芽莊越式料理 (海港城)

營業中

休息中

今日約咗家人一行5人，去海運大厦食lunch. 因為没有預設吃什麼，所以去到才決定吃邊間。做揾位先鋒的我和太太，中午12:00到了海運大厦，由於餓爆關係，見芽莊剛開始安排入座，就2話不說排隊入去。待應說1:15分交枱，即75分鐘用餐時間，我說可否1:30才交枱，待應說可以，盡量1:30交枱啦。由於家人未到，我先叫了魚餅及椰青頂下肚先，太太叫了鮮菠蘿冰，我無試到，唔知咩味。魚餅 - 一碟4塊，夠厚身夠熱，夠彈牙，味道似家常小菜嘅煎鯪魚肉餅，但好味。香芧燒魚 - 魚係䱽魚，但一啲都唔腥，肉質亦保持到滑身，不乾，味道濃淡適中，屬喜出望外之作。家人都話正。🖒唔記得咩嘢薄燒餅😅最頂嗰碟，呢個就麻麻地，餅皮薄到乾硬，餡料有啲蝦肉，豬肉，洋蔥等，跟一籃香草及生菜，有紫蘇葉，金不換，生菜及一啲帶薄荷味嘅菜，唔知係咩菜😅，要來夾住食，但不覺得夾味道。軟殼蟹紙米卷水準之作，軟殼蟹不油膩，蔬菜夠新鮮，如果多2件更好沙爹牛肉串燒用鐵板上，有三大串，係要用大串形容，牛肉肉質淋滑，醃得好入味，沙爹汁好香好甜，我用生菜，紫蘇葉，金不換包住一齊食，似食韓國烤肉，但味道又出奇地夾，同時嚐到清新香草及濃厚沙爹味，正!🖒🖒