地景光街13號地下A舖🗓(13/10) 星期四 ⏰ 中午12:30左右 💈特式：今日約左老友係跑馬地食lunch，之前都有朋友介紹過呢間座銀嘅拉麵，今次就同大家嚟試下先。🥩🍔🌭🌮🥗🥯🥘🍲🍝🍣🥟🍤🍱食物：佢個menu好簡單，其實只有3款拉麵可以揀，但最緊要係味道架啫，貴精不貴多，等我同大家講下味道先......雞 沾麵 - 佢個雞湯沾麵個湯比普通雞白湯更濃，佢嘅麵質配沾麵方式亦好適合，不過個湯就唔係好夠熱，食食下沾沾下個湯涼左就會無咁好食。海鮮．雞 拉麵 - 其實呢個都係雞白湯搵麵，只係加左蝦乾魚乾去熬製個湯底，我覺得味道更加鮮，餸就只係得一片豚肉/一片雞肉同炸過嘅牛蒡條，但整體都係唔錯，尤其是個炸牛蒡條，好特別同好食。銀座炸雞🍗 - 一份炸雞$48得3件就少左d，不過佢做得幾好食，炸得香同脆，而且唔油膩，咁都可以接受。☕️🍵🥤🧋🍺🍷🥃🍹🧉🍾🍶🥛飲品 - 飲品就無特別叫，都係飲佢餐廳本身提供嘅麥茶，不過坐低時店員有問要熱茶定凍茶，呢點係加分的。🍽環境：餐廳環境裝修上都有少少日本拉麵店風枱，有正常餐枱同吧枱可選擇，都坐得舒適。🤵🏻🤵🏻‍♀️🤵🏻‍♂️服務：店

原本同哥哥諗住去試跑馬地新開間意式薄餅屋，點知餐廳午市冇開，結果就走咗過對面馬路間「座銀」食日式雞麵。店子木造嘅門面、燈箱招牌、紅色布簾及零星嘅擺設都散發著和風氣息。當中最可愛嘅小肥雞足以代表麵店嘅命脈食材。襯托埋天花嘅波波吊飾仲好有時代感。中午時份，中央圍繞著開放式廚房嘅高櫈吧位早已坐滿食客。日中對照嘅彩圖餐牌共有八頁，清楚道出品牌嘅根源及主打雞麵嘅精髓，可選嘅項目卻只有六款，而且冇列出飲品。哥哥點咗碗海鮮雞拉麵（$138）。另配一隻棵木煙熏糖芯蛋（$15）。最終因覺一碗拉麵唔係幾夠飽，所以就加多碗牛蒡雞肉飯（$48）。雞白湯拉麵（$138）：每客拉麵均連筷子、匙羮、圍裙以托盤呈上。拉麵麵條軟韌適中，炸至金黃且捲成花藝般嘅牛蒡條條則清新香脆。起哂泡泡嘅湯底色澤猶如餸名般白雪雪，飲落真係好似咖啡咁柔滑，不過小肥只係略嫌其味道唔係幾夠香甜兼溜滯咗少少。最失敗就係兩片乾乾嚡嚡嘅雞胸肉同叉燒，掛喺碗邊嘅形態不禁令細佬諗起黑白無常嗰條脷，外觀絕對有影響到食慾囉！座銀炸雞（$48）：炸雞上枱時，服務生體貼地提點雞件剛剛炸出，要小心睇熱。熱辣辣嘅炸雞皮層香脆，肉質厚潤，乾巧唔油膩，比拉麵嗰片慢煮雞

晏晝2點幾喺跑馬地搵野食，喺對面街都望到依間座銀排哂隊，咁我對腳就自己行咗埋去啦😎餐廳主打雞白湯拉麵，睇menu已經夠哂吸引，湯底特別用泡沫打成，大部分食材仲係由日本進口，店鋪裝修雅致連吧枱設計，仲要服務真係好好👍🏻走嗰陣仲要店員幫你拉起布廉，完全以為翻咗去日本咁🇯🇵1.雞白湯拉麵 $138湯底配料拉麵全部都好滿意‼️泡沫打成嘅雞湯口感綿密，夾起拉麵就掛住層層泡沫，雞湯味道鮮濃，而麵質我都特別鐘意😍旁邊嘅雞肉唔好睇少佢‼️‼️食落包你有驚喜，嫩到真係懷疑係咪食緊雞肉😂炸牛蒡好脆口食落好似小食咁好正🤩2.座銀炸雞 $48雖然得3舊都真係有啲貴，但質素對得住個價錢✔️薄脆炸漿底下包住好有肉汁嘅嫩滑雞肉，唔需要多餘調味已經好好食🤤🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 座銀 (跑馬地)跑馬地景光街13號地下A舖分店：中環

