得閒飲茶

營業中

休息中

平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我

#MC帶你去太子.想食點心，唔一定去酒樓先有得食，愈來愈多點心店林立，夜晚都可以食到新鮮出爐嘅點心。➖➖➖➖➖➖➖➖➖➖➖➖➖➖➖✨ 得閒飲茶.餐廳主打傳統及特色創意點心，所有點心即叫即蒸！➖➖➖➖➖➖➖➖➖➖➖➖➖➖🥢 韭黃鮮蝦腸｜$32.腸粉皮幾順滑，原隻蝦仁口感彈牙有蝦味，相當唔錯。➖➖➖➖➖➖➖➖➖➖➖➖➖➖🥢 沙嗲金錢肚｜$31.沙嗲醬味道香濃，牛肚坑紋賣相吸引，質地夠曬軟腍、好入味，仲有豆卜鋪底，吸汁一流！➖➖➖➖➖➖➖➖➖➖➖➖➖➖🥢 蒜蓉粉絲蒸墨魚仔｜$38.墨魚仔口感彈牙，嚼勁十足，粉絲吸滿醬汁，味道不錯。➖➖➖➖➖➖➖➖➖➖➖➖➖➖🥢 蒜香蝦春卷｜$28.三條春卷對半切成三角形，用料好足，每一條都有蝦肉，蒜香味濃郁，香脆可口。➖➖➖➖➖➖➖➖➖➖➖➖➖➖🥢 得獎蝦餃之王｜$36.蝦餃皮薄通透而黏彈，蝦肉爽口彈牙，調味唔算太重。➖➖➖➖➖➖➖➖➖➖➖➖➖➖🥢 蟲草花棉花雞｜$33.雞肉嫩滑，魚肚軟腍入味，整體中規中矩。➖➖➖➖➖➖➖➖➖➖➖➖➖➖🥢 潮州粉粿｜$20.餡料夠曬飽滿，粉果皮厚薄適中之餘而煙韌有彈性，相當唔錯。➖➖➖➖➖➖➖➖➖➖➖➖➖➖🥢 蟲草花魚翅灌湯

點心店林立，亦都好多選擇，所對鍾意食點心嘅人來講係開心嘅。由於3點茶樓飲茶好快落場，所以選擇食點心專門店。🏮椒鹽香脆魷魚鬚炸粉唔夠薄，椒鹽味唔夠重。🏮醬皇蒸鳳爪咸左啲，鳳爪都大隻同腍嘅。🏮蜜汁叉燒包麵粉鬆軟，餡料豐富。🏮沙嗲金錢肚入味，唔韌。🏮春風得意腸整體好味，賣相都好靚，口感上未夠脆，可能因為腸粉皮太濕了。🏮得獎蝦餃之王皮薄餡淡左少少。🏮山竹牛肉球不過不失。🏮懷舊香菇燒賣乾身啲，偏咸。🏮紫薯流沙煎堆仔無想像中甜，有驚喜，紫薯面脆脆地味道幾夾。🏮香茜牛肉腸腸粉厚身左啲。🏮家鄉鹹水角還可以。氣氛的確無茶樓咁好，但全日免加一，只收$6茶錢，而且味道唔錯。

