The Americano By Texas Burger (已結業)

上次黎呢度食程班長嘅時候，臨走見到呢間the Americano，門口啲裝飾幾靚，事後search過先知原來係漢堡店，而且本身喺天后Texas Burger嘅分店，週六趁假期就過左黎試下。雖然位於工廈，但餐廳環境好舒適，位置好多，而且相當闊落，加上我地下午茶時間黎到，客人唔算好多，感覺好悠閒，如果想同朋友傾下計，食少少野，係不錯的選擇。不過天氣稍熱，加上環境較大，所以冷氣有少少弱，幸好店員安排我地坐喺流動風機旁邊，cool down得快啲。雖然主打美式漢堡，但餐牌都尚有其他選擇，例如：全日早餐、鬆餅、班戟、奄列、吐司、意粉、意大利飯、烤骨、小食、沙律等，定價中上。因為我地都食過早餐，見到漢堡份量不少，決定點一份share，另外揀左沙律。見到呢個「天氣瓶」都幾親切，因為我都試過喺工廈學做天氣瓶。煙三文魚沙律 $98沙律材料豐富，有沙律菜、煙三文魚片、紅洋蔥、車厘茄、燕麥、同一顆62度蛋，配以柑橘沙律汁。沙律菜、蔬果等都係新鮮，沙律汁味道唔會好濃，保留蔬菜嘅原味。煙三文魚片相當大塊，唔會好鹹，調味適中，整體食落夠fresh，特別我地已經食過午飯，就唔會太飽滯。雞蛋強調62度，拮開都呈半熟狀

荔枝角好多好食嘅餐廳都係億利 因為都好抵食 已經食第二次 餐廳裝修得好靚 有美國西部style 座位寬敞 叫左兩個推介漢堡 荔枝角好多好食嘅餐廳都係億利 因為都好抵食 已經食第二次 餐廳裝修得好靚 有美國西部style 座位寬敞 叫左兩個推介漢堡 德州燒烤漢堡 HKD108入面係超足料嘅煙燻牛肉漢堡 咬落去啖啖肉 而且加埋秘制墨西哥燒烤醬 好夠味 同埋好中意個漢堡係整到脆脆地 好香口煙燻鵝肝漢堡 HKD168同樣入面都有大大份牛肉漢堡 餓肝都好煎得好香 加埋黑醋汁 食落去冇咁膩 個人中意哩個漢堡多啲香蒜巴馬薯條 HKD48一放上台 即刻聞到好濃烈嘅蒜香味 但食落都唔係好大蒜味 唔太中意蒜味嘅人都岩食 薯條係新鮮炸 超好味！整體好滿意 食得舒服 環境都靜 係晚餐聚會傾計嘅好地方 下次會在黎試埋其他菜式！

在D2 place逛過後晚上時分再在附近找美食網上發現到這間餐廳好像不錯所以特意到訪原來是位於工廠大廈內一入來就看到很重美國味道的霓虹燈想起之前我們在美國費城吃過的一間漢堡店也有同樣的裝飾加上位於隱閉的工廈有點到了美國的感覺看看餐牌我們點了108元的德州燒烤漢堡以及128元的路易斯安那什錦燴飯飲品方面分別選了46元的Iced Premium Chocolate以及40元的Peach Soda另外再加了48元的美式焗蘋果金寶配雪糕作為甜品先來的是Peach Soda桃味很突出的飲品很清新味道略酸但在最近比較潮濕悶熱的天氣下吃到這杯飲品非常舒暢而我就選了Iced Premium Chocolate一送來時很大杯很吸引不過後來發現原來大部分都是奶泡擺著不喝的話會好像被人偷喝了一樣雖然味道還算不錯朱古力味也夠濃但實際份量太少了比較下價錢有點高之後就是德州燒烤漢堡非常大份裡面有很厚的牛肉還有非常豐富的配料一咬之下所有肉汁和配料混合一起很濃味加上還有薯條和酸瓜若果不太肚餓兩人吃這個也很足夠再來是路易斯安那什錦燴飯燴飯就是比較濕身但味道竟然也很不錯因為下了點青椒所以吃起來很夠香不過老婆仔略嫌太辣而且

