坐忘

營業中

休息中

想食得健康又好味？甘一定要黎坐忘。因為佢啲嘢食係無落味精，而且會有好多蔬菜伴碟。呢度主打食日式咖喱飯，而最出名嘅就係豬軟骨7小時煮野菜咖哩飯🍛 豬軟骨7小時煮野菜咖哩飯 $69豬軟骨真係煮得超入味，同埋肉質超冧，而且舊豬軟骨都好大塊。佢啲咖哩比平時啲日式咖喱冇咁杰，味道香濃，feel到用左好多種香料去烹調，撈飯好惹味！仲有好多蔬菜，有翠玉瓜、紅蘿蔔、椰菜花、西蘭花、西芹，鍾意食菜嘅我覺得甘嘅配搭好正，有肉又有菜超健康！蕃茄牛肋野菜咖喱飯 $65蔬菜好大份，有蕃茄、翠玉瓜、紅蘿蔔，牛肋雖然無豬軟骨甘冧，但肉質鮮嫩，都好好味同好入味👍🏽黑芝麻牛肋野菜咖喱飯 $65加左黑芝麻嘅咖喱味道又幾特別，芝麻味好出，但又唔會蓋過咖喱本身嘅味道，配上牛肋同野菜，別有一番風味。忌廉湯烤雞野菌烏冬 $69呢個烏冬都好出色，忌廉湯唔係平時罐頭好杰身果種，但忌廉味都好濃郁。而且超足料，有好多菇同埋舊雞好大舊，有好多塊，雞肉雖然好厚身，但食落一啲都唔硬，仲好juicy! 烏冬軟硬度適中，好好味😋總評分：🌟🌟🌟🌟🌟 (5/5)好味指數：⭐️⭐️⭐️⭐️⭐️ (5/5)環境服務：⭐️⭐️⭐️(3/5)性價比：⭐️⭐️⭐️⭐️⭐️(5/5)

今日搵食搵到天后, 坐忘呢間餐廳座位唔算好多, 星期日晚上6點鬆d去到都要等一陣位! 餐廳其中一個賣點就係強調食物無落味精, 連醬汁都係自家調製, 岩晒注重飲食健康嘅人! 而且一入到餐廳就已經聞到好大陣咖哩香味, 所以唔洗左諗右諗, 首先一定要叫佢嘅咖哩食!!豬軟骨七小時煮野菜咖哩飯賣相十分吸引! 豬軟骨份量絕無手軟, 勁大舊! 而且真係煮到超腍, 冇牙都食到, 哈哈! 而且咖哩汁勁香濃, 配飯食一流! 仲有, 佢嘅米飯好有誠意, 唔係普通白飯咁簡單, 係金黃色嘅粟米蛋飯! 此外, 配料超級豐富, 好多唔同款蔬菜, 有薯仔、翠玉瓜、西蘭花、椰菜花、豆角同紅蘿白, 好健康!忌廉湯烤雞野菌烏冬呢款亦都係驚喜之作, 湯底好香牛油雜菌味, 烏冬係扁同幼身少少, 但保持到口感! 烤雞有3件, 件件都好大舊, 雞肉幾嫩滑! 而其他配料份量十足, 有好多雜菌、洋蔥同煙肉! 食到好滿足!!呢間小店十分推薦大家去食, 食物質素超有誠意, 想食得好味又健康, 坐忘係一個好選擇!!

坐忘係一間日式家庭料理小店，強調食物無落任何味精，醬汁都係店家自己調製，而且菜式營養均衡，因為每款都有滿滿嘅蔬菜🥬🥦🥒🥕🤤以前去過幾次鰂魚涌店，晚上總係大排長龍，呢次去天后店竟然唔使排隊😱佢哋嘅座位比較多同密，加上佢哋嘅上菜速度好快，所以翻桌速度都好快～🤣•🥢 忌廉湯烤雞野菌烏冬 $69呢款未必係店家最出名嘅食物，但就係我最鍾意同最念念不忘嘅🥰，因為真係喺其他地方食唔返呢個味道！🤤一上枱就聞到好香濃嘅牛油雜菌味，湯底好creamy，但飲落唔會太濃忌廉味，令我忍唔住飲咗大半碗湯🤤不過朋友就覺得牛油味太濃有少許膩～配料方面有好多洋蔥、雜菌、煙肉同3大件雞肉，烤雞幾嫩，但無乜烤過嘅味😣 烏冬偏幼同軟身，但好滑溜，同個湯好夾！另外加$6加咗半隻半熟蛋，好入味，而且生熟啱啱好！🤩•🥢 豬軟骨七小時煮野菜咖喱飯$69呢個豬軟骨咖喱飯係其中一項最出名嘅菜式，幾乎每一枱都會揀豬軟骨，加上配料超級豐富，真係一上枱就流晒口水🤤豬軟骨真係好出色，見到超多人叫，味道少少似中式嘅糖醋骨，煮得超淋同好入味，加上肥瘦肉同軟骨一層層相隔，食落有滿滿膠質嘅感覺～😋咖喱汁淋左喺野菜上面，旁邊伴有黃色嘅粟米南瓜飯～日式咖哩

近期成日要出街食但其實都想食得健康d👉🏿👈🏿之前聽呢間舖頭係日本人開 堅持一切都以健康為中心對於新界仔黎講真係好遠但點都要去試試佢！佢出名d日式咖哩我嗌左佢冬日限定既廣島蠔雜菇咖哩飯 ($75)飯係用蕃薯南瓜粟米珍珠飯入混合左細細既南瓜粒 淡淡既南瓜香同個飯配合得好好日式既咖哩味好香濃偏甜唔辣 唔會係平時係出面食一舊咖哩磚溶出黎個種入口有種好幸福既感覺 好似食緊日式住家飯咁蠔好新鮮 唔腥 同雜菇呢個組合好夾好正要健康飲食所以有好多蔬菜係入面 有菜有蔥咁 蔥炒得好香另外媽咪嗌左彩菜牛肋照燒汁定食 ($84)蓮藕片炸脆左 炸到脆卜卜可以吸引d小朋友食下菜茄子都係炆得好林 好入味!!牛肉煮得唔老 唔會好鞋口伴菜有沙律菜 果然配合哂均衡飲食爸爸嗌左韓式甜辣蘿蔔牛肋定食 ($76)蘿蔔極林極入味 韓式醬就辣辣地甜甜地好開胃！仲有隻醬汁溏心蛋好味朋友嗌左忌廉湯烤雞野菌烏冬+粟米 ($68+$3)烏冬質感普通 都幾彈牙 不過同平時既烏冬差不多 不過湯底就好濃好大陣牛奶香 好好味烤雞d肉都好嫩滑即使山長水遠 但都會再去！野食質素真係好高不過服務態度有d差 知係日本人主理但d staff黑口黑面 叫落單