朋友極力推介的一間餐廳！期望值非常高！！結果並冇令人失望雞白湯拉麵。 9/10湯底極-濃-厚！ 濃湯面層有泡沫咖啡既感覺！雞湯比海鮮湯清淡，但絕對唔係淡而無味～第一口一定會令你有驚喜肉類方面就冇太大驚喜，反而係個配菜炸牛蒡—超好味提升左碗麵既層次。海鮮雞拉麵。 8/10海鮮湯拉麵比雞湯拉麵多左份鮮味！但個人鍾意雞湯多啲🤪因為海鮮湯感覺相對咸少少，食耐左會覺得咸😬炸雞。 8/10外皮好脆，將肉汁鎖住係雞肉度，但食完濃味既拉麵再食炸雞就唔太食到炸雞既味道，下次可能要配下啤酒食會更出色

好耐冇食拉麵啦～今次黎專食雞湯拉麵嘅座銀雞白湯拉麵 $138雞白湯好濃又甜又鮮，飲落順滑，再加上打發成cappuccino泡沫狀，口感更綿更豐富，拉麵更掛湯，而且冇味精，成個湯雖然非常濃郁，但一d都唔油。拉麵算彈牙有咬口，豬肉雞肉冇咩油脂但唔鞋。旁邊仲有炸牛蒡，唔油膩，增加咗口感，但浸完湯都冇咩味。成碗拉麵湯底同拉面都幾好味，但肉、配菜同湯都偏少。座銀炸雞 $48炸雞外皮唔算炸得好脆個種，而肉質幾juicy幾嫩滑，但一人食兩舊就會發現佢有d鹹有d油膩。餐牌只有兩款拉麵揀，我地去個陣咁岩仲有個蔬菜拉麵揀，但總體上都比較少選擇。

喺麵屋一燈出現之前，就已經知道有座銀呢間咁貴價嘅拉麵。所有食過嘅朋友都對佢讚不絕口，話物超所值。而佢同其他拉麵店唔同，主打雞湯，出面一般只係有豬骨或者魚介湯底。終於搵一次的起心肝，去試吓呢間貴嘢佢完全唔近任何地鐵站，喺銅鑼灣站行過去都要行成起碼20分鐘，或者想行少啲嘅朋友可以搭電車去到大概八點左右，前面已經有兩pair人等緊位，我哋大概等左三個字左右就入得啦。入面嘅環境好高級，有靜靜嘅背景音樂加埋廚師煮食嘅聲音，嚟得嘅食客都係着哂西裝或者其他formal dressing。店員嘅每一句都好有禮貌叫咗雞白湯拉麵、雞沾麵、座銀炸雞、棵木煙燻糖芯蛋個湯真係好濃好稠好綿，飲落口都好似食緊啫喱咁，每一啖個雞味濃到好似每一啖都用一隻雞來煮，而成個湯係完全冇雞油冇任何油份嘅。唔知點解諗起啲人話麥當勞嘅麥樂雞係用攪拌機搞晒啲雞骨雞肉一齊，感覺上呢個湯就係咁樣整出嚟🤣拉麵亦都好掛湯，麵質幼細，同炸牛蒡夾埋一齊食增加口感。啲炸牛蒡一啲都唔油膩，咬落香脆，浸落湯會變得好煙韌好有咬口，別有一番風味。塊雞肉都好特別，食落個質感似平時凍食既煙肉咁不過唔知點解食食下覺得愈黎愈油膩同濟🤢 個湯愈飲愈漏，之後炸雞本身都

跑馬地鬧市悠閒一區，地鋪食店尤其吸引。門面簡潔高雅，命名座銀。一開初還弄轉名字，以為日本那個銀座。進門坐bar台，店員隨即端上籃子盛袋，添上熱茶，十分細心。同時坐的位置也很棒，可以一邊欣賞師傅熟練手勢之餘、又可看看一碗拉麵誕生過程，可謂正宗的日本拉麵店。座銀主打拉麵，主食選擇集中，我選了雞白湯拉麵($138)，家姐選了雞沾麵($148)，加配一款小食二人分享座銀炸雞($48)。不出十分鐘，我的雞白湯拉麵就準備好了。那一圈圈非常立體的是蝦乾，十分搶眼。而對面一大塊豚肉和雞肉，真係非常大片，大過我塊面呀，望落亦很嫩滑。最特別的是湯面有好多小小的泡。原來湯底是經過類似沖泡沫咖啡的過程，難怪這麼滑身呢，不過那蝦乾太多、也很熱氣，吃前淹湯會好一點。拉麵軟硬剛好，亦十分彈牙。雞沾麵的材料同雞白湯拉麵相同，不過拉麵份量較多、湯底亦濃郁點。炸雞一碟四件，雞肉剛熟，沾些檸檬粉，清新感大增。