香港依家仲有好多工廠區，荔枝角算喺其中一個較大規模嘅工廠區，想當年，小弟都晌依區做過唔少暑期工架。眾所周知，依家嚟工廠區，已經成為搵好嘢食嘅地方。最近，所認識嘅餐廳店主晌億利工業中心開咗間姊妹店，同樣賣美式美食，所以，趁周六走過嚟捧捧場，支持吓。廠廈嘅租金相對旺區、地鋪平一大截，所以，一走進餐廳嘅感覺就喺地方寬敞、環境闊落，加上樓底高，予人空間感十足。餐廳帶點美國風嘅裝潢，一室以木系為主，再拼一邊白色仿磚牆，配以別緻嘅掛燈，整體感覺柔和自然。對比起佢天后舊店，真喺天淵之別，不過，晌廠度搞飲食都唔喺必贏，都要考慮有無足夠人流。食物選擇方面，定位為姊妹店，故既有舊店嘅招牌漢堡，又有多種特色大盤，此外，從新店名字嘅推敲，咖啡亦可能會喺店中嘅主打。概括而言，店中食物嘅選擇有好多，前菜、小食、沙律、餐湯、特別推介、漢堡、意粉、飯類、甜品、奶昔……等等。傳統美式豐富早餐 $108其實依家周圍都食到全日早餐，普遍到差唔多逢喺咖啡室都有賣，而且，要做亦唔難，好壞分野好多時取決於用料。眼前嘅全日早餐，觀測所見，大烤菇取代一般雜菌，煙肉大片而極少脂肪，豬肉腸都唔似普通貨色，入口皮脆多汁，真喺用料不賴，仲有

行開呢頭買完野，跟住搵地方食晚餐，突然好想食漢堡包，冇諗到呢幢大廈有咁多餐廳，見到有漢堡包食仲係新開，所以就上嚟試下～望吓餐牌見到招牌菜德州燒烤漢堡Texas BBQ Burger $108好吸引所以就叫左一個～ 送到上枱個漢堡包好大個，同餐牌嘅相一模一樣，一樣咁大舊，絕對有圖有真相！！好難一口就咬哂一啖～ 個包烤到好脆，材料好豐富：除咗個漢堡，仲有好香脆嘅煙肉，洋蔥圈，同爽口嘅菜，個漢堡仲要好厚好juicy烤得黎仲鎖住到肉汁～ 好好味，推介！！跟著叫咗個all day breakfast＄108，又係好豐富，兩塊多士/兩塊薯餅/兩條香腸/兩塊煙肉/兩隻蛋/一個冬菇/沙律/茄汁豆，超級豐富咁嘅價錢真係非常抵食！！ 即叫即整，多士/薯餅好香脆，好正！！ 香腸同冬菇好味，沙律好新鮮配埋d汁好醒胃～買單時先發現原來呢間餐廳同天后嘅Texas Burger係同一個老闆，所以個漢堡包係同名，兩間做漢堡包做得咁pro好出色！！ 食過天后嘅Texas Burger我已經覺得好好味，新開呢一間嘅我覺得更加好味好有水準，值得推介！！

行開呢頭見完工之後就同媽咪撐枱腳，查openrice見對面呢度有漢堡包食，急不及待去食好d～德州燒烤漢堡同餐牌個圖一樣大大件，厚厚嘅漢堡牛肉食落口中味道好好味好juicy，配埋洋蔥圈/煙肉/新鮮爽口嘅蔬菜同香脆嘅麵包，簡直令味蕾嘅享受達至巔峰～ 平時我好少食酸青瓜，但呢度嘅伴碟酸菜青瓜醃得好好味好醒胃～ 薯條夠熱同脆口，好味～ 呢個德州燒烤漢堡果然係必食之選！！另外亦叫咗個Egg Benedict，個蛋煮得超級啱啱好，切開仲係流心的，煑得好靚有水準！！ 再配上佢嘅醬食鬆餅，少少酸好開胃，好味之選！！飲品叫咗一杯凍咖啡同熱咖啡～ 如果鍾意飲咖啡，佢哋呢度有多種選擇：有本地嘅烘焙咖啡豆，或者手沖咖啡係嚟自埃塞羅比亞椰加雪夫，又或者呢度Expresso Blend結合左四個不同產地嘅精華(包括咗哥倫比亞，蘇門答臘，巴西同埃塞羅比亞)，使個Expresso有多種層次感，推介～總括：食物製作超級有誠意，抵食好味，會再encore！！