Homeland (牡丹大廈) (已搬遷) 新店位置

星期六同男朋友黎到大角咀食晚餐，想食手工意粉好耐啦。德國腸拼盤有三款腸: 雷根斯堡腸、紐倫堡腸、芝士豬肉腸，仲有薯蓉同德國酸菜。三種腸各有特色，除左煎香佢，應該仲加左啲調味令佢好入味，薯蓉最尾會帶甜，好好食。賓尼迪蛋有煙三文魚、牛油果、煙肉、腸、沙律、英式鬆餅，份量十足。蛋白入面係流心蛋，同英式鬆餅一齊食好正。秘製伊比利亞火腿卡邦尼意粉係手工意粉，比平時既煙韌同硬身，比較有咬口，幾特別，醬汁十分稠身，好邪惡。