🐨成日都好想飲茶，但又成日唔願起身，所以成日都飲唔到🤣 久而久之就萌生咗飲夜茶嘅想法，但香港飲夜茶嘅選擇唔多，要搵間平靚正嘅真係唔容易，而得閒飲茶就係其中一間夜晚都可以飲茶嘅點心鋪喇😉得獎蝦餃之王 $36四個字，皮薄餡靚，餃皮晶瑩剔透，食落有啲煙韌，餡料就係滿滿嘅蝦肉，食落啖啖肉，爽口彈牙，果然係得獎蝦餃王🥇沙嗲金錢肚 $31個沙嗲真係靈魂嚟，辣得過癮之餘又唔會太咸，金錢肚份量適中，都幾淋身，但記得食埋啲豆卜，因為豆卜吸收哂啲靈魂沙嗲汁，嚿嚿都係精華所在🤪春風得意腸 $42呢個顏色非常吸睛，色彩繽紛，係一個變奏版嘅炸兩😂 由腸粉皮包住炸米網，蝦肉，粟米同菜等等，面層再加上蟹籽，食落口感係極度豐富😋千島醬脆皮蘿蔔糕 $33煎蘿蔔糕成日都食到，但炸到脆卜卜嘅蘿蔔糕又真係第一次食，外層炸到好香脆，而且炸衣都幾薄，成件事感覺幾好，再配埋軟糯嘅蘿蔔糕，個口感好特別，面層嘅木魚碎增加咗食落口嘅味道，而千島醬就將成件事變得更惹味👍🏻蒜香蝦春卷 $28一共3條完整嘅春卷，用料都好足，每一條都會有蝦，一樣炸到脆卜卜，蝦肉都係爽口彈牙，蒜香味都幾濃，佢仲有啲菜用嚟增加口感同埋味道，相當唔錯😚呢到似主打街坊

得閒飲茶呢個term成日都聽到到底幾時先真系得閒去飲啖茶 食個包🤭擇日不如撞日😎今次去到太子嘅一間小店廢話唔多講 我哋入正題🤪-茶芥 $5/位.Order咗之後等大概10-15分鐘食物就陸續嚟到不得不讚嘅系佢哋所有點心嚟嘅時候都系熱辣辣嘅全部都即叫即整呢點加好多分😆.👍🏿得獎蝦餃之王(4隻) $36佢哋嘅蝦餃稱王 講到咁勁 唔系唔試吖嘛😎餃皮厚薄適中 晶瑩剔透 食落煙韌有咬口😆蝦肉飽滿 爽口彈牙最驚喜嘅系佢帶有少少汁令成粒蝦餃唔會好乾身的確好食 對得住佢個名😎味道: 9/10性價比: 7.5/10.👍🏿春風得意腸 $40賣相幾靚仔😎薄薄嘅腸粉皮捲住一層炸米網軟糯嘅口感中又有炸物嘅香脆中間包住彈牙嘅蝦肉 椰菜 粟米 好似仲有馬蹄 食到有啲爽口嘅嘢🤣口感豐富 食落好有層次感加埋面頭嘅蟹籽點綴色彩繽紛 打卡一流🤭味道: 8/10性價比: 7.5/10.👍🏿千島醬脆皮蘿蔔糕 $33煎蘿蔔糕就食得多啦 炸真系好少食🤭影完相蘿蔔糕依然熱辣辣薄而酥鬆嘅炸衣配搭軟糯嘅蘿蔔糕兩種截然不同嘅口感相映成趣 幾得意😚略嫌外層偏油🙌🏿上面仲落咗千島醬 食落好惹味😛可惜木魚碎同佢唔系好match有種畫蛇添足嘅感覺

主打傳統特色創意點心即叫即蒸，用心製作啱晒飲啖茶，食個包，食吓點心得閒飲茶😁更曾獲🏆「2011美食之最大賞蝦餃之王」。得獎蝦餃，好大粒，餡靚多汁，蝦肉新鮮彈牙😃其他點心也精緻美味，創意十足😋

飲茶好多時俾人地個印象主要都係飲早茶🌞有時夜麻麻想飲個夜茶都諗唔到可以去邊🫖咁既然得閒想飲茶就緊係要去“得閒飲茶”‼️*❣️得獎蝦餃之王 $34話明得獎無可能唔食啦🏅️皮薄 蝦肉好多好大舊🦐食落粒粒蝦餃都好彈牙果然得獎嘅蝦餃係唔同啲*❣️沙爹金錢肚 $28好入味 好有香濃嘅沙爹醬汁味🥜仲會有豆腐卜嘅出現就連豆腐卜都入曬沙爹味 正正*❣️糯米雞 $32係足料嘅糯米雞有成個竹籠咁大舊嘅糯米雞唔好睇少呢隻糯米雞 係包到實一實真係有足唔同餡料🥚🍄🐥*❣️蜜汁叉燒腸 $26腸粉皮皮薄滑身每舊腸粉都睇得好清啲叉燒粒叉燒粒又無肥豬肉嘅出現🐷不錯不錯*❣️千島醬脆皮蘿蔔糕 $31炸到熱辣辣 好脆身🔥蘿蔔糕面灑木魚碎仲加埋千島醬都算係新派蘿蔔糕🥕不過咁樣又幾夾下🙈*❣️京蔥香煎菜肉包 $26包面金煎到黃色外脆內軟 啲菜肉汁好正下個人幾鍾意呢個菜肉包🥰🥰

