影片
更多
2016-09-12
469 瀏覽
香港依家仲有好多工廠區，荔枝角算喺其中一個較大規模嘅工廠區，想當年，小弟都晌依區做過唔少暑期工架。眾所周知，依家嚟工廠區，已經成為搵好嘢食嘅地方。最近，所認識嘅餐廳店主晌億利工業中心開咗間姊妹店，同樣賣美式美食，所以，趁周六走過嚟捧捧場，支持吓。廠廈嘅租金相對旺區、地鋪平一大截，所以，一走進餐廳嘅感覺就喺地方寬敞、環境闊落，加上樓底高，予人空間感十足。餐廳帶點美國風嘅裝潢，一室以木系為主，再拼一邊白色仿磚牆，配以別緻嘅掛燈，整體感覺柔和自然。對比起佢天后舊店，真喺天淵之別，不過，晌廠度搞飲食都唔喺必贏，都要考慮有無足夠人流。食物選擇方面，定位為姊妹店，故既有舊店嘅招牌漢堡，又有多種特色大盤，此外，從新店名字嘅推敲，咖啡亦可能會喺店中嘅主打。概括而言，店中食物嘅選擇有好多，前菜、小食、沙律、餐湯、特別推介、漢堡、意粉、飯類、甜品、奶昔……等等。傳統美式豐富早餐 $108其實依家周圍都食到全日早餐，普遍到差唔多逢喺咖啡室都有賣，而且，要做亦唔難，好壞分野好多時取決於用料。眼前嘅全日早餐，觀測所見，大烤菇取代一般雜菌，煙肉大片而極少脂肪，豬肉腸都唔似普通貨色，入口皮脆多汁，真喺用料不賴，仲有
廠廈嘅租金相對旺區、地鋪平一大截，所以，一走進餐廳嘅感覺就喺地方寬敞、環境闊落，加上樓底高，予人空間感十足。餐廳帶點美國風嘅裝潢，一室以木系為主，再拼一邊白色仿磚牆，配以別緻嘅掛燈，整體感覺柔和自然。對比起佢天后舊店，真喺天淵之別，不過，晌廠度搞飲食都唔喺必贏，都要考慮有無足夠人流。
食物選擇方面，定位為姊妹店，故既有舊店嘅招牌漢堡，又有多種特色大盤，此外，從新店名字嘅推敲，咖啡亦可能會喺店中嘅主打。概括而言，店中食物嘅選擇有好多，前菜、小食、沙律、餐湯、特別推介、漢堡、意粉、飯類、甜品、奶昔……等等。
傳統美式豐富早餐 $108其實依家周圍都食到全日早餐，普遍到差唔多逢喺咖啡室都有賣，而且，要做亦唔難，好壞分野好多時取決於用料。眼前嘅全日早餐，觀測所見，大烤菇取代一般雜菌，煙肉大片而極少脂肪，豬肉腸都唔似普通貨色，入口皮脆多汁，真喺用料不賴，仲有其他細節位，如多士都喺搽足牛油先烘，所以，咬落香脆之餘，甚富牛油香味；至於睇唔出、又未切食到分別嘅，就仲有店員所講沙律菜採用有機貨色，雞蛋嚟自美國，但如果雞蛋可以俾啲客選太陽蛋或炒滑蛋就更好喇。
德州燒烤漢堡 $108漢堡喺佢哋嘅招牌，當然要再試吓，睇睇同天后店有無分別，德州燒烤漢堡更喺當中嘅店家嘅重點推介，而每份漢堡已配有薯條同酸瓜。佢哋啲漢堡超巨型，中間嚿牛肉真喺足成吋厚，橫切開，拿上手一比，清晰可見。店員話佢哋依足傳統製作，以生菜墊底，加入車打芝士、脆煙肉、炸洋蔥圈，配上自家秘製墨西哥青椒燒烤醬，襯上鬆軟嘅麵包，所以，入口真喺好有層次，味道豐富，尤其件漢堡扒，既濃肉香，又富肉汁，不過，要挑剔就肯定喺製作時未夠嚴謹，啲餡料東歪西扯。
個傳統美式豐富早餐包一杯指定飲品，不過，幾款指定飲品老婆都唔太啱，所以，從飲品餐牌中搵到更心水嘅朱古力。而飲品方面，有一系列嘅咖啡、熱茶、果汁、梳打、啤酒……等等！
Hazelnut Chocolate $44老婆都一樣喺朱古力嘅粉絲，所以，點一杯榛子朱古力，拉花極之靚，卻又唔喺得個樣，朱古力味好濃郁，同時滲出榛子香味，用奶泡代替一般花奶，口感自然更柔滑。
Caffe Latte $30哈哈，小弟都喺慣性，揀番鮮奶咖啡，其實賣相做得唔錯，拉花花紋好細緻，但喺，入口嘅口感差啲啲，唔夠一致性，第一口飲落喺會有種唔夠均勻嘅感覺，覺得又喺奶泡撞落濃縮咖啡時嘅手勢問題，小弟都學過吓拉花，明白依一樣嘢真喺易學難精。
無論個全日早餐定個招牌漢堡，都食得出佢哋用料精，加上環境舒適，又唔收加一，真喺星期六嚟食個早午餐確喺幾爽。不過，星期日卻喺休息日，咪撞上嚟，只會摸門釘！
題外話/補充資料：
人均消費喺以正價計，等大家有個參考，食物喺店主請，飲品喺自費！
(以上食評乃用戶個人意見 , 並不代表OpenRice之觀點。)
張貼
