GOGO Rock (已結業)

openRice見到呢間餐廳食評都係正評，又見佢新開就book咗呢一間同我朋友慶祝生日經OpenRice book亦都會有八折！餐廳極之容易搵大大個名係門面，平日唔算多人，入座時只有幾張枱，問餐廳職員開咗幾耐，原來只開咗一個多月，佢話平日都會爆枱，所以最好book枱職員好主動咁介紹有啲乜嘢係好食同王牌，咁我哋就點咗佢推介嘅食物，侍應極之有禮貌，上菜速度非常快😅，可以的話可以完咗一樣食物先再想另一點會好啲！前菜：法國田螺，薯蓉底勁香，好味海膽龍蝦天使麵：龍蝦味好重，好味道鵝肝牛柳：鵝肝唔錯，牛柳有啲乾東巴雞肉串：好大串，味道唔錯甜品：心太軟，外脆內軟整體食物質素幾好，折咗之後都係六百幾蚊,超級抵

自從離開左旺角既工作之後都比較少有機會係呢頭食飯，難得今日路過，就同朋友揀左一間新開既餐廳，畢竟附近都係快餐店比較多，少啲可以靜靜地食飯傾計既地方呢。Go Go Rock係間係鬧市中既fine dining餐廳（雖然外表唔太似），不過試完覺得比想像中有驚喜，而且收費都合理。🥢煙三文魚火箭菜🥢沙律配芝士、橄欖油同陳醋，一齊食就中和左煙三文魚既咸味，仲有淡淡的芝士咸香，唔錯。🥢法國雞油菌焗生蠔🥢呢份焗生蠔味道層次豐富，而且好重油香，碎菌非常煙韌，同朋友都好中意呢道菜。🥢日本海膽炸蝦波🥢有少少泰式炸蝦餅既feel，彈牙既蝦肉加了海膽提鮮，不錯。🥢燒羊架拼脆雞柳🥢就咁睇落份量好似有啲細，不過諗到後面仲有意粉就覺得差唔多。羊架肉質幾滑嫩，好香香草味，易容入口。雞柳就有少少咸，不過連埋啲薯蓉一齊食就岩岩好。呢道菜入面我最中意既係薯蓉🤣，好香滑。🥢芝士焗大頭蝦蟹肉意粉🥢本黎以為得大頭蝦，原來個底仲收埋左好多蟹肉，蝦肉彈牙爽口，醬汁帶少少龍蝦味又唔會搶哂大頭蝦同蟹肉既味道，成道菜既味道balance得好好。🥢心太軟拼特色甜品🥢最後甜品既心太軟，認真皮薄餡靚，輕輕一切就流哂啲朱古力漿出黎，好creamy