🔸得獎蝦餃之王 ($34)作為得獎點心，來到當然要一試🏅餃皮有黏彈的筋性，餃餡蝦肉爽口帶香，混入爽脆清新的韭黃，肉汁豐富，做到名副其實的皮薄餡靚🔸黑金流沙包 ($33)有別於常見的白色流沙包，烏卒卒的外皮，相信是以黑炭造成，賣相份外吸引。熱辣辣的奶黃餡頗流心，咬下去微甜的奶黃，加上香濃的鹹蛋黃，食到停唔到口🔸千島醬脆皮蘿蔔糕 ($30)中式的蘿蔔糕，以一層香脆可口的外皮包裹着，炸粉不會太厚，內裏有一條條蘿蔔絲及臘腸，面頭灑上大量日式木魚絲襯托，加上酸酸甜甜的西式千島醬。這款中西日合壁的fusion點心，咬下去層次感及味道均十分豐富🔸懷舊香菇燒賣 ($28)燒賣一籠四粒，餡料飽滿，豬肉醉加入香菇及脆卜卜蟹籽，味道口感控制得宜🔸沙嗲金錢肚 ($27)沙嗲醬味道香濃，金錢肚的坑文吸盡醬汁的精華，食落十分入味，而且爽口彈牙🔸韭黃鮮蝦腸 ($30)皮薄的腸粉，透出每件內裡放有原隻鮮蝦，蝦肉爽脆鮮甜，點上醬油，鹹鮮味十足🔸3.6牛乳太陽蛋 ($25)食完點心仲有豐富嘅甜品🍨這個太陽蛋外型吸晴，上面放上蛋黃造型的啫喱，底層牛乳味香濃，食落滑溜🔸香芒凍布甸($20)布甸裡的芒果肉既多又新鮮，真材實料，

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻咁岩得閒，所以去左''得閒飲茶''食點心傳統高質點心。想知道又靚又好玩地方?    fai.lok.mode仲會係社交平台分享相片同攝影心得 ______________________________ 第一次黎，都係叫"餐廳推介"就最好，得獎蝦餃之王  ( $34 )可能心理作用，見到佢有得獎過，好似都特別好食，皮薄餡靚，推介。香茹燒賣  ( $28 )燒賣大大粒，肉餡都好實淨，好抵食。春風得意腸 ( $38 )春風得意腸 就係腸粉包住春卷，上面放左少少蟹籽，中間個春卷蝦餡都大隻。龍蝦湯鮮竹卷  ( $31 )本身係因為龍蝦湯汁，所以先叫鮮竹卷，但淨係點龍蝦湯，個鮮竹卷無咩龍蝦湯味，要淨飲龍蝦湯汁先有味。千島醬脆皮蘿蔔榚 ( $30 )雖然好新穎配搭，但感覺唔係好夾，有啲失色係個脆皮炸得少少硬同乾。牛仔骨蒸飯  ( $44 )鍾意食牛的朋友仔要必點，fai.lok一般飲茶食點心，都會叫一個飯，牛仔骨蒸飯就真係好少有，牛仔骨煮得一點都唔韌，肉質鮮嫩

