蠔門宴 (已結業)

今晚約咗旗袍去九龍城撐檯腳，先食泰國野，但食完唔夠飽，想食甜品，但行行吓見到呢間專食廣島蠔嘅專門店，不如就浪漫一吓食蠔做第二餐啦，哈哈... 一入到嚟，燈光偏幽暗，環境清靜，嘆蠔一流！我哋坐喺冰檯隔離，上面放滿各式時日生蠔，正！呢度有多種生蠔可以揀，包括來自日本、澳洲、荷蘭、愛爾蘭、蘇格蘭和南非等。我雖然鍾意食蠔，但咁多款應該揀邊隻好呢，真係唔識喎！好在喺餐牌上面，每款生蠔旁邊都會寫住佢嘅鮮甜味、爽脆度、餘韻及礦物味，啱晒我呢啲唔識揀嘅人啦！除咗生食之外，仲可以揀清酒蒸蠔、燒蠔、煙燻蠔。店員仲話，佢哋係用日本傳統嘅方法去開蠔，唔會好似外面咁用冰水浸完隻蠔先開，所以啲蠔會係特別鮮甜，仲啖啖都有海水嘅味道添，好期待！除咗蠔之外，都仲有其他食物嘅，有刺身、串燒、甜品等...前菜係新鮮青瓜、椰菜及蘿蔔，配味噌醬一齊食超好味Spain Arousa ($88)大概手掌咁大隻，肉質飽滿好厚肥美，味道唔算好鹹，爽口但帶點creamy，蠔味較清淡，但由於好大隻，成口都係蠔嘅感覺真係好滿足廣島Etajima ($48)細過西班牙蠔好多，但好在燒完之後都仲肉質厚實，蠔邊爽脆，入口鮮甜，海水味濃郁，afte

新年日日都要去拜年，過完年後，難得有時間就約左親愛的一齊去食蠔，豪一個開年飯。九龍城食泰國野就好多，但食蠔就無咁多，難得俾我搵到一間就黎試試。廣島Etajima頭盤當然係生蠔啦，廣島Etajima，蠔尺寸都算幾大，肉質十分肥美，入口既感覺是十分鮮美及creamy，加上蠔的甜美令人回味非常。西式蠔湯質感似係忌廉湯既感覺，但就係充滿左蠔味，湯十分幼滑，加上濃郁既蠔味令口腔內有滿滿的蠔味，而不會有膩的感覺，入口就好順暢的流入喉嚨，味道及口感方面都控制得十分好。江田島蠔烏冬烏冬也有兩個蠔用料真係好豐富，烏冬彈牙而湯底不會太濃，可以更加突出蠔的鮮味，而且份量剛剛好，不會太飽。食完其他菜色之後食是剛剛飽肚既份量。藍梅乳酪蛋糕藍梅乳酪蛋糕的藍梅味道跟乳酪配合得十分好，而且蛋糕濃煙既乳酪味加上清新的藍梅甜而不膩真係絕佳既組合，係食完豐盛既一餐之後再食呢個甜品真係好完美既一餐。套餐性價比十分高，而且用料十分足，份量亦足夠，係食蠔既好去處。

九龍城一個自成一角的地段，可謂成了美食的天堂，幾本上在這裡走兩步就會找到一間食肆，而且食肆種類繁多。平時經常來吃泰菜，今回就攪攪新意思，找來一間專食蠔的日本餐廳。聽名就知來頭不少，【蠔門宴】的蠔出名新鮮直送，之前有同事食過都對其讚口不絕。門口有磈牌就已經說明他們的蠔每天由廣島直送到此。一於入內一探虛實。進入餐廳，先是給豪華有格調的裝潢所震驚，餐廳主調以黑白為主，給人一種高雅的感覺。深入餐廳，一個曲尺形的Bar枱，成為餐廳的主調。師傅就在這Bar枱後為客人準備生蠔的啦。枱上放有當日有提供的生蠔種類，客人可以一覽無遺。還有大量不同種類的Sake！我觀覽完一輪就乖乖坐回座回，否則對面位男神大人就要開火的啦。職員見我們一就坐，就端上一碟前菜，是新鮮青瓜、蘿白和紅蘿白條，配上甜甜鹹鹹的醬汁。這個我反倒是不太有興趣，直接就看看蠔是怎樣叫的，歸根究底，今次我是為了食蠔而來呢。原來這裡點酒精類飲品，生蠔可以七折享用。雖然當晚說好了要練車啦，但七折的吸引力是不能講笑呢。Samuel Smith Organic Cider 355ml ＄58立即點來一支產自英國的手工啤，由有機蘋果釀製而成，色澤金黃，醇香