Homeland (牡丹大廈) (已搬遷) 新店位置

星期六同男朋友黎到大角咀食晚餐，想食手工意粉好耐啦。德國腸拼盤有三款腸: 雷根斯堡腸、紐倫堡腸、芝士豬肉腸，仲有薯蓉同德國酸菜。三種腸各有特色，除左煎香佢，應該仲加左啲調味令佢好入味，薯蓉最尾會帶甜，好好食。賓尼迪蛋有煙三文魚、牛油果、煙肉、腸、沙律、英式鬆餅，份量十足。蛋白入面係流心蛋，同英式鬆餅一齊食好正。秘製伊比利亞火腿卡邦尼意粉係手工意粉，比平時既煙韌同硬身，比較有咬口，幾特別，醬汁十分稠身，好邪惡。

聽過Homeland呢個名好耐，因為大角咀都算系有小小格攝嘅地方，平時都吾會話特登去🙈大埔分店同樣離自己好遠，今次終於的起心肝去咗大角咀分店食。好彩訂咗位，去到坐咗一陣已經好多人😳餐廳人氣真系甚高。餐廳喺環境方面都擺咗吾少心思，天花嘅植物裝飾配燈好有創意，個佈局都似屋企，可以喺度感受到家的感覺😊呢度有羽衣甘藍沙律，感覺上比一般嘅沙律特別，所以叫呢個。羽衣甘藍又靚又健康💚可以話系想keep fit人士好好嘅選擇。雞胸肉好似玫瑰🌹睇到都想食😆話系雞胸肉，食落吾會好「鞋」，仲帶少少肉汁。忌廉鮮蠔湯應該得好少地方有，裝飾器皿有心思同埋搭配到👍🏼蠔湯嘅質感一睇就知好稠身，味道更系超乎想像，系好鮮嘅蠔味，好似真系食緊蠔咁😻仲吾腥，飲完大滿足。自選醬料雞翼，可以揀鹹蛋黃/ 松露芝士/ 柚子蜜/ 明太子，揀咗松露芝士試試。雞翼表面嘅芝士好多🤤同埋雞翼炸得好脆，啖啖都食到好豐富嘅芝士。最近做緊生酮飲食，叫德國腸拼盤再適合不過。有雷根斯堡腸、紐倫堡腸、芝士豬肉腸，每一款腸都好好味呀，中意芝士腸同埋其餘兩款腸嘅結實口感。豬肩肉平時都比較少食，喺度當然都叫黎試吓。豬肉經過燒烤後燒嘅味道更突出，豬肉肉質好軟稔，

同朋友約食飯，有人講起呢間café，就決定黎大角咀試下。全間舖係裝修都非常色彩繽紛，有預先訂位，於是就坐左係角落嘅四人位，一坐低就比膠袋我地入口罩，都幾貼心。首先係飲品上先，兩個朋友都叫左本地手工啤，分別係麥子白蘭花（$68）同碼頭咕喱（$68）。佢地話都唔錯，不過唔記得影相。我叫左浮華墨紅玫瑰茶（$48），上枱用蠟燭台座熱，花香清新。跟住上左德國腸拼盤（$98），正正常常，估唔到下面有薯蓉都幾好食。無諗到香草牛油蒜香焗田螺（$88）原來幾大份，田螺好香蒜味，但最正嘅都係薯蓉，索晒蒜香，加上本身好濃嘅牛油味，好食又幼滑。聽講呢度出名手工意粉，就叫左牛油果三文魚闊條麵（$98），意粉本身唔錯，牛油果軟熟，煙三文魚比想像多，但整體份量比想像中細。最後就主菜係香煎西班牙伊比利亞豬肩肉（$148，9成熟），店員推介可以試下食9成熟，切開有少少粉紅色，嫩滑多汁，都算唔錯，不過現場食量比較大嘅朋友就可惜份量唔算多。原本就要加一，不過埋單咁岩有九折優惠，計落都算可以。