成日同人講🗣得閒飲茶啦❗真係估唔到真係有間店叫「得閒飲茶」🤣 好多老一輩👵🏻👴🏻都鐘意飲茶，但年輕既一代👧🏻🧑🏻未必鐘意去酒樓飲茶☕，而依間餐廳主打傳統及特色創意既點心，我哋去個日仲有啲學生係度食，所以啱曬所有年紀既人去👵🏻👴🏻👧🏻🧑🏻 同埋，我哋去個日係平日，而且過左食lunch 🕓 時間去都好多人🥵 整體服務質素幾好👍 點心都好有質素架⁉️ 老闆曾經係大酒樓做過點心部總廚，而且依間餐廳既食物獲得唔少既獎項，例如: 「2011美食之最大賞」﹣榮獲至高榮譽金獎🏆、甜品創意大獎🏅、蝦餃之王美譽🏅 ==============================🏅得獎蝦餃之王 💲34 蝦餃皮薄，而且都幾煙韌，餡料爆滿，每隻蝦🦐都好彈牙👍🏻 名副其實既蝦餃之王👑 🥟灌湯京滬小籠包 💲26一咬好多湯汁流出嚟😍😍 而且夠熱同好清甜👍🏻小籠包既皮厚度適中，入面既豬肉肥瘦適中👍🏻🥢春風得意腸 💲38依款菜式好特別，似平時食開既炸兩腸，但依款口感及餡料更加豐富😍 最外層係腸粉皮，第二層係脆米網，應該係即叫即炸，因為都幾熱同好脆口👍🏻最入面有蝦🦐、椰菜🥬、粟米🌽 頂層仲有蟹籽😍 🥢千島醬脆皮蘿蔔糕 💲30依款

好耐冇食點心 諗住去食一點心 但係實在太多人排隊所以果斷放棄🤣去咗食隔離嘅呢間 得閒飲茶🤭排咗一陣就入到去～呢間嘅點心都係即叫即蒸 全部熱辣辣😛😛而且茶位都係$4一位 又唔使加一 好抵食!▪️得獎蝦餃之王 $34👅：8.5/10蝦餃絕對係飲茶必叫😍😍呢間嘅蝦餃非常出色皮好薄 好煙韌 隻蝦好大隻飽滿同爽口調味亦都啱啱好▪️醬皇蒸鳳爪 $23👅:6.7/10調味偏辣 但係好惹味好入味 鳳爪都蒸得好淋份量同普通茶樓差唔多 三四隻左右▪️灌湯京滬小籠包$26👅:7/10個皮好煙韌而且唔會好厚 唔會食落成口粉嘅感覺一咬開啲湯汁全部流晒出嚟😍 好有鮮味入邊嘅肉肥瘦適中 食到好香嘅油脂味▪️黑金流沙包$33👅:9/10俾佢賣相吸引咗😍好吸引呀😆一咬落去熱辣辣嘅奶黃餡即刻流晒出嚟～個餡好好食 好香鹹蛋味▪️春風得意腸$37👅:7.5/10個名好搞笑😂其實就類似炸兩腸粉 腸粉入面包住油炸鬼 入面再包住蝦肉～口感非常豐富 油炸鬼非常脆口 蝦肉亦都非常彈牙👏🏻▪️千島醬脆皮蘿蔔糕 $30👅:7/10外脆內軟😍蘿蔔糕炸得好香脆 另外仲食到啲蘿蔔絲 好有口感 唔似平時茶樓嗰啲蘿蔔糕咁將蘿蔔絲全部搞碎🙈再配上千島醬同木魚絲

成日同人講 「得閒飲茶」🫖今日真係去 得閒飲茶·Let’s YUM CHA 嘆點心🧆4個人，叫左一人一盎燉湯+成檯點心🧆蝦餃，燒賣，黃金糕，蘿蔔糕，龍蝦汁鮮竹卷，椒鹽魷魚鬚，兩款腸粉！！蝦餃，燒賣基本上是飲茶必點之品，「得閒飲茶」做得出色，皮薄餡靚，絕不似茶樓機做之感👍🏻👍🏻最有特色的是千島醬脆皮蘿蔔糕🤤外脆內嫩，食到一絲絲蘿蔔，一上檯熱辣辣食的話，口感最佳，忍唔住食完又食，叫左兩碟，所以一定要試脆皮蘿蔔糕🌟🌟🌟🌟最後叫左個3.6牛乳太陽蛋甜品作結，完美🌹❤️據說蒸飯都好食，但今天以點心為主，留待下次試😌

