丼瀛 (已結業)

好耐無去過觀塘喇, 今日去 ❥⧽丼瀛 ❥⧽ 食飯, 地道💛店, 播嘅都係同一首歌。𓊈丼瀛特上築地壽司杯𓊉有7 款唔同嘅壽司杯, 款款都好新鮮呀, 三文魚腩好肥美, 赤蝦大大隻隻, 海膽好鮮甜, 松葉蟹一d 都唔腥, 帆立貝摺埋咗原來都幾大粒厚身, 蔥吞拿魚腩撈飯真係好好食。𓊈三文魚頭連鮫𓊉三文魚鮫燒得皮脆肉嫩, 面珠燈真係好滑好好食, 配埋個有柚子味嘅汁一齊食會更有層次。𓊈軟殼蟹野菜米紙卷𓊉估唔到呢度都有米紙卷食, 軟殼蟹炸得好脆, 配咗好多沙律菜, 感覺幾清新。𓊈忌廉蟹肉薯餅𓊉炸到脆卜卜, 薯餅裡面好 creamy, 食嘅時候要小心d 因為真係好熱辣辣。✧✧ 餐廳嘅食物種類真係好多呀, 滿滿💛 氣氛, 值得支持。

是日放假一天，決定去觀塘黎個爲食之旅！次站係觀塘既丼瀛。搬舖之後應該第二次黎，仲記得上次試過之後發現搬舖後食物質素更上一層樓，今次黎開呢頭，又黎試試先。餐牌選擇好多，有前菜，沙律，刺身，壽司，主菜，天婦羅等等。今日餐lunch都仲飽緊，今晚想食得清淡d，叫左個沙律，前菜，一份壽司杯同兩份卷物分享。温室番茄豆腐沙律配胡麻 $58 另加一温室番茄豆腐沙律既沙律菜一大兜，仲有車厘茄，粟米粒，上面排左四塊滑豆腐同五塊番茄片，加d爽脆蟹子，非常新鮮健康。胡麻醬一小兜另上，要幾多自己加，正!忌廉蟹肉薯餅 $36 另加一忌廉蟹肉薯餅一客兩件，新鮮熱辣炸起，外脆內滑，入面滿滿忌廉，薯蓉份量適中，食完唔會過飽，雖然蟹肉就唔多覺，但係味道幾好，點唔點沙律醬都食得。築地壽司杯 $188 另加一呢個築地壽司杯呃like正。一條長長壽司架有六杯小小壽司杯加一杯沙律杯。壽司杯有三文魚，海膽，甜蝦，蔥吞拿魚腩，黃金魷魚，松葉蟹肉紫菜卷。三文魚厚切，肥美鮮甜。海膽滑溜，都有好幾小塊，如果更加鮮味會更好，下面墊左少少青瓜絲。甜蝦非常鮮甜，連蝦頭d汁都係。蔥吞拿魚腩超滑，面頭撒上白芝麻粒同香蔥絲。黃金魷魚略鹹，不過魷魚都

呢間觀塘嘅日本餐廳搬咗去新地方🇯🇵，地方更大，環境更靚，重點係夠黄💛，我同朋友特意放工過嚟食。雖然位於一個唔太起眼嘅位置，但去到已經座無虛席👨‍👩‍👧‍👦。 🍱大蔥黑豚肉 $28 🧈明太子醬玉子燒 $26 🍙天龍卷（四件） $98 🌮碎蔥吞拿魚腩海膽卷（四件） $78 🍨築地壽司杯 $188 🍘忌廉蟹肉薯餅（兩件） $36 呢幾款都好好味，造型都獨具風格，幾啱打卡。我哋覺得玉子燒係最滋味，蛋味香濃。薯餅入面啲蟹肉軟綿綿好正😋。 壽司杯其實都係壽司，不過舊飯用杯裝，份量大啲。一set有厚切三文魚腩、吞拿魚蔥花腩、黃金墨魚、松葉蟹、赤牡丹蝦、海膽，十分豐富😃。 至於天龍卷其實係炸大蝦配赤燒三文魚加魚籽壽司卷🍤，唔好睇佢即係得四件，都幾有份量又惹味。份量啱啱好，總計兩個人都係$499算抵食👌。 牆上貼上文宣，門口仲有即日蘋果日報🍎，而且擺滿好多不同類型嘅文宣擺設，poster同post card，黄得實至名歸。 最正係佢有幾個大電視播着唔同嘅抗爭歌🎼，包括Do You Hear the People Sing以及願榮光歸香港，仲有唔同嘅version，出動埋古箏、大提琴等樂器🎻。

係觀塘黃色小店林立之中要脫穎而出係一啲都唔易💛除咗要夠黃，食物質素絕對要對得住個價錢🉑今次叫咗三樣食物，兩個女仔食得非常飽，捧住肚走北海道三文魚海膽丼主打三文魚同海膽刺身，加上甜蛋同大量蟹子做配料，飯量亦非常足！三文魚厚厚的三片，口感新鮮海膽唔算太出色，只係合格標準，但朋友說不俗 值7.5/10分牛油果金羅卷即是牛油果炸蝦🍤卷，係8/10分之作！牛油果同炸蝦配搭得非常好，不油膩之餘炸蝦部分仍能保持爽脆既口感忌廉蟹肉薯餅三種食物中最低分既一款，值6.5/10分。 雖然薯餅外層炸得好出色，非常鬆脆！但忌廉陷太膩，而又食唔出蟹肉既感覺，所以下次會試其他味道既薯餅💜適逢餐廳做緊指定餐牌7折優惠，真係好抵食❤️