今日因為交收嘅關係，去咗大角咀附近食嘢，就發掘左呢一間西餐廳😍見到個價錢都幾平，同埋都好多人食就走咗入去試啦😝德國腸拼盤🇩🇪 $98有三款腸，分別係雷根斯堡腸，紐倫堡腸，芝士肉腸，薯蓉🌟每款腸都有滿滿嘅肉汁，而且外皮好香脆❤️當中最鍾意嘅係芝士肉腸，切出嚟流晒啲肉汁出嚟，而且係微辣🌶㗎，仲有芝士🧀嘅鹹香，咬落去好有質感👍🏻意式牛肝菌野菌燉飯 $98呢個燉飯都睇得出好有誠意，估唔到呢個價錢都會有咁靚嘅擺盤❤️😍將啲野菌整碎加入啲忌廉汁入面，食落真係有好香嘅菇味。而且仲做到拉絲嘅效果🧀係比較濃味嘅一個燉飯。而且因為用嘅芝士份量都多，所以都幾飽㗎，兩個人share就啱啱好啦😜香煎西班牙伊比利亞豬肩肉 $148👍🏻小編推薦❤️豬肩肉可以揀全熟或者九成熟，今次小編就揀咗全熟啦😜雖然係全熟，但係肉質仲係好鮮嫩🥰咬落係比較爽口嘅，有少少似豬頸肉嘅質感🐽個邊位有少少肥肉，豬味濃厚，加咗少少鹽調味❤️ 真心比呢個豬肉驚艷到😃 仲有最鍾意係佢嘅薯蓉，個薯蓉非常滑，好香牛油同忌廉味🧈而且份量好多，小編超級鍾意食😍😍已經準備book定下一次啦環境方面，餐廳入面都好光猛，而且有好多張枱。因為多人嘅關係，今次小編坐吧枱，

位置上有少少偏 但其實都係旺角落少少餐廳裝修好有心機 木製家品為主有家的感覺加埋周圍都有文宣同香港貼紙💛 感覺更加強haha晚餐同朋友食叫下叫下都多 份量都唔少🍽冬陰功海蝦闊條麵 $128一向好鐘意闊條麵 呢到既麵身好彈牙！加埋個冬陰功味crossover 有新鮮感🤤 怕辣都唔驚可以試！🍽香煎西班牙伊比利亞豬肩肉 $148都係非常高質 肉味夠濃又多汁又好軟薯蓉都好creamy 好好食 配埋個汁岩岩好 (配肉反而覺得佢蓋過左肉味)🍽德國腸拼盤 $98平時超市買條德國腸都要差不多10蚊一條所以呢個價錢都可以接受😆芝士腸同雞肉腸都好好食🤤🍽 招牌甜品拼盤 $148其實都係2款甜品 + 2粒macaroon 同生果所以價錢上可以自己衡量 因為甜品係冇得揀💁🏻‍♀️macaroon 食開心果味非常鐘意！食落唔會覺得食緊好多糖🍻叫左2款craft beer 有太多味好多選擇有彩蛋海鹽朱古力 $68但海鹽同朱古力味都係有 麥味比較重Overall 食得好滿足 環境好chill有個好似星期五既星期一💛

近日知道舊同事要移民，所以相約出黎食飯敍一敍順便歡送對方。Homeland門面非常搶眼，鮮艷嘅霓虹燈配上磚牆及塗鴉，十分易認。因為疫情關係，每張枱都有一支酒精搓手液，十分貼心。而且店員係換枱之間都會徹底清毒，令人食得更放心同舒服。打開餐牌見到抗疫套餐，價格都幾抵食就同友人各點一個。前菜沙律新鮮，加上酸甜沙律醋，零舍開胃。跟餐點咗檸檬茶，茶底唔澀啱啱好。卡邦尼意粉彈牙，有麥香配上香濃芝士汁同香口煙肉，整體配搭相宜。伊比利亞火腿同埋蛋黃再令味道更豐富幼滑。唔錯。香城漢堡份量十足，牛肉五成熟之餘亦帶肉汁，食落唔會乾口。漢堡包明顯唔係一般貨色，再加上烘烤過令香氣更足。配上洋蔥／蕃茄及芝士，口感味道都好好。薯條厚身又唔油，唔錯。套餐小食就揀咗炸蠔同埋德國腸拼盤。炸蠔脆漿厚薄適中，蠔肉炸到啱啱好內裡仲仍然濕潤，好味道。香腸方面份量又係十分咁多，法蘭克福／香草白肉／芝士腸仲配一大底薯蓉，份量同一個正餐不遑多讓，但價錢只係＄８８，真係超抵。香腸食落偏咸，但配上酸椰菜同食，除咗中和味道，仲可以減低油膩感。薯蓉奶香幼滑中仍帶有顆粒感，好味道。一邊食一邊傾計，真係快樂不知時日過。呢度環境舒適，食物質素又唔錯