點心店傳統同特色創意點心都有🤣所有點心即叫即蒸，價錢又平民化。茶位都係$4/位，又免加一，佢地既蝦餃仲有「蝦餃之王」既美譽。中午唔知食咩好，又好耐冇食點心，就黎左飲過靚茶🤣。-💕得獎蝦餃之王 $32💕黑金流沙包 $32💕春風得意腸 $37💕千島醬脆皮蘿蔔糕 $30💕牛仔骨蒸飯 $44✨茶位$4✨免加一-💕 得獎蝦餃之王👅好味指數：7/10蝦餃整粒都好飽滿，皮厚薄適中煙韌口感，蝦比一般店既大粒小小調味都剛好。-💕 黑金流沙包👅好味指數：9.5/10拍片滅開既時候都估佢唔到會爆汁🤣🤣❗️嚇到我彈左彈😂🤣🤣真係熱辣辣，即叫即整❗️滅開仲岀哂煙☺️香甜奶黃餡，完全冇顆粒感，必食‼️-💕 春風得意腸👅好味指數：6.8/10創意作春風得意腸用傳統腸粉皮，包住脆米網、蝦、粟米、粒粒蟹子，脆卜卜口感係幾正既，有啲似日式炸蝦卷但如果唔加粟米，將佢整成一個真係中式炸蝦卷咁反而更好更吸引😆-💕千島醬脆皮蘿蔔糕👅好味指數：8/10有小驚喜😳！外型柴魚加上千島醬真係做得好似章魚小丸子🤣外層香脆口感😳，又唔會過厚，配埋千島醬同柴魚，不諗口感真係似食緊小丸子咁🤣蘿蔔糕內仲食到小小既蘿蔔絲，並唔係完全攪溶反而更有口感😳不錯！

🦈 蟲草花魚翅灌湯餃 $32💯 評分：🌕🌕🌕🌕🌗 (4.5/5)💬 蟲草花爽脆有咬口，亦食得到有少量嘅魚翅。灌湯餃皮薄、餡料味道都唔錯，啲湯喺個盅入面熱辣辣，唔太鹹飲晒都唔會口渴。😚🦐 得獎蝦餃之王 $32💯 評分：🌕🌕🌕🌕🌕 (5/5)💬 水晶外皮薄得嚟不失煙韌口感，內餡飽滿十分足料，更加入咗原隻蝦仔製造出豐富嘅層次。😄🥟 灌湯小籠包 $26💯 評分：🌕🌕🌕🌕🌑 (4/5)💬 湯汁不出所料地多到一咬就噴出嚟，皮都夠煙韌唔會一夾即爛。豬肉粒肥瘦尚算均勻，食落有滿滿肉同油脂嘅香味。😌🥐 黑金流沙包 $32💯 評分：🌕🌕🌕🌕🌕 (5/5)💬 賣相非常吸引，「烏卒卒」啱晒影相打卡！奶黃餡頗流心仲熱辣辣，一咬落去即刻爆汁，細細個食完都唔覺得膩。😍🥥 椰香黃金糕 $20💯 評分：🌕🌕🌕🌕🌑 (4/5)💬 口感煙韌彈牙，散發淡淡椰香，食落甜而不膩。😉🍤 春風得意腸 $37💯 評分：🌕🌕🌕🌕🌕 (5/5)💬 腸粉皮既薄又夠濕潤，包住有蝦等嘅脆卜卜內餡，上面仲有啲蟹籽令口感更添層次。😋🥬 白灼菜芯 $19💯 評分：🌕🌕🌕🌑🌑 (3.5/5)💬 菜芯相當新鮮，條條都水份充足。😃🥕 千島醬脆皮蘿蔔糕 $3