影片
更多
2024-08-22
1009 瀏覽
平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我
首先打頭陣嘅係得獎蝦餃之王$36/4隻
得獎蝦餃之王
$36
268 瀏覽
0 讚好
0 留言
餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。
沙嗲金錢肚$31
沙嗲金錢肚
$31
18 瀏覽
0 讚好
0 留言
我自己好中意食金錢肚，但可惜而家部份酒樓嫌製作麻煩而取消呢款點心😫。
金錢肚切到大件，炆到好軟淋，沙嗲醬亦無過份杰。
千島醬脆皮蘿蔔糕$33
千島醬脆皮蘿蔔糕
$33
17 瀏覽
0 讚好
0 留言
餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。
蒜香蝦春卷$28
蒜香蝦春卷
$28
90 瀏覽
1 讚好
0 留言
呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。
原籠牛仔骨蒸飯$46
原籠牛仔骨蒸飯
$46
15 瀏覽
0 讚好
0 留言
呢個蒸飯好大盤!! 夠哂兩個人食。😯
牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我食唔出係咩，只覺得撈飯食嘅話，唔及蒸鳳爪排骨好味🙈
陳村粉蒸排骨$27
陳村粉蒸排骨
$27
48 瀏覽
0 讚好
0 留言
呢個點心望落普通、色水又唔靚，但味道卻好好😋。排骨多肉又軟淋淋，下面D陳村粉夠滑之餘，又吸左少少蒜香，唔錯。
春風得意腸$42
春風得意腸
$42
34 瀏覽
0 讚好
0 留言
最後上枱嘅得意腸，賣相最好。最先食左兩舊嘅我，仲以為有兩款口味😂因為第一件有蝦、茜芹味，第二件無蝦無茜芹、但有粟米。食多件先發現原來全部一樣，只係材料唔均勻…🤦整體影相好睇，但味道一般。
雖然每款點心單價唔平，但茶錢$6/位，加上全日免加一，我地兩個人飽到夜晚7點都只係$255，性價比都算唔錯。注意餐廳好似只收現金。Openrice好煩，成日唔批食評，話有優惠要申報😑 自費架，無優惠呀！D
張貼