又到了逢星期日一次，專門為日本拉麵而設的「星期日拉麵時間」。今次我的目標，是一間有提供日式雞白湯沾麵的餐廳「座銀」。「座銀」位於住宅區「跑馬地」，適逢賽馬日，雖然賽馬在沙田，但是跑馬地因為有「雙邊投注」的關係，場內還是燈火通明，我在離遠處也能看到。礙於「跑馬地」沒有港鐵站，但是它旁邊的「銅鑼灣」就有，我在銅鑼灣坐上專綫小巴，來到跑馬地還幾乎「坐過龍」，落車後看着地圖，終於找到我的目標雞白湯沾麵餐廳「座銀」。我來到時，「座銀」還在中場休息時間，於是我在「座銀」旁邊的「老麥」稍等一下，買杯雪糕新地打發時間，直到直到下午六點鐘左右，我就正式起程，進入「座銀」裡頭，食我的「雞沾麵」和炸雞。或許真的因為「座銀」座落於住宅區跑馬地裡面，所以餐廳的氣氛沒有一般拉麵店那麽緊張，「座銀」格局有着高級日本菜餐廳的氣氛。「座銀」廚房的員工架構主要由操日本語的日籍師傅，帶着數名本地的學徒，在開放式廚房內工作。「座銀」製造拉麵的廚房是典型的日式開放廚房，裡面的狀況一覽無遺，亦對我的拍照動作沒有太大反應。跟我在食評開頭講的一模一樣，「座銀」的招牌拉麵跟「霸X拉麵」、「麵X」或「拉麵X」一樣，都是製造雞白湯湯底的拉

為咗搵食你可以去到幾遠? 大家唔洗驚!!! 我哋唔係去啲「山旮旯」嘅地方，只係去平時比較少去嘅跑馬地啫!星期五晚，M佬帶人搭叮叮，叮去跑馬地，好浪漫呀! 浪漫還浪漫，好肚餓呀! 咦，前面有間新開嘅拉麵嘅舖 －－Zagin Soba座銀，好似幾Okay咁喎，入去試下先!哦，原來只係啱啱開無耐。餐廳嘅裝修以木為主，好似去咗日本咁。最鐘意嗰Open kitchen睇住師傅準備身材。雞白湯拉麵首先，嗰賣相已經好吸引，金黃色嘅炸牛蒡好搶眼，好似成件Art piece咁! 嗰牛蒡係新鮮即炸，好似薯片咁脆，一啲油膩感都無，不過牛蒡味唔重。除咗脆食，可以好似炸魚皮咁放落啲湯到，記住唔好浸太耐，如果唔係就會淋晒。好啦，係時候試下嗰湯底啦!! 上面有層泡泡，雞湯入口柔滑，濃郁厚身，雞味香濃，鹹度適中，忍唔住飲完一啖再一啖! 拉麵仲有一大片叉燒同雞肉。叉燒肥瘦分明，肉質嫩滑，味道比坊間嘅日式叉燒偏鹹，不過我A姐又覺得好好味喎! 另外，舊雞肉係超級嫩滑，慢煮真係唔同啲，keep住肉汁，好香濃。當然仲有糖心蛋啦，勁香煙煄味，正! 海鮮雞拉麵另一碗我哋叫咗海鮮雞拉麵，配料全部一樣，唯一唔同嘅係嗰湯底，雞湯底再加蝦

嚟跑馬地做嘢做到3點，尷尬嘅時間，邊度有嘢好食呢？呢附近想食嘅餐廳都試過晒，諗起呢條街新開一間日本餐廳，就行過嚟諗住撞彩希望佢唔會3點鐘閂門。點知....... 呢度真係全日無休！太好彩啦！原來只係開咗幾日，怪不得不論地下瓷磚、牆上嘅文化磚、旁邊嘅擺設全部都咁新淨及一塵不染。以木為主嘅裝修好有日式風味，但其他用料又好摩登雞白湯拉麵 ($138)不規則嘅碗實在吸引，加上入面嘅材料，賣相已經贏晒，起泡嘅湯底上有一大撮薄薄嘅炸牛蒡，碗邊有一片肥瘦分明嘅肉，及一塊好厚身嘅雞肉。湯底唔肥膩，聞落似西式蘑菇湯，飲落就有濃烈嘅鮮雞味，鹹度適中，質感幼滑較厚身，忍唔住好想飲完一啖再飲下一啖！炸牛蒡好明顯唔係用萬年油炸起，每啖都冇嗰種討厭嘅油味，脆脆哋好好味，浸過嘅軟腍腍，兩種食法各有千秋；肥瘦分明嘅肉似gammon steak，偏鹹，不過我覺得肥咗啲；反而旁邊嗰塊勁厚嘅雞胸肉就估唔到咁嫩滑，肉色保持到粉色，肉味香濃；落單時唔記得講要硬身嘅麵，但好在食到最尾都唔會好腍，掛湯能力超高！到最後，啲湯飲到得返一啖😂 好好味！座銀炸雞 ($48)其實我好鍾意食炸雞，但外面嘅炸雞如果差嘅，係真係會差到想喊